سوات،قومی امن جرگہ نیک پی خیل کی پشاور میں دہشتگردانہ واقعے کی شدید مذمت ، انسانیت سوز عمل قرار،
وقت آ گیا ہے پوری قوم ان دہشت گردوں کیخلاف سیسہ پلائی ہوئی دیوار بن جائے ، جرگہ مشران کی دہشت گردی کیخلاف متحد ہونے کی اپیل
جمعرات 18 دسمبر 2014 21:51
سوات( اُردو پوائنٹ اخبار تازہ ترین۔18دسمبر 2014ء) قومی امن جرگہ نیک پی خیل نے پشاور میں ہونے والے دہشتگردانہ واقعے کی شدید مذمت کرتے ہوئے اُسے انسانیت سوز عمل قرار دیا ہے جرگہ مشران نے دہشت گردی کیخلاف متحد ہونے کی اپیل کرتے ہوئے کہا کہ اب وقت آ گیا ہے کہ پوری قوم ان دہشت گردوں کیخلاف سیسہ پلائی ہوئی دیوار بن جائے ، سوات پریس کلب میں پرہجوم پریس کانفرنس سے خطاب کرتے ہوئے نیک پی خیل امن جرگہ کے عہدیداروں فیروزشاہ خان ایڈووکیٹ،خلیل خان ،ابراہیم دیولئی اوردیگر نے کہاکہ سانحہ پشاورپر جتنابھی افسوس کیاجائے کم ہے ،ظالم دہشتگردوں نے معصوم بچوں کو بھی نہیں چھوڑااوران کلیوں کو بن کھلے مسل ڈالا،انہوں نے کہاکہ سانحہ پشاورکی وجہ س ے عالمی سطح پر ہماری بدنامی ہوئی ،انہوں نے کہاکہ ہماراجرگہ شروع ہی سے کہتاچلاآرہاہے کہ دہشتگردمسلمان توکیا انسان بھی نہیں ہیں اورامن کے یہ دشمن لوگوں کی زندگیوں کے ساتھ گھناؤنا کھیل کھیل کرامن کو تباہ کررہے ہیں،انہوں نے کہاکہ وقت آگیا ہے کہ سیاسی قائدین سمیت پوری قوم ملک کے دشمن دہشتگردوں کے خلاف متحدہوکرانہیں شکست سے دوچار کریں اوردہشتگردی کے خلاف جاری جنگ میں پاک فوج کا بھرپورندازمیں ساتھ دیں،انہوں نے کہاکہ اگر اب بھی ہم خاموش رہیں توآئندہ نسلیں ہمیں کھبی بھی معاف نہیں کریں گی ،نئی نسل کو پرامن ملک اورآزادفضاء دینا ہماری سب سے اہم ذمہ داری ہے جسے پورا
کرنے میں کسی قسم کی غفلت کا مظاہرہ نہیں ہونا چاہئے،انہوں نے کہاکہ سوات کا ہرفردہشتگردی سے متاثر ہے مگرپھربھی وہ قیام امن کیلئے مسلسل جدوجہدکررہے ہیں ،سیاسی قائدین سیاست اورعوام ذاتی مفادات سے بالاتر ہوکر دہشتگردوں کے مذموم عزائم کو خاک میں ملاکر اس مٹی کا حق اداکریں ،شرکاء نے کہاکہ ہم سانحہ پشاور میں شہیدہونے والے بچوں کے والدین اوران کے لواحقین کے ساتھ اس بڑے غم میں برابرکے شریک ہیں کیونکہ یہ غم اوردکھ ہم سب کا مشترک ہے ،انہوں نے کہاکہ قیام امن کی خاطرمزید قربانیاں بھی دیں گے مگر اس مٹی اورسرزمین پر مزید دہشتگردی نہیں ہونے دیں گے۔
مزید اہم خبریں
-
عوام کیلئے مہنگائی کا ایک اور "تحفہ"، بجلی مہنگی کر دی گئی
-
انصاف اس طرح ہونا چاہیے جیسا قانون کہتا ہے،چیف جسٹس نے اپنا اختیار کم کر کے پارلیمنٹ کی بالادستی کو تسلیم کیا‘ اعظم نذیر تارڑ
-
حکومت کا کام دعویٰ کرنا نہیں، کام کر کے دکھانا ہے، شاہد خاقان عباسی
-
علی امین گنڈاپور پختونوں کے نام پر دھبہ اور غیرت پر سوالیہ نشان ہے
-
وفاقی وزیرداخلہ کی چینی قونصل جنرل سے ملاقات، دوطرفہ تعاون وچینی شہریوں کی سکیورٹی پر تبادلہ خیال
-
وزیرخارجہ کا اقتصادی سفارت کاری اور بیرون ممالک کے ساتھ سرمایہ کاری کے تعلقات کو فروغ دینے کی کوششوں کی ضرورت پر زور
-
بانی چئیرمین نے اسٹیبلشمنٹ اور سیاسی جماعتوں سے مذاکرات کی اجازت دے دی
-
8 فروری کو پِک اینڈ چُوز ہوا لیکن اداروں کے سربراہان ملوث نہیں تھے
-
اگر 9 مئی والوں سے مذاکرات ہوئے تو پھر آئندبڑا سانحہ ہوسکتا ہے
-
چین میں پاکستان کیلئے تیار ہونے والی پہلی ہنگور کلاس آبدوز کا افتتاح
-
غیر قانونی بھرتیاں کیس، پرویزالٰہی کی درخواست ضمانت 2مئی کو سماعت کیلئے مقرر
-
نوجوانوں کیلئے متعین کوٹے پر عملدرآمد یقینی بنایا جائے ،وزیراعلیٰ گلگت بلتستان کا وزیراعظم شہباز شریف کو خط
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.