”محو حیرت“ شخص نے جیولری سٹورمیں ہیرے کی انگوٹھی نگل لی

امین اکبر پیر 28 جنوری 2019 23:55

آئر لینڈ سے تعلق رکھنے والے ایک شخص نے ترکی کے جیولری سٹور میں ایک قیمتی ہیرے کی انگوٹھی نگل لی۔مقدمے کے دوران اس شخص نے مدعی کو بتایا کہ اس نے یہ حرکت وجد کی کیفیت میں کی ہے۔
ترکی میں چھٹیاں گزارنے والے ایان کیمپبیل کو 4 اکتوبر 2018 کو حراست میں لیا گیا تھا۔ انہوں نے مقامی جیولر شاپ سے 40 ہزار ڈالر کی انگوٹھی چرائی تھی لیکن پکڑے جانے پر انہوں نے انگوٹھی نگل لی۔

عینی شاہدین کے مطابق جب ایان کو اندازہ ہوا کہ وہ چوری کے بعد پھنسنے والا ہے تو اس نے فوراً ہی انگوٹھی کو نگل لیا۔ ایان کو گرفتار کر کے ہسپتال لے جایا گیا، جہاں ڈاکٹروں نے کوشش کہ کہ انگوٹھی ادویات سے قدرتی راستے سےباہر نکل آئے۔اخباری رپورٹر اس منظر کو تقریباً رئیل ٹائم میں دیکھ رہے تھے۔

(جاری ہے)

لیکن بدقسمتی سے انگوٹھی پھنس گئی اور سرجری نے نکالنی پڑی۔

54 سالہ ایان کو 2 دن تک ہسپتال رکھا گیا۔ ڈاکٹروں نے انہیں جلاب کی دوائیں دی، انہیں جمپ لگوائے گئے لیکن اس طریقے نے کام نہیں کیا۔ انگوٹھی پیٹ میں پھنس گئی تو 36 گھنٹے بعد ایان آپریشن کے لیے راضی ہوا۔
پچھلے ہفتے ترک حکام نے ایان کے خلاف مجرمانہ کیس دائر کیا ہے۔ ایان کے بیان سے بھی بہت سی دلچسپ چیزیں سامنے آئیں ہیں۔ ایان نے بتایا کہ وہ انگوٹھی دیکھ کر محو ہو گیاتھااور اسی محویت میں انگوٹھی نکل لی۔ اس کے بعد ایان بے ہوش ہوگیا لیکن جب ہوش میں آیا تو انگوٹھی اس کے پیٹ میں جا چکی تھی۔ ایان نے مزید بتایا کہ اس کی بیوی کا انتقال ہو گیا تھا۔ اس کی شادی کی انگوٹھی گم ہو گئی تھی، اس لیے وہ جیسے ہی کوئی انگوٹھی دیکھتا ہے اسے حاصل کرنے کی کوشش کرتا ہے۔