خیبر ایجنسی‘5برس سے بند تعلیمی ادارے کھولنے کا اعلان ،

آپریشن اور کرفیو کے باعث 5برس سے بند تعلیمی ادارے 12 جنوری کو کھو ل دیئے جا ئینگے ، ایجنسی ایجوکیشن آفیسر

جمعرات جنوری 12:53

خیبر ایجنسی‘5برس سے بند تعلیمی ادارے کھولنے کا اعلان ،

خیبر ایجنسی(اُردو پوائنٹ اخبارتاز ترین ۔ 1جنوری 2015ء)خیبر ایجنسی کی تحصیل باڑہ کے عوام کے لئے خوش خبری ہے کہ ایجنسی ایجوکیشن آفیسر نے آپریشن اور کرفیو کے باعث 5برس سے بند تعلیمی ادارے 12 جنوری 2015 سے کھولنے کا اعلان کیا ہے۔خیبر ایجنسی کی تحصیل باڑہ کے 323تعلیمی ادارے ستمبر 2009 سے شدت پسندوں کے خلاف آپریشن اور کرفیو کے باعث بند ہیں۔5 برس بعد محکمہ تعلیم فاٹا نے علم کے دروازے دوبارہ کھولنے کا اعلان کیا ہے۔

(جاری ہے)

تمام سرکاری سکولوں کے اساتذہ اور سٹاف کو 12 جنوری سے ڈیوٹی پر حاضر ہونے کی ہدایت کی گئی ہے۔ایجنسی ایجوکیشن آفیسر کے مطابق شدت پسندوں کے ہاتھوں گزشتہ 5 سالوں کے دوران تحصیل باڑہ کے 105 تعلیمی ادارے تباہ ہوچکے ہیں جن کی تعمیر نو تک طلباء کو خیمہ سکولوں میں پڑھایا جائے گا۔ تحصیل باڑہ میں تعلیمی ادارے بند ہونے سے ہر سال 65ہزار بچے داخلوں سے محروم رہے۔ شورش زدہ تحصیل باڑہ میں تعلیمی ادارے دوبارہ کھولنے کا اعلان قبائلی عوام کو ملنے والا آپریشن خیبر ون کی کامیابی کا ثمر ہے۔