بھارت ، اطراف تیندوے کی موجودگی سے شہریوں میں خوف

منگل 30 اپریل 2024 16:20

نئی دہلی (اُردو پوائنٹ اخبارتازہ ترین - این این آئی۔ 30 اپریل2024ء) بھارت میں شمس آباد انٹرنیشنل ایئر پورٹ کے نزدیک تیندوے کی موجودگی سے عوام میں خوف و ہراس پھیل گیا۔بھارتی میڈیا کے مطابق مقامی افراد نے اس حوالے بتایا کہ صبح کی اولین ساعتوں میں تیندوے نے گولہ پلی کے پاس ایئرپورٹ کی دیوار سے چھلانگ لگائی۔ تیندوے نے جس وقت ایرپورٹ کی باونڈری وال سے چھلانگ لگائی وہ فینسنگ وائر سے ٹکرا گیا جس کے باعث ایئرپورٹ کنٹرول روم میں الارم بج اٹھا۔

اس دوران تیندوے کے ساتھ اس کے دو بچے بھی تھے۔

(جاری ہے)

سی سی ٹی وی کیمروں کا جائزہ لیا گیا تو تمام منظر کو دیکھا گیا، محکمہ جنگلات کے حکام وہاں پہنچ گئے اور ایرپورٹ کے قریب تیندوے کو پکڑنے کیلئے انتظامات کئے گئے۔اس سے قبل نئی دہلی میں پیش آنے والے واقعے میں تیندوے نے حملہ کرکے 5 دیہاتیوں کو زخمی کردیا تھا۔حملے میں زخمی ہونے والے ستیش کمار کا تیندوے کے ساتھ یہ دوسرا مقابلہ تھا، اس دوران اسے متعدد زخم آئے اور لہولہان ہوگیا، جسے اسپتال منتقل کیا گیا۔دیہاتی آدیش نے دعوی کیا کہ چیتا اس کے بھائی کے گھر میں داخل ہوا۔ میرے بھائی نریش نے اپنے مویشیوں کے پاس ایک تیندوے کو دیکھا۔ اگرچہ اس جانور نے کئی دیہاتیوں کو زخمی کیا، لیکن اس نے مویشیوں کو نقصان نہیں پہنچایا۔