اسمبلی سیکرٹریٹ کے باہر احتجاج کرنے والے نابینا افراد کا معاملہ
احتجاج کے چوبیس گھنٹے کے بعد پنجاب اسمبلی کے اندر بھی اٹھایا گیا
منگل 3 مارچ 2015 14:31
لاہور(اُردو پوائنٹ اخبار تازہ ترین۔03مارچ۔2015ء) ملازمتوں کیلئے اسمبلی سیکرٹریٹ کے باہر احتجاج کرنے والے نابینا افراد کا معاملہ احتجاج کے چوبیس گھنٹے کے بعد پنجاب اسمبلی کے اندر بھی اٹھایا گیا، مگر ایوان میں حکومت کی طرف سے جواب آنے سے پہلے ہی سپیکر نے نابینا افراد کے رویے کو افسوس ناک قرار دے کر معاملہ نمٹا دیا، اجلاس کے دوران اپوزیشن رکن خرم جہانگیر وٹو نے پوائنٹ آف آرڈر پر بات کرتے ہوئے کہا کہ نابینا حضرات سے حکومت نے دو ماہ قبل مطالبات تسلیم کیے تھے وہ لوگ اب بھی اسمبلی میں اپنے مطالبات کے حق میں احتجاج کررہے ہیں، اگر حقیقی مطالبات ہیں تو ان پر غور کیا جائے، قائم مقام سپیکر سردار شیر علی گورچانی نے کہا کہ ہم ان خصوصی افراد کا بہت احترام کرتے ہیں، ورنہ پنجاب اسمبلی میں اس طرح احتجاج کی روایت نہیں ہے، اسمبلی کو سکیورٹی کے حوالے سے جو خدشات ہیں ہم نے ان کے تحفظ کے لئے اور ان کو عزت دینے کے لئے یہاں جگہ دی، خوراک بھی فراہم کی مگر افسوس کے ساتھ کہنا پڑتا ہے کہ انہوں نے ہماری طرف سے دی جانے والی عزت کاناجائز فائدہ اٹھایا، اسمبلی کا صدر دروازہ توڑنے کی کوشش کی، انہیں اپنے رویے پر نظرثانی کرنی چاہیے جبکہ حکومت کی طرف سے زعیم قادری اور اسمبلی سٹاف رات تین بجے تک ان سے مذاکرات کرتے رہے، اب وزیر داخلہ مذاکرات کررہے ہیں، کچھ دیر بعد اپوزیشنرکن خدیجہ عمر نے یہ معاملہ دوبارہ اٹھایا اور کہا کہ اگر نابینا حضرات سے کیے جانے والے وعدوں پر عملدرآمد کیا گیا ہوتا تو یہ نوبت نہ آتی، جس پر قائم مقام سپیکر نے کہا کہ کل ہی خصوصی افراد کی ملازمتوں کا کوٹہ دو فیصد سے بڑھا کر تین فیصد کرنے کا بل پیش کیا گیا جواس ماہ منظور کیے