سکھر،تحریک انصاف کے کارکنوں نے صوبائی قیادت پر عدم اعتماد کا اظہار کر دیا
جمعرات 8 جنوری 2015 14:44
سکھر(اُردو پوائنٹ تازہ ترین اخبار۔ 08 جنوری 2015ء) پاکستان تحریک انصاف کے رہنماؤں و کارکنان نے پی ٹی آئی کی صوبائی قیادت پر عدم اعتماد کا اظہار کر دیا ، صوبائی صدر کے عہدے کے خلاف قرارداد منظور ، صوبائی صدر نادر خان اکمل لغاری و دیگر قیادت کی بدولت پی ٹی آئی سندھ میں متحرک نہیں ہو سکی ہے ،فیصلہ پارٹی کی گرتی ہوئی ساکھ کو بچانے کیلئے کیاگیا ہے ، ، کارکنان کیساتھ زیادتی یا جھوٹے ہتھکنڈے استعمال کئے تو بھرپور جواب دیا جائیگا ، پی ٹی آئی صدر محمد ایوب فاروقی تفصیلات کے مطابق پاکستان تحریک انصاف سکھر ریجن کا اہم اجلاس انصاف ہاؤس قریشی روڈ پرانہ سکھر میں ضلعی صدر سکھر محمد ایوب فاروقی کی زیر صدارت منعقد کیا گیا جس میں خیرپور‘ گھوٹکی‘ نوشہروفیروز‘لاڑکانہ‘ شکارپور‘ جیکب آباد اضلاع اور ان کے تعلقوں کے صدور اور جنرل سیکریٹریز نے بھی شرکت کی اس موقع پر ریجن کے تمام عہدیداروں کی جانب سے پی ٹی آئی سندھ کے صدر نادر اکمل لغاری پر عدم اعتماد کا اظہار کیا گیا ضلعی صدر سکھر محمد ایوب فاروقی کی جانب سے صوبائی صدر نادر اکمل لغاری کے عہدے کے خلاف قرار داد پیش کی گئی جسے متفقہ طور پر منظور کرلیا گیااس موقع پر خطاب کرتے ہوئے محمد ایوب فاروقی کا کہنا تھا کہ نادر اکمل لغاری پی ٹی آئی کے ایجنڈے کے خلاف کام کر رہے ہیں جس کے باعث پی ٹی آئی سندھ میں تاحال مکمل طور پر سرگرم نہیں ہوسکی ہے ضلعی صدرلاڑکانہ شاہد رند نے خطاب کرتے ہوئے کہا کہ پی ٹی آئی کے بائی لازمیں ریجنل کوآرڈینیٹر کا کوئی عہدہ نہیں جبکہ نادر اکمل لغاری ذاتی پسندیدگی کے باعث سندھ میں غیرقانونی عہدے تقسیم کرنے کے علاوہ پارٹی کو بڑھانے کیلئے کوئی اقدامات نہیں کر رہے ہیں اگر رب نواز کلوڑ نے آئندہ خود کو ریجنل کوآرڈینیٹر لکھا تو قانونی کارروائی کی جائیگی اجلاس کے آخر میں ایک وفد تشکیل دیا گیا جو اسلام آباد جاکرپارٹی چیئرمین عمران خان سے ملاقات کرکے ان کو پارٹی کے حوالے سے سندھ کی موجودہ صورتحال سے آگاہ کرکے مطالبہ کریگا کہ نادر اکمل لغاری اور اس کے حواریوں کو فوری طور پارٹی سے برطرف کیا جائے اور جب تک مطالبات پورے نہیں ہوں گے تمام اضلاع کے صدور اور جنرل سیکریٹریز عمران خان کی رہائش گاہ کے سامنے دھرنا دیں گے اجلاس میں فیصلہ کیا گیا کہ ریجن کا اگلا اجلاس 18 جنوری کو نوشہروفیروز میں منعقد کیا جائیگا جس میں ریجن کی باڈی تشکیل دی جائیگی۔
متعلقہ عنوان :
مزید اہم خبریں
-
جرمنی: بغاوت کے مقدمے میں ملزمان کے خلاف سماعت کا آغاز
-
وزیراعظم محمد شہبازشریف اور ملائیشیا کے وزیراعظم انور ابراہیم کے درمیان ریاض میں ملاقات
-
وفاقی وزیر داخلہ محسن نقوی نے اسلام آباد ٹریفک پولیس سے ڈرائیونگ لائسنس حاصل کرلیا
-
صدرمملکت آصف علی زرداری نےترک بری افواج کے کمانڈر ،جنرل سیلکوک بایراکتار اوغلو کو نشان پاکستان (ملٹری) سے نوازا
-
سپیکر قومی اسمبلی سردار ایاز صادق کی سینیٹر اسحاق ڈار کو نائب وزیر اعظم کا عہدہ سنبھالنے پر مبارکباد
-
آئین کے اندر ڈپٹی وزیر اعظم کا کوئی عہدہ نہیں، بیرسٹر گوہرخان
-
گلگت بلتستان میں پن بجلی کی بے پناہ صلاحیت کو ترقی کیلئے استعمال کرنے کی ضرورت ہے، صدر مملکت کی گلگت بلتستان کے گورنر ، وزیر اعلیٰ سے گفتگو
-
سٹیٹ بینک یکم مئی کو بند رہے گا
-
جرمانہ لگا کر درخواستیں خارج ،جسٹس بابر ستار نے بہت اچھا کام کیا ہے، اعتزاز احسن
-
جلسے کرنا ہمارا آئینی قانونی حق ہے، ہم لاہور اور کراچی سمیت ہر جگہ جائیں گے
-
گندم درآمد کرنے سے متعلق فیصلے کرنے والے افلاطون کو سزا ملنی چاہیے، احسن اقبال
-
جنسی استحصال کا الزام، سابق بھارتی وزیر اعظم کا پوتا فرار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.