آزاد کشمیر میں آئے روز احتجاج سے شعبہ سیاحت شدید متاثر

مظفرآباد (اُردو پوائنٹ اخبارتازہ ترین - آن لائن۔ 25 مئی2024ء) کشمیر جنت نظیر میں معیشت سیاحت سے جڑی ہوئی ہے،عام دکاندار سے لے کر ہوٹل مالکان تک سب ٹورسٹ سیزن کے منتظر ، نام نہاد عوامی ایکشن کمیٹی نے مطالبات پورے ہونے کے باوجود مذموم سیاسی مقاصد کے لئے ایک بار پھر ہڑتال کا اعلان کر کے سیاحت کی صنعت سے وابستہ افراد کے پیٹ پر لات مار کر کھلم کھلا عوام دشمنی کا ثبوت دیدیا ۔

آئے روز احتجاج سے آزاد کشمیر کا شعبہ سیاحت شدید متاثر ہو رہا ہے۔عوامی ایکشن کمیٹی کی شٹر ڈاون اور پہیہ جام ہڑتال کی وجہ سے بچے کھچے سیاحوں میں خوف ہراس پایا جاتا ہے اور ٹورسٹ سیزن کے باوجود ہاوس ویران نظر آ رہے ہیں۔ عوامی ایکشن کمیٹی کی جانب سے بار بار احتجاج کے باعث آذاد کشمیر کی سیاحتی صنعت مشکلات سے دوچار ہے۔

(جاری ہے)

سیاحت سے وابستہ افرادکا کہنا ہیکہ،چند دن کی ہڑتال آزاد کشمیر کی سیاحت کو کئی سال پیچھے لے گئی ہے۔

ہوٹل مالکان بھی نام نہاد عوامی ایکشن کمیٹی کی ہڑتال س تنگ پڑ چکے ہیں اور ان کا کہنا ہے کہ وہ پہلے ہی بہت نقصان اٹھا چکے ہیں آزاد کشمیر مزید احتجاج کامتحمل نہیں ہو سکتا، ٹور آپریٹرز کے مطابق کشمیر پرامن سیاحتی خطہ ہے یہاں آئے روز کے احتجاج اور ہڑتال پر پابندی ہونی چاہیے۔آذاد کشمیر میں احتجاج کی وجہ سے ملک بھر سے آنے والے سیاح خوفزدہ ہیں۔ٹور آپریٹرز کے مطابق ،آزاد کشمیر کی سیاحت کو بام عروج تک پہنچانے میں بہت وقت لگالیکن ایک ہڑتال انہیں کئی سال پیچھے لے گئی۔سوشل میڈیا پر وائرل ہونے والی احتجاج کی وڈیوز سیاحوں کو آزاد کشمیر سے متنفر کر رہی ہیں۔ عوام کے مسائل حل کرنے کے بجائے سیاست چمکانے والوں کو آزاد کشمیر کے پر امن عوام نے مسترد کر دیا ہے۔