جس ادارے کو طالبان سے مذاکرات کی ذمہ داریاں سونپی جائیں گی، وہی اس کو ادا کریگا ، سینیٹر پرویز رشید ،تحریک انصاف طالبان کا سیا سی ونگ ہے ،عمران خان کو چاہیے وہ دہشت گردوں کے حملوں کی مذمت کریں ،تاکہ قوم کو اطمینا ن حاصل ہو ،طالبا ن خلافت چاہتے ہیں لیکن حکومت ان کیساتھ آئین پاکستان کے تحت آگے بڑھنا چاہتی ہے‘ وفاقی وزیر اطلاعات و نشریات
پیر 27 جنوری 2014 22:07
لاہور (اُردو پوائنٹ اخبار تازہ ترین۔27 جنوری ۔2014ء) وفاقی وزیر اطلاعات ونشریات سینیٹر پرویز رشید نے کہا ہے کہ دہشت گردوں سے مذاکرات کے حوالے سے تمام ادارے اپنی ذمہ داریا ں پو ری کر رہے ہیں ،اب یہ طے ہوچکاہے کہ جس ادارے کو جو ذمہ داریاں سونپی جائیں گی، وہی اس کو ادا کر ے گا اور باہر کے کسی شخص یا مذہبی گروہ کو یہ اجازت ہر گز نہیں دی جاسکتی ،تحریک انصاف طالبان کیلئے نرم گوشہ رکھتی ہے ،یہ طالبان کا سیا سی ونگ ہے ،عمران خان کو چاہیے کہ وہ دہشت گردوں کے حملوں کی مذمت کریں اور ایک واضح بیان دیں تاکہ پاکستانی قوم کو اطمینا ن حاصل ہو کہ تمام جماعتیں ایک ہی نقطہ پر متقق ہیں ۔
نجی ٹی وی کو انٹرویو میں انہوں نے کہا کہ حکومت کی ذمہ داری ہے کہ عوام کو دہشتگردی کے افریط سے نجات دلوائے ،شرعی ، آئینی و اخلاقی طور پر دہشت گردوں سے مذاکرات کرنے چاہییں ۔(جاری ہے)
ریاست اپنے اس فرض کو پورا کررہی ہے ، طالبان آئین کو نہیں مانتے ، وہ خلافت چاہتے ہیں ، لیکن حکومت ان کے ساتھ آئین پاکستان کے تحت آگے بڑھنا چاہتی ہے ۔ دہشت گردوں سے مذاکرات کے حوالے سے تمام ادارے کام کررہے ہیں اوراپنی ذمہ داریا ں پو ری کر رہے ہیں ،اب یہ طے ہوچکاہے کہ جس ادارے کو جو ذمہ داریاں سونپی جائیں گی، وہی اس کو ادا کر ے گا اور باہر کے کسی شخص یا مذہبی گروہ کو یہ اجازت ہر گز نہیں دی جاسکتی کہ وہ یہ ذمہ داریاں اداکریں ۔
تحفظ پاکستان آرڈیننس کے تحت اس بات کومزید واضح کر دیا گیا ہے ۔ انہوں نے کہا کہ عمران خان کو چاہیے کہ وہ دہشت گردوں کے حملوں کی مذمت کریں اور ایک واضح بیان دیں تاکہ پاکستانی قوم کو اطمینا ن حاصل ہو کہ تمام سیاسی جماعتیں ایک ہی نقطہ پر متقق ہیں۔پاکستان تحریک انصاف طالبان کیلئے نرم گوشہ رکھتی ہے ، یہ کہتے ہیں کہ آپریشن نہیں ہو نا چاہیے ،یہ طالبان کیلئے سڑکوں پر کھڑا ہو کر ان کیلئے راہ ہموار کرتے ہیں ،یہ طالبان کا سیا سی ونگ ہیں اور اس لحاظ سے ان کی پوری نمائندگی کرتے ہیں ،یہ ان کی شکایتیں اور زیادتیاں اپنی زبان میں بیان کر تے ہیں۔میں یہ واضح کر دینا چاہتا ہوں کہ طالبان سے مذاکرات کے حوالے سے تحریک انصاف سے کو ئی بات چھپائی نہیں جائے گی ،ان کی اس مسئلے کوپارلیمنٹ میں لانے کی خواہش پو ری کی جائے گی اور ان کے پارلیمانی لیڈران سے بھی گفتگو کی جائے گی ۔لیکن انہیں چاہیے کہ اپنا طر ز عمل درست کریں اورطالبان کے دہشتگردی کے حملوں کی واضح الفاظ میں مذمت کریں ۔مزید اہم خبریں
-
ہیٹی: جنسی تشدد کو بطور جنگی ہتھیار استعمال کرنے پر تشویش
-
یو این اور شراکت داروں کی یمن کے لیے ہنگامی امدادی اپیل
-
سندھ کے آم کے باغات میں بیماری پھیلنے کا انکشاف
-
ن لیگی ایم پی اے کا متعدد افراد کے ہمراہ پی ٹی آئی ایم این اے کے گھر پر دھاوا
-
خلاء میں اسلحہ کی دوڑ روکنے پر سلامتی کونسل میں عدم اتفاق پر تشویش
-
سعودی ولی عہد کے دورہ پاکستان کا ممکنہ شیڈول سامنے آ گیا
-
بنگلہ دیش: گرمیوں میں زچہ و بچہ کی دیکھ بھال پر ہدایت نامہ جاری
-
روس نے کا فرانس، برطانیہ اور امریکا کی دھمکیوں کے جواب میں جوہری ہتھیاروں کی جنگی مشق کرنے کا اعلان
-
مذاکرات کا ماحول ہوگا تو بانی پی ٹی آئی سے مزید گائیڈ لائنز لوں گا
-
آزاد کشمیر کے بارے میں بھارتی راہنماﺅں کے اشتعال انگیز بیانات اور بلاجواز دعوے علاقائی امن کے لیے سنگین خطرہ ہیں. اسحاق ڈار
-
ڈمی اور غیرذمہ دار لوگوں سے بات نہیں کروں گا‘معلوم ہے کون طاقتور ہیں.علی امین گنڈاپور
-
نوجوانوں کو عدم برداشت اور غلط معلومات کو معاشرے میں پھیلانے والے شرپسند طبقوں کی بیخ کنی اور حوصلہ شکنی کرنے کیلئے اپنا کردار ادا کرنا چاہئے. احسن اقبال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.