عوامی نیشنل پارٹی سوات نے سوات بورڈ کو چکدرہ بورڈ میں ضم کرنے کامطالبہ مسترد کردیا
جمعہ 26 دسمبر 2014 21:57
پشاور(اُردو پوائنٹ اخبار تازہ ترین۔26دسمبر 2014ء) عوامی نیشنل پارٹی سوات کے صدر شیر شاہ خان نے سوات بورڈ کو چکدرہ بورڈ میں ضم کرنے کامطالبہ مسترد کرتے ہوئے ایم پی اے بخت بیدار کی تجویز اور مطالبے پر شدید احتجاج کرتے ہوئے کہا ہے کہ بخت بیدار کا مطالبہ زمینی حقائق کے برعکس ہے ،سوات کو ملاکنڈ ڈویژن ہیڈکوارٹر کا اعزاز حاصل ہے ، بخت بیدار تنگ نظری اور تعصب کے عینک اتار کر زمینی حقائق تسلیم کریں ، عوامی نیشنل پارٹی کے دور حکومت میں سوات تعلیمی بورڈ کے اراضی بلڈنگ کیلئے دس کروڑ روپے خرچ کئے گئے کوئی مائی کا لعل سوات بورڈ کی حیثیت ختم نہیں کرسکتا ، ان خیالات کااظہارانہوں نے میڈیا کے نمائندوں سے باتیں کرتے ہوئے کیا، انہوں نے کہاک دیرلوئر سے تعلق رکھنے والے ایم پی اے اورقومی وطن پارٹی کے رہنما بخت بیدار کو اپنی سیاست چکدرہ تک محدود رکھیں سوات بورڈ کوچکدرہ بورڈ میں ضم کرنے کی باتیں کرنے والے بخت بیدار سوات کے حیثیت کے حوالے سے زمینی حقائق کو مسخ کررہے ہیں ،ہم ان پر واضح کردیناچاہتے ہیں کہ اللہ تعالیٰ نے ملاکنڈ ڈویژن کے صدر مقام کا اعزاز دیا ہے کمشنر ڈی آئی جی اور دیگر اعلیٰ حکام دفاتر سوات میں موجود ہیں سوات ملاکنڈ ڈویژن کا ڈویژن صدر مقام ہے سوات بورڈ کو چکدرہ تعلیمی بورڈ میں ضم کرنے کا مقصد ایک دریا کو نالے کی طرف موڑ نا ہے ، انہوں نے کہاکہ ہم نے اپنے دور حکومت میں سوات تعلیمی بورڈ کیلئے کوکڑئ میں دس کروڑ روپے کے خطیر لاگت سے بلڈنگ تعمیر کیا ہے انہوں نے کہاکہ کوئی مائی کا لعل بھی سوات بورڈ کو چکدرہ بورڈ میں ضم نہیں کرسکتا ، عوامی نیشنل پارٹی کسی کو یہ اجازت نہیں دے گی کہ وہ سوات کے حقوق پر ڈاکہ ڈالے ، انہوں نے کہاکہ بخت بیدار خود کو چکدرہ تک محدود رکھیں سوات کے معاملات میں مداخلت سے باز رہیں۔
متعلقہ عنوان :
مزید اہم خبریں
-
پناہ گزینوں پر مشتمل ٹیم پیرس اولمپکس میں امید کا پیغام لے کر پہنچے گی
-
2 آٹو کمپنیوں نے گاڑیوں کی قیمتوں میں 15 لاکھ روپے تک کمی کر دی
-
یورپ سے پناہ کے متلاشی بچوں کو قید نہ کرنے کا مطالبہ
-
گندم یا چینی اسکینڈلز کی انکوائری کمیٹیوں میں ویسٹرن انٹرسٹ بیٹھا ہوا ہے
-
جنگ نے غزہ کی معیشت کو دو دہائیاں پیچھے دھکیل دیا، یو این ادارے
-
فیصل آباد میں کاوباری حالات سے تنگ شخص نے بیوی بچوں کو قتل کر ڈالا
-
پرویز الٰہی کی درخواست ضمانت منتقلی کیلئے فائل چیف جسٹس کو ارسال
-
چیف منسٹر پنک گیمز2024 کے انعامات ڈبل، انعام 50لاکھ سے بڑھا کرایک کروڑ روپے کرنے کا اعلان
-
حکومت کا ملک کو برآمدی مرکز میں تبدیل کرنے کا وسیع تر وژن ہے، وزیر مملکت برائے آئی ٹی شزہ فاطمہ سے گوگل فار ایجوکیشن ٹیم کی مقامی پارٹنر ٹیک ویلی پاکستان کے ہمراہ ملاقات
-
نیلم جہلم ہائیڈرو پاور پلانٹ سے بجلی کی پیداوار مکمل طور پر بند کر دی گئی
-
سپیکر قومی اسمبلی سردار ایاز صادق کا شیخ طہنون محمد بن النہیان کے انتقال پر اظہار تعزیت
-
صوبائی حکومتیں پٹرولیم مصنوعات کی قیمتوں میں کمی اور اشیائے خورد و نوش کے سرکاری نرخوں پر عملدرآمد یقینی بنانے کے لئے اقدامات کریں، وزیراعظم شہبازشریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.