مستقبل میں پاکستانی ٹیم کی کوچنگ کا امیدوار نہیں ہوں، زمبابوے سے شکست کو بھلا نہیں سکتا ‘ ڈیوواٹمور،یکم مارچ سے دبئی کی سپورٹس مینجمنٹ کمپنی کے ساتھ منسلک ہو جاؤں گا ، پاکستانی ٹیم کوبیٹنگ کوچ کی اشد ضرورت ہے ، کوچ قومی کرکٹ ٹیم
جمعہ 31 جنوری 2014 20:55
لاہور(اُردو پوائنٹ اخبار تازہ ترین۔31 جنوری ۔2014ء) پاکستان کرکٹ ٹیم کے کوچ ڈیو واٹمور نے کہا ہے کہ مستقبل میں پاکستانی ٹیم کی کوچنگ کا امیدوار نہیں ہوں، یکم مارچ سے دبئی کی سپورٹس مینجمنٹ کمپنی کے ساتھ منسلک ہو جاؤں گا ، پاکستانی ٹیم کوبیٹنگ کوچ کی اشد ضرورت ہے ، عمراکمل میں بہترین صلاحیتیں موجود ہیں او روہ پاکستان کامستقبل ہیں ۔ قذافی اسٹیڈیم میں میڈیا سے گفتگو کرتے ہوئے ڈیو واٹمور نے کہا کہ پاکستانی کرکٹ ٹیم کی کوچنگ میرے لئے ایک چیلنج تھا لیکن یہ تجربہ بہت اچھا رہا ہے ۔
بہت سی خوشگوار یادیں لیکرجار رہا ہوں ۔سب سے بڑا دکھ پاکستان کا زمبابوے کے خلاف ٹیسٹ سیریز ہارنا ہے ۔ڈیو واٹمور نے مزید کہا کہ میرا یہ ٹارگٹ تھا کہ جو بھی سیریز کھیلیں وہ جیت کیلئے کھیلیں اور یہی تمام کھلاڑیوں کابھی مقصد تھا۔(جاری ہے)
انہوں نے کہا کہ جنوبی ایشیاء میں کرکٹ کا رجحان بہت زیادہ ہے یہاں میڈیا کا بھی دباؤ ہوتا ہے جس سے کارکردگی بہتر بنانے میں مدد ملتی ہے۔
انہوں نے کہاکہ پاکستان میں قیام کے دوران مجھے کبھی بھی سکیورٹی مسائل درپیش نہیں رہے بلکہ میں یہاں رہ کر لطف اندوز ہواہوں ۔ انہوں نے پسندیدہ کھلاڑی کے حوالے سے سوال کے جواب میں کہا کہ کھلاڑیوں کی سلیکشن میں کبھی کوئی کردار نہیں رہا بلکہ میں صرف رائے دیتا ہوں اور فیصلہ سلیکشن کمیٹی نے کرنا ہوتا تھا۔ انہوں نے کہا کہ عمراکمل صلاحیتوں سے بھرپور کھلاڑی ہے اور وہ پاکستان کا مستقبل ہیں۔ انہوں نے بگ تھری کے حوالے سے کہا کہ یہ بہت اہم معاملہ ہے میں اسکا تفصیل سے جائزہ لوں گا لیکن امید ہے کہ پاکستان کرکٹ بورڈ کرکٹ کے مفاد میں فیصلہ کرے گا ۔ ڈیو واٹمور نے کہا کہ کھلاڑی میری بات کو آسانی سے سمجھتے تھے لیکن اگر چند کھلاڑیوں کو سمجھ نہ بھی آتی تو وہ میرے احساسات سمجھ جاتے تھے کہ میں ان سے کیا کہنا چاہتا ہوں۔ انہوں نے کہاکہ 28فروری تک پاکستانی کرکٹ بورڈ کے لئے خدمات سر انجام دوں گا اور یکم مارچ سے دبئی کی ایک سپورٹس مینجمنٹ کمپنی سے منسلک ہو جاؤں گامتعلقہ عنوان :
مزید کھیلوں کی خبریں
-
ٹی ٹوئنٹی ورلڈ کپ کیلئے بھارت نے اسکواڈ کا اعلان کردیا، روہت شرما قیادت کرینگے
-
ہاکی کی بہتری کیلئے میرٹ پر فیصلے کیے گئے ،عالمی سطح پر ملک کی نمائندگی کرنا یقینا ایک قا بل فخر بات ہے ،رانا مشہود
-
پاکستان میں امریکی سفیر ڈونلڈ بلوم کا امریکہ میں ٹی ٹوئنٹی ورلڈ کپ سے قبل پاکستانی کرکٹ ٹیم کے اعزاز میں استقبالیہ
-
پاکستان فٹ بال فیڈریشن کے زیر اہتمام نیشنل چیلنج کپ 2023 فائنل راؤنڈ کا آغاز یکم مئی سے ہوگا
-
عامروسیم میموریل پی سی بی انٹر کلب کرکٹ ٹورنامنٹ کے حوالے سے اجلاس
-
ڈی او کے بی کرکٹ ٹورنامنٹ مستنگ کلیمنگ نے جیت لیا
-
کرکٹ سیریزکے ٹکٹس کی فروخت میں بے ضابطگیاں، ایف آئی اے نے تحقیقات شروع کردیں
-
ورلڈ کپ کیلئے پاکستان ٹیم کا اعلان مئی کے وسط میں کیے جانیکا امکان
-
باسط علی نے ٹی20 ورلڈکپ کیلئے اپنے 15 رکنی اسکواڈ سے محمد عامر کو اسکواڈ سے باہر کردیا
-
فٹبال لیگ سیری اے، پہلی بار خواتین پر مشتمل ریفریز کا تقرر
-
پنک گیمزکا افتتاح وزیراعلیٰ پنجاب مریم نوازکی جانب سی (کل) کئے جانے کا امکان
-
پاکستان کی خاتون کوہ پیماء نائلہ کیانی اگلے ماہ نیپال میں دنیا کی پانچویں بلند چوٹی مکالو کو سر کریں گی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.