نصیر آباد ڈویژن کی ترقیاتی سکیموں کو بہتر معیار کے ساتھ بروقت مکمل کیا جائے،ڈاکٹر عبدالمالک بلوچ،وزیراعلیٰ نے محکمہ تعلیم اور صحت کی کارکردگی سے متعلق عوامی نمائندوں کی شکایات کا نوٹس لے لیا،صحت اور تعلیم کے شعبوں میں بہتر سہولیات کی فراہمی پر کوئی کوتاہی اور غفلت برداشت نہیں کی جائے گی، اجلاس میں ہدایات
ہفتہ 26 اپریل 2014 20:51
ڈیرہ مراد جمالی(اُردو پوائنٹ اخبار تازہ ترین۔26اپریل۔2014ء) وزیر اعلیٰ بلوچستان ڈاکٹر عبدالمالک بلوچ نے کہا ہے کہ نصیر آباد ڈویژن کی ترقیاتی اسکیمات کو بہتر معیار کے ساتھ بروقت مکمل کیا جائے، غیر حاضر اساتذہ، ڈاکٹروں اور گھوسٹ سکولوں کی رپورٹ وزیر اعلیٰ سیکریٹریٹ کو بھی ارسال کی جائے، ان خیالات کا اظہار ڈاکٹر عبدالمالک بلوچ نے ڈیرہ مراد جمالی میں مختلف محکموں کی جانب سے دی گئی بریفنگ کے موقع پر کیا، وزیر اعلیٰ کو بتایا گیا کہ پٹ فیڈر کینال میں چھ ہزار کیوسک پانی کے بجائے بلوچستان کو صرف 3500کیوسک پانی مل رہا ہے، جس سے علاقے میں پانی کی کمی کے باعث زراعت کے شعبے کو مزید نقصان پہنچ رہا ہے، وزیر اعلیٰ نے کہا کہ پانی چوروں کے خلاف کارروائی سمیت زمینداروں کو پانی کی یقینی فراہمی کے لیے اقدامات کئے جائیں، وزیر اعلیٰ نے محکمہ تعلیم اور محکمہ صحت کی کارکردگی سے متعلق عوامی نمائندوں کی شکایات کا سختی سے نوٹس لیتے ہوئے کمشنر نصیر آباد ڈویژن، ڈی سی نصیر آباد، جعفر آباد، جھل مگسی اور صحبت پور کو ہدایت کی کہ وہ غیر حاضر ڈاکٹروں، پیرامیڈیکس، اساتذہ اور گھوسٹ اسکولوں سے متعلق رپورٹ متعلقہ حکام کے علاوہ وزیر اعلیٰ سیکریٹریٹ کو بھی ارسال کریں، انہوں نے کہا کہ تعلیم اور صحت کے شعبوں میں غیر حاضری عوام دشمن رویہ تصور کیا جائے گا اور عوام الناس ، بچوں کے مستقبل اور صحت سے متعلق بہتر سہولیات کی فراہمی پر کوئی کوتاہی اور غفلت برداشت نہیں کی جائے گی، وزیر اعلیٰ نے ڈیرہ اللہ یار، اوستہ محمد، جعفر آباد، صحبت پور میں سڑکوں کی تعمیر میں مبینہ بدعنوانی کی تحقیقات کا حکم دیتے ہوئے فوری رپورٹ طلب کی، جبکہ منصوبوں کے لیے ضروری فنڈز کے اجراء کی ہدایت کرتے ہوئے 30جون تک مذکورہ سڑکوں کی تعمیر کا کام مکمل کرنے کا بھی حکم دیا، وزیر اعلیٰ نے ایڈیشنل چیف سیکریٹری(ترقیات) اور دیگر محکموں کے سیکریٹریز کو ہدایت کی کہ وہ ترقیاتی کاموں کی رفتار اور معیار کو روزانہ کی بنیاد پر مانیٹر کریں اور اس بات کو یقینی بنائیں کہ سرکاری فنڈز کا ضیاع نہ ہو اور ترقیاتی منصوبوں کا فائدہ براہ راست عام آدمی کو پہنچے، وزیر اعلیٰ نے کیڈٹ کالج جعفر آباد کی چاردیواری کی تعمیر کو مکمل کرنے اور تعلیمی معیار