کوئٹہ شہر میں پیشہ ور بھکاریوں کیخلاف کریک ڈاون کا آغازکردیاگیا

جمعرات 23 مئی 2024 01:00

کوئٹہ (اُردو پوائنٹ اخبارتازہ ترین - این این آئی۔ 23 مئی2024ء) کوئٹہ شہر میں پیشہ ور بھکاریوں کے خلاف کریک ڈاون کا آغاز کردیا گیااس سلسلے میں عوامی شکایات پر ڈپٹی کمشنر کوئٹہ کی خصوصی ہدایات پر کوئٹہ شہر کے مختلف مقامات پر پیشہ ور بھکاریوں کے خلاف کریک ڈائون کیا گیا اس کارروائی میں مجسٹریٹ عبدالحمید نے حصہ لیا اس دوران 27 پیشہ ور بھکاریوں کو پکڑ کر محکمہ سماجی بہبود آبادی کے حوالے کردیے۔

واضح رہے کہ ڈپٹی کمشنر کوئٹہ نے عوامی شکایات اور پشہ ور بھکاریوں کی بڑھتی ہوئی تعداد کے پیش نظر سخت نوٹس لیتے ہوئے ضلعی انتظامیہ کی ٹیموں کو خصوصی ٹاسک سونپ دیے۔ اور ہدایت کی کہ کسی بھی سڑک پر کوئی بھکاری نظر آئے اسے پکڑ کر بند کیا جائے یا محکمہ سماجی بہبود آبادی کے حوالے کیا جائے۔

(جاری ہے)

اس حوالے سے ڈپٹی کمشنر کوئٹہ لیفٹیننٹ(ر)سعد بن اسد نے کہنا ہے کہ کوئٹہ شہر کو پیشہ ور بھکاریوں کی تعداد میں گرمی آتے ہی اضافہ ہوتا ہے جن میں اکثر جرائم اور واردات بھی کرتے ہیں جس سے شہریوں کو شدید مشکلات درپیش ہیں لہذا شہر کو پیشہ ور بھکاریوں سے پاک کرنے کے لیے ضلعی انتظامیے کی ٹیموں کو محترک کردیا گیا ہے جو روزانہ کی بنیاد پر شہر کے اندر جناح روڈ، قندہاری بازار ،میزان چوک، لیاقت بازار عبد الستار روڈ اور گردنواح میں کارروائیاں کریگیں۔