Totkay - Article No. 3266

چھائیاں دور کرنے کیلئے
پکے ہوئے پپیتے کو چھیل کر اس کا گودا بنا لیں‘ اس میں آدھا چائے کا چمچہ جیلاٹن ملا کر فریج میں رکھ دیں جب سیٹ ہو جائے تو اسے چہرے پر اچھی طرح سے لگائیں‘10 منٹ کے بعد ٹھنڈے پانی سے چہرہ دھو لیں جھائیوں کیلئے بہترین ہے۔
خستہ فرنچ فرائز بنانے کیلئے
فرنچ فرائز ہر گھر میں بنتے ہیں اور تمام بچے شوق سے فرنچ فرائز کھاتے ہیں لیکن فرنچ فرائز خستہ نہ ہوں تو مزہ نہیں آتا۔اگر خستہ اور مزے دار چپس بنانے ہوں تو آلو کاٹ کر انہیں تھوڑی دیر کیلئے نمک اور سرکہ ملے پانی میں ڈبو دیں۔جب فرنچ فرائز تلنے ہوں تو آلوؤں کا پانی پھینک کر انہیں کاغذ پر پھیلا دیں۔پانی خشک ہو جائے تو نیم گرم تیل میں شامل کریں اور ہلکا سا نمک بھی ملا دیں۔

(جاری ہے)

فرنچ فرائز تل کر اخبار پر نکالیں‘تیل جذب ہو جائے تو بچوں کو پیش کریں۔
فریز چاولوں کو تازہ کیجئے
فریز کئے ہوئے چاولوں کو تازہ کرنے کیلئے ایک دیگچی میں گرم پانی ڈال کر آنچ پر رکھیں اور چاولوں کا برتن پانی کے اوپر رکھ کر اسٹیم دے لیں‘ جب ایک‘ ایک دانہ الگ‘ الگ ہو جائے تو توے کے اوپر دم پر رکھ دیں بالکل تازہ پکے ہوئے چاولوں کی طرح لگیں گے۔

ایک دیگچی میں پانی اُبالیں‘ اس میں فریز کئے ہوئے چاول ڈالیں اور فوراً چھان کر دم پر رکھ دیں۔