کو مزید بہتر بنانے کی ہدایت کرتے ہوئے کہا کہ اساتذہ اور طلباء کو رہائشی سہولیات فراہم کی جائیں، انہوں نے محکمہ زراعت کو ہدایت کی کہ کاشتکاروں کی تربیت اور فی ایکڑ زیادہ پیداوار کے حصول کے لیے تحقیق کر کے جدید اور عصر حاضر کے مطابق ان کی رہنمائی کی جائے، وزیر اعلیٰ نے اے ڈی آئی اوستہ محمد اور گنداواہ زرعی فارم کو فعال بنانے کی ہدایت کی، انہوں نے اس مقصد کے لیے ضروری فنڈز کے فوری اجراء کا بھی حکم دیا ، اس موقع پر سابق وزیر اعظم پاکستان میر ظفر اللہ خان جمالی، صوبائی وزیر خوراک میر اظہار حسین کھوسہ، مشیر وزیر اعلیٰ میر ماجد ابڑو، اراکین صوبائی اسمبلی میر محمد خان لہڑی، یاسمین لہڑی، سابق صوبائی وزیر میر فائق علی جمالی، سابق وفاقی وزیر میر چنگیز خان جمالی ، ایڈیشنل چیف سیکریٹری (ترقیات) علی ظہیر ہزارہ، پرنسپل سیکریٹری محمد نسیم لہڑی، سیکریٹری زراعت، خوراک، پی ایچ ای، ہائر ایجوکیشن، ایریگیشن، مواصلات و تعمیرات، کمشنر نصیر آباد ڈویژن سمیت مختلف محکموں کے افسران بھی موجود تھے۔
متعلقہ عنوان :
مزید قومی خبریں
-
وزیراعلی سندھ اور یورپی یونین کی سفیرکے درمیان ملاقات،سیلاب سے متاثرہ افراد کی بحالی کے لیے دو نئے منصوبوں پر تبادلہ خیال کیا گیا
-
چیچہ وطنی سے اندیشہ نقص امن کے تحت گرفتار 26 کسان جیل منتقل
-
وزیراعلیٰ سندھ اوریورپی یونین کی سفیرکی ملاقات، سیلاب متاثرین کی بحالی کیلئے دو نئے منصوبوں پر تبادلہ خیال
-
وزیرصنعت وتجارت شافع حسین نے ماڈل بازاروں کو سولر انرجی پرمنتقل کرنے کاپلان طلب کرلیا
-
عوام کی سہولت کیلئے ہر ضلع میں ماڈل بازار بنائیں گے، عوام کی خدمت ہمارا مشن ہے ، چوہدری شافع حسین
-
وزیر اعلیٰ بلوچستان کی زیر صدارت محکمہ لائیو سٹاک اینڈ ڈیری ڈویلپمنٹ کا اجلاس ،شعبے کی کارکردگی کا جائزہ لیا گیا
-
اسلام آباد پولیس خدمت مراکز میں فراہم کی جانے والی سروسز پر فیسوں کا اطلاق
-
پاکستان سمیت دنیا بھر میں بلند فشار خون کی مرض سے آگاہی کا عالمی دن 17مئی کومنایا جائے گا
-
وفاقی وزیر داخلہ کا سکھرشہر میں 12 سال بعد بھی پاسپورٹ آفس کی عمارت مکمل نہ ہونے پر برہمی کا اظہار
-
وفاقی وزیر قانون و انصاف سے امپلی مینٹیشن مینارٹی رائٹس فورم اور کرسچن لائرز ایسوسی ایشن کے وفد کی ملاقات،اقلیتوں کے حقوق کے نفاذ بارے تبادلہ خیال کیا
-
پاکستان میں بیرونی سرمایہ کاری کے وافر مواقع موجود ہیں ، سپیکر قومی اسمبلی سردار ایاز صادق کی قطر کے سفیر سے ملاقات میں گفتگو
-
لاہور ہائیکورٹ نے پی پی 161 میں دوبارہ گنتی کرانے کا نوٹس کالعدم قرار دے دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.