آسٹریلیا میں ایک مکان سے آٹھ بچوں کی لاشیں ملنے کے بعد کہرام مچ گیا
جمعہ 19 دسمبر 2014 12:29
سڈنی (اُردو پوائنٹ تازہ ترین اخبار۔ 19 دسمبر 2014ء) آسٹریلیا میں ایک مکان سے آٹھ بچوں کی لاشیں ملنے کے بعد کہرام مچ گیا ‘پولیس کے مطابق تمام بچوں کو چھریوں کے وار کرکے قتل کیاگیا۔واقعہ نارتھ کوئنزلینڈ کے شہرکینز میں پیش آیا۔ پولیس کے مطابق بچوں کی عمریں اٹھارہ ماہ سے پندرہ برس کے درمیان ہیں،تمام بچوں کو چھریوں کے وار کرکے قتل کیاگیاواقعہ میں134سالہ خاتون بھی زخمی ہوئی جسے ہسپتال منتقل کردیاگیاپولیس کیمطابق خاتون کی حالت تسلی بخش ہے ‘ وہ تفتیش میں پوری طرح تعاون کررہی ہے ۔
پولیس نے گھرکا محاصرہ کرکے مرے اسٹریٹ کو جانے والے راستے ٹریفک کے لیے بندکردیے فوری طورپرکسی شخص پر شبہ کا اظہارنہیں کیا گیا۔انسپکٹر برونو ازنیکر کے مطابق زخمی خاتون کو ہسپتال میں طبی امداد دی گئی جہاں ان کی حالت اب خطرے سے باہر ہے۔(جاری ہے)
دوسری جانب خاتون کی ایک کزن لیزا تھائیڈے کا کہنا ہے کہ ہلاک ہونے والے بچے بہن بھائی ہیں اور زخمی خاتون ان کی والدہ ہے۔
تھائیڈے کا کہنا تھا کہ ان بچوں کا ایک 20 سالہ بھائی جب گھر آیا تو اس نے اپنے بہن بھائیوں کو مردہ جبکہ ماں کو زخمی حالت میں دیکھا، اسے ہمدردی کی ضرورت ہے لیزا کے مطابق انھیں اس بات کا یقین نہیں آرہا۔انسپکٹر ازنیکر کا کہنا ہے کہ گھر کو سیل کر کے علاقے کو گھیرے میں لے لیا گیا ہے اور پولیس شواہد اکٹھے کر رہی ہے۔ازنیکرنے کہا کہ یہ واقعہ بہت تکلیف دہ ہے اور بطورانسان پولیس آفیسرز بھی اس غم کی شدت سے محفوظ نہیں رہ سکتے۔مزید بین الاقوامی خبریں
-
واٹس ایپ نے بھارت میں اپنے آپریشن بند کرنے کے دھمکی دے دی
-
امریکہ کی جانب سے نام نہاد ’’حد سے زیادہ پیداوار ‘‘ایک جھوٹا بیانیہ ہے ، چین
-
حرمین انتظامیہ کی زائرین کو ماسک پہننے کی ہدایت
-
اہلیہ پر کرپشن کے الزامات، ہسپانوی وزیراعظم کا استعفی نہ دینے کا فیصلہ
-
امریکا کے بعد فرانس کی یونیورسٹیوں میں بھی غزہ کے حق میں احتجاج
-
بھارت ، مقابلے کے امتحان کے تیاری کرنے والے طلبہ خود کشیاں کرنے لگے
-
بھارت ، اطراف تیندوے کی موجودگی سے شہریوں میں خوف
-
امریکی سرزمین پرقتل کی بھارتی سازش پروائٹ ہائوس کا بیان آ گیا
-
بھارت، شرپسندوں نے مسجد میں گھس کر امام کو شہید کردیا
-
امریکا میں ملزم کی پولیس پر فائرنگ، 4 افسران ہلاک
-
امریکی صدرکے قطری امیر، مصری ہم منصب کو فون
-
نریندر مودی کے قریبی ساتھی بیرون ملک قتل کی سازشوں میں ملوث
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.