Totkay - Article No. 3232

خستہ فرنچ فرائز بنانے کے لئے
اگر فرنچ فرائز بنانے کے بعد نرم پڑ جاتے ہوں تو آلو کاٹنے کے بعد اس میں تھوڑا سا چاول کا آٹا اور کارن فلور ملائیں اور کاغذ کی بھوری ہتھیلی میں ڈال کر اچھی طرح سے ہلائیں اور پھر تلیں۔چپس تیار ہو جائیں تو انہیں جاذب کاغذ پر نکالیں اور ایک چٹکی بیسن چھڑک دیں۔فرنچ فرائز دیر تک خستہ رہیں گے۔
پیٹ کے کیڑوں کے لئے
پیٹ کے کیڑوں کو نکالنے کے لئے ایک پیالی پانی میں 1/2 چائے کا چمچہ کلونجی اور ایک چائے کا چمچہ شہد ڈال کر اچھی طرح سے پکائیں۔اس پانی کو تھوڑا تھوڑا کر کے سارا دن میں پی لیں۔
گرتے ہوئے بالوں کے لئے
اگر آپ کے بال گر رہے ہیں تو روزانہ ایک پیالی دودھ‘ایک پیالی گاجر کا جوس اور ایک اُبلا ہوا چقندر کھائیں‘اس سے بال بہت اچھے اور جان دار ہو جاتے ہیں۔

(جاری ہے)

علاوہ ازیں گرتے بالوں کو روکنے کے لئے بالوں میں 2 گھنٹوں کے لئے تیل لگائیں‘دھونے کے بعد 1/4 چائے کا چمچہ زیتون کا تیل گیلے بالوں کی جڑوں میں لگا کر بال دھوپ میں سکھائیں۔
سموسے کی پٹیاں محفوظ کرنے کے لئے
سموسے کی پٹیوں کو ململ کے کپڑے میں لپیٹیں اور پھر انہیں پلاسٹک کی تھیلی میں لپیٹ کر ڈیپ فریزر میں رکھ دیں۔اس طرح سے سموسے کی پٹیاں زیادہ عرصے تک تازہ رہیں گی۔
اُنگلیوں کو سیاہی سے بچانے کے لئے
دودھ میں تھوڑا سا بیسن‘ہلدی اور لیموں ملا کر گاڑھا آمیزہ بنائیں۔اسے ہاتھ یا پیروں کی سیاہ ہوتی ہوئی اُنگلیوں پر لگا لیں۔چند دنوں کے استعمال سے سیاہ پڑتی اُنگلیاں صاف ہو جائیں گی۔
جھائیاں دور کرنے کے لئے
اگر چہرے پر جھائیاں ہیں تو اُبلے ہوئے چقندر کھائیں اور زیادہ سے زیادہ پانی پئیں۔پپیتے کے ایک ٹکڑے کو انگوٹھے سے مسلیں‘اس میں چند قطرے عرق گلاب ملا کر ہاتھ نیچے سے اُوپر کی جانب لے جاتے ہوئے جھریوں پر لگائیں‘پھر ٹھنڈے پانی سے منہ دھو لیں اور عرق گلاب چہرے پر لگا لیں۔اس عمل کو دہرانے سے جھائیاں تیزی سے ختم ہو جاتی ہیں۔
بالوں کی خشکی دور کرنے کے لئے
ایک چائے کا چمچہ اینٹی سیپٹک ماؤتھ واش میں ایک چائے کا چمچہ پانی ملا کر پھینٹیں اور اسے بالوں کی جڑوں میں لگا لیں۔10 منٹ کے بعد گرم پانی میں بھیگا ہوا تولیہ سر پر لپیٹ لیں۔اس کے بعد کاربولک سوپ (لال والا) بالوں میں لگائیں اور پھر پورے سر پر باریک کنگھی کریں‘پھر بال دھو لیں۔چند مرتبہ کے عمل کے بعد خشکی ختم ہو جائے گی۔