جیکب آباد میں محکمہ صحت نے 500عطائی ڈاکٹروں کے خلاف کاروائی کا فیصلہ کرلیا،شوکاز نوٹس جاری ٹیمیں تشکیل دے دی گئی
جمعرات 12 فروری 2015 16:27
جیکب آباد (اُردو پوائنٹ تازہ ترین اخبار۔ 12فروی 2015ء) جیکب آباد میں محکمہ صحت نے 500عطائی ڈاکٹروں کے خلاف کاروائی کا فیصلہ کرلیا،شوکاز نوٹس جاری ٹیمیں تشکیل دے دی گئی۔
(جاری ہے)
تفصیلات کے مطابق جیکب آباد میں محکمہ صحت نے سندھ حکومت کے احکامات کے مد نظر آخر کار شہر اور گردونواح میں انسانی جانوں سے کھیلنے والے 500سے زائد عطائی ڈاکٹروں کے خلاف کاروائی کا فیصلہ کرلیا ہے ،عطائی ڈاکٹروں کے خلاف کریک ڈاوٴن کرنے کے لیے ڈسٹرکٹ ہیلتھ آفسر ڈاکٹر سانون شیخ کی صدارت میں اجلاس منعقد کیا گیا اجلاس میں عطائی ڈاکٹروں کے خلاف کاروائی کے متعلق فیصلے کئے گئے جبکہ دوسری جانب عطائی ڈاکٹر وں کو شوکاز نوٹس بھی جاری کئے گئے ہیں اور انہیں متنبہ کیا گیا ہے کہ وہ اپنی غیر قانونی کلینک بند کردیں بصورت دیگر ان کے خلاف قانونی کاروائی کی جائے گی ، عطائی ڈاکٹروں کے خلاف کاروائی کے لیے جیکب آباد کی تینوں تحصیلوں ٹھل ،گڑہی خیرو اور جیکب آباد میں ٹیمیں تشکیل دے دی گئی ہیں ،ٹیموں میں سول سرجن اور سینئر ڈاکٹروں کو شامل کیا گیا ہے جبکہ اس تمام کاروائی کی نگرانی ڈی ایچ او خود کریں گے جبکہ اس سلسلے میں ڈپٹی کمشنر اور اسسٹنٹ کمشنر سے بھی مدد لی جائے گی ،محکمہ صحت کی جانب سے عطائی ڈاکٹروں کے خلاف کاروائی کے فیصلے کے بعد عطائی ڈاکٹروں میں کھلبلی مچ گئی ہے معلوم ہوا ہے کہ عطائی ڈاکٹر کاروائی سے بچنے کے لیے عدالت جانے کا فیصلے کررہے ہیں تاکہ وہ اسٹی آرڈر لے کر کاروائی سے بچ سکیں ، شہر اور گردونواح میں عطائی ڈاکٹروں کی بھر مار کی وجہ سے ہزاروں شہری مختلف امراض مبتلا ہوچکے ہیں اور عطائی ڈاکٹر غریب لوگوں کو دونوں ہاتھوں سے لوٹنے میں مصروف ہیں، شہریوں نے محکمہ صحت کی جانب سے ایسی کاروائی کو سرہاتے ہوئے کہا ہے کہ عطائی ڈاکٹروں کے خلاف کاروائی کرکے شہریوں کی جانیں بچائی جائیں۔
مزید اہم خبریں
-
لاہور میں پولیس اہلکار نے گولی مارکرخودکشی کرلی
-
ملکی معیشت کو صحیح سمت پر لیجانے کیلئے کڑوی گولیاں نگلنی پڑیں گی‘ احسن اقبال
-
آئین کی بالادستی سے ہی ملک آگے بڑھے گا، عوام کو اپنے نمائندے منتخب کرنے کا اختیار ہونا چاہیے، چیئرمین سینیٹ
-
وزیراعظم اور امیر کویت کے درمیان ملاقات
-
پاکستان میں غیر معیاری ادویات کا مسئلہ
-
ہمارے مسالے مضر صحت نہیں، بھارتی کمپنی ایم ڈی ایچ
-
کیا انتظامی عہدے کیلئے حکمران خاندان سے ہونا ہی واحد شرط ہے؟
-
غزہ میں جنگ بندی کی کوششوں میں تیزی
-
مولانا فضل الرحمان نے آئندہ لائحہ عمل کے اعلان کی تاریخ دیدی
-
وزیراعظم محمد شہبازشریف سے آئی ایم ایف کی منیجنگ ڈائریکٹر کرسٹالینا جارجیوا کی ملاقات ، گزشتہ سال اسٹینڈ بائے ارینجمینٹ کے حوالے سے وزیراعظم کے قائدانہ کردار کی تعریف
-
وزیراعظم کی سعودی حکام سے ملاقاتوں میں پاکستان میں مزید سرمایہ کاری پر اتفاق
-
دبئی ایئر پورٹ کا اگلے دس سال میں المکتوم ایئرپورٹ منتقلی کا منصوبہ تیار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.