اداکارمارک روفالو کی حمایت میں 180 سے زائد یہودی شخصیات کا کھلا خط

نیویارک (اُردو پوائنٹ اخبارتازہ ترین - این این آئی۔ 03 ستمبر2026ء) مارول اداکار مارک روفالو پر یہود مخالف خیالات کے الزامات کے بعد 180 سے زائد یہودی فنکاروں، مصنفین اور شوبز شخصیات نے ان کے حق میں کھلا خط جاری کردیا۔خط میں کہا گیا ہے کہ یہود دشمنی کے بے بنیاد الزامات کو جنگ، اشرافیائی حکمرانی اور مصنوعی ذہانت کی بالادستی کے دفاع کے لیے استعمال کرنے کا وقت گزر چکا ہے۔

(جاری ہے)

خط پر ہنا آئن بائنڈر، جوئل کوئن، ٹوڈ ہینز، ایلان گلیزر، ٹونی کشنر، ایما سیلگ مین، جین شون برن اور والیس شان سمیت دیگر اہم شخصیات نے دستخط کیے۔مارک روفالو نے 21 اگست کو پیرامانٹ اور وارنر برادرز کے ممکنہ انضمام کو ہالی ووڈ کے لیے نقصان دہ قرار دیتے ہوئے ایلیسن خاندان پر فلسطینیوں کے خلاف نسل کشی میں شریک ہونے کا الزام عائد کیا تھا۔روفالو نے اوریکل کے اسرائیلی فوج سے تعلقات کی جانب بھی توجہ دلائی تھی۔خط میں مقف اختیار کیا گیا کہ غزہ میں جاری صورتحال اور ہالی ووڈ کے معاملات کے درمیان تعلق کی نشاندہی کرنا یہود دشمنی نہیں بلکہ یہودی اخلاقی ذمہ داری کا تقاضا ہے۔