نیویارک کو حملے سے تباہ اوروائٹ ہاؤس پر اپناجھنڈالہرائیں گے،داعش ،امریکہ پر حملے میں مددکے لیے بہت سے مغربی بھائی آگے بڑھ رہے ہیں،جنگجومحمدشیردون کی گفتگو

ہفتہ 27 ستمبر 2014 20:00

بغداد(اُردو پوائنٹ اخبار تازہ ترین۔27ستمبر۔2014ء) کینیڈا سے تعلق رکھنے والا ایک صومالی نڑاد جنگجو، جس کے بارے میں پہلے یہ خیال کیا جاتا تھا کہ دولت اسلامی عراق وشام (داعش) میں شامل ہونے کے بعد مارا گیا تھا،زندہ ہے اور وہ حال ہی میں ایک ویڈیو میں نمودار ہوا ہے۔

(جاری ہے)

فرح محمد شیردون نے غیرملکی خبررساں ادارے کو انٹرویومیں کہاکہ وہ اپنی مرضی سے داعش میں شامل ہوا تھا اور اس جنگجو تنظیم میں مغربی ممالک سے تعلق رکھنے والے دس ہزار سے زیادہ جنگجو شامل ہیں۔

اس نے کہا کہ کوئی مجھ سے ایک لفظ بھی نہیں بولتا تھا۔میں اخبار پڑھتا تھا اور میں بآسانی قرآن مجید کی تلاوت کرتا تھا۔اس نے داعش کی خواہشات اور اپنے زیرنگیں علاقے کو بڑھانے کے حوالے سے منصوبے پر بھی گفتگو کی اور بتایا ہے کہ وہ نیویارک پر حملے کرنا چاہتی ہے اور وائٹ ہاوٴس پر اپنا جھنڈا لہرانا چاہتی ہے۔اس مقصد کیلئے بہت سے مغربی بھائی آگے بڑھ رہے ہیں۔