خیبر پختونخوا کے مختلف امتحانی بورڈ ز کے سالانہ پرچے آوٹ ہونے کا سلسلہ نہ رک سکا

منگل 30 اپریل 2024 21:52

پشاور(اُردو پوائنٹ اخبارتازہ ترین - این این آئی۔ 30 اپریل2024ء) خیبر پختونخوا کے مختلف امتحانی بورڈ ز کے سالانہ پرچے آوٹ ہونے کا سلسلہ نہ رک سکا ۔ مردان بورڈ کے دہم جماعت کا ہونے والا پرچہ وقت سے پہلے آوٹ ہو گیا۔خیبر پختونخوا میں میٹرک اور دیگر سالانہ امتحانات کے دوران پرچے آوٹ ہونے کا سلسلہ جاری ہے ۔ مردان بورڈ کے دسویں کلاس کا پرچہ بھی وقت سے پہلے آوٹ ہو گیا۔

مردان بورڈ کا پرچہ وقت سے پہلے سوشل میڈیا پر وائرل ہو گیا۔

(جاری ہے)

ڈی آئی خان کے چار، مردان اور ملاکنڈ کے تین، بنوں بورڈ کے 2 پرچے آوٹ ہوچکے ہیں۔دیگر پرچے شروع ہونے سے 15 منٹ پہلے آوٹ ہوئے ہیں ۔ مردان بورڈ بیالوجی پیپر شروع ہونے سے 2 گھنٹے پہلے سوشل میڈیا پر لیک ہوچکا تھا۔محکمہ تعلیم کے مطابق پیپرز آوٹ ہونے کا ڈیپارٹمنٹ نے سختی سے نوٹس لیا ہے ۔ بنوں میں پیپر آوٹ کرنے والا استاد معطل ہوچکا ہے ۔ ڈی آئی خان میں پیپر آوٹ ہونے پر پنیالہ میں پورا امتحانی عملہ ہٹایا گیا ہے ۔ متعلقہ ڈپٹی کمشنرز کو پیپرز آوٹ ہونے کی تحقیقات کی ذمہ داری دی گئی ہے۔