فوڈ اتھارٹی مردان نے ہوٹل سے وابسطہ افراد کو خصوصی تربیت دی

عوام کو صاف اور معیاری خوراک کی فراہمی کو یقینی بنانے کی لیے تمام اقدامات کو بروئے کار لائیں گے ،ڈپٹی ڈائریکٹر آصف خان کے پی فوڈ سیفٹی اینڈ حلال فوڈ اتھارٹی نے تخت بھائی میں واقع مقامی ہوٹلز کے ورکرز کو فوڈ سیفٹی لیول ون کی ٹریننگ دی

منگل 18 فروری 2020 21:59

پشاور(اُردو پوائنٹ اخبارتازہ ترین - این این آئی۔ 18 فروری2020ء) ایڈیشنل اسسٹنٹ ڈائریکٹر شکیل احمد اورفوڈ سیفٹی آفیسر شاہد علی نے ورکرز کو جسمانی صفائی حفظان خوراک، خوراک کی تیاری، سٹوریج۔ غیر معیاری اور ممنوع اشیاء کے استعمال سے متعلق آگاہی دی۔ عوام کو صاف اور معیاری خوراک فراہم کرنے کیلئے کے پی فوڈ اتھارٹی ہر ممکن طور پر اپنی کوشش جاری رکھے ہوئے ہیں۔

فوڈ اتھارٹی کی ٹیم نے مختلف سکولزکا دورہ بھی کیا جہاں پر کینٹین کا معائنہ کیا گیا اور طلباء کو پینے کیلئے صاف اورفلٹر شدہ پانی فراہم کرنے کی تاکید کی۔

(جاری ہے)

مختلف کلاسوں میں طلباء کو صاف اور مخفوظ خوراک کے ساتھ جسمانی صفائی کے حوالے سے آگاہی دی گئی۔ ڈپٹی ڈائریکٹر آصف خان نے کہاہے کہ خوراک ہماری روزمرہ ضروریات کا سب سے اہم جز ہے اور انسانی جسم میں پیدا ہونے والی بیماریوں کی سب سے بڑی وجہ خوراک ہے۔

لہذا خوراک کے معاملے میں کی جانے والی کوتاہی پر کسی قسم کی رعایت نہیں کی جائے گی۔ تمام خوراک کے کاروبار سے وابسطہ افراد کو مطلع کیاجاتا ہے کہ فوڈ سیفٹی کے حوالے سے اپنے ورکرز کو تربیت کیلئے رجسٹر کیا جائے اور فوڈ سیفٹی ریگولیشنز پر عمل پیرا ہونے کی بھر پورکوشش کریں۔