پولیس نے دوہرے قتل میں ملوث ملزم کو گرفتار کرلیا، ملزم کراچی سچل گوٹھ گینگ وار میں بھی ملوث ہے ،تفتیش جاری ہے،ڈی آئی جی سبی
جمعہ 26 ستمبر 2014 16:40
سبی(اُردو پوائنٹ اخبار تازہ ترین۔26ستمبر۔2014ء) ڈی آئی جی سبی ریجن افتخار الحق نے کہا کہ سبی پولیس نے دوہرے قتل میں ملوث ملزم کو گرفتار کرلیا ملزم کراچی سچل گوٹھ گینگ وار میں بھی ملوث ہے گرفتار ملزم سے تفتیش جاری ہے گرفتار کرنے والی ٹیم کو انعام سے نوازیں گے ان خیالات کا اظہار انہوں نے اپنے دفتر میں ہنگامی پریس کانفرنس سے خطاب کرتے ہوئے کیا اس موقع پر ڈسٹرکٹ پولیس آفیسر محمد انور کھتیران،ڈی ایس پی سٹی میر نصیب اللہ کھوسہ، ایس ایچ او صدر میر نواز جتک، ایس ایچ او سٹی میر اکرم گشکوری، سی آئی اے انچارج راجہ بشارت علی، سی آئی اے ایڈیشنل انچارج میر جاوید کھوسہ، موجود تھے ڈی آئی جی سبی نے کہا کہ 2009میں حنبل آباد کے علاقے میں پولیس اہلکار کے گھر میں مسلح افراد نے گھس کر اندھا دھند فائرنگ کی جس کے نتیجے میں پولیس اہلکار کے بھائی جاوید احمد، بھابھی ذلیخہ،جاں بحق ہوگئے جبکہ والد میر حسن اور والدہ شہر بانو،زخمی ہوئے واقع کے بعد ملزمان فرار ہوگئے گزشتہ چھ سال سے پولیس ملزمان کی گرفتاری میں کوشاں تھی کہ خفیہ اطلاع ملی کہ اہم ملزم امام بخش کراچی سے کوئٹہ جارہا ہے جس پر پولیس کی ایک ٹیم سی آئی کے ایڈیشنل انچارج جاوید کھوسہ کی سربراہی میں تشکیل دی گئی پولیس ٹیم نے ملزم کو صدر ناکے سے گرفتار کرلیا دوران تفتیش انکشاف ہوا کہ ملزم کراچی سچل گوٹھ گینگ وار میں بھی ملوث ہے واقع میں ایک ملزم پہلے گرفتار کیا جاچکا تھا جبکہ تین ملزم تاحال مفرور ہیں جنہیں بہت جلد گرفتار کرلیا جائے گا انہوں نے کہا کہ اسی طرح پولیس ایمانداری سے اپنے فرائض سرانجام دے تو کامیابی یقینی ہوگی اور جرائم کا خاتمہ ہوگا انہوں نے کہا کہ میڈیا نے ہمیشہ پولیس کے ساتھ تعاون کیا ہے اور جرائم کی نشاندہی کی ہے انہوں نے کہا کہ پولیس فورس کے ساتھ ناوسائل کی کمی ہے اور نہ جذبے کی انہوں نے کہا کہ ہمارا کام عوام کو تحفظ دینا ہے اور عوام کے اعتماد کو پولیس پر بحال رکھنا ہے انہوں نے کہا کہ رواں ماہ میں پولیس نے قتل کے مختلف واردتوں میں ملوث 9ملزمان کو گرفتارکرلیا جبکہ دو ملزمان جو کچھی پولیس اور لیویز کو مطلوب تھے گرفتار کرکے ان کے حوالے کردیا ۔
مزید قومی خبریں
-
عالمی یومِ مزدور پرگورنر پنجاب محمد بلیغ الرحمن کا پیغام
-
صوبائی وزیرصحت خواجہ سلمان رفیق کا یوم مئی کے موقع پرپیغام
-
لڑکی سے زیادتی کرنے والے دو ملزمان گرفتار
-
پیپلز پارٹی نے ہمیشہ مزدور اور محروم طبقہ کی ترجمانی کی ہے،فیصل کریم کنڈی
-
اسحاق ڈاراو آئی سی سمیٹ اجلاس میں شرکت کیلئے گیمبیا پہنچ گئے
-
محنت کشوں کے بغیر کوئی قوم ترقی کے راستے پر نہیں چل سکتی: محسن نقوی
-
حکومت محنت کشوں کی فلاح پر توجہ مرکز کیے ہوئے ہی: چودھری شافع حسین
-
ملک میں استحصالی طبقہ متحد، مزدور، کسان اور عوام تقسیم ہیں: حافظ نعیم الرحمن
-
لاہور میں ڈینگی کے 2مزید نئے مریض سامنے آ گئے
-
وزیرداخلہ محسن نقوی کاپاکستان کوسٹ گارڈز کے ہیڈ کوارٹر کا دورہ، پاکستان کوسٹل گارڈز کو اپ گریڈ کرنے کا اعلان
-
محنت کش طبقے کے حقوق کا تحفظ کئے بغیرترقی ،خوشحالی کا خواب شرمندہ تعبیر نہیں ہو سکتا‘ حمزہ شہباز
-
وزیراعلیٰ سندھ سے سندھ ریونیو بورڈ کے چیئرمین واصف میمن کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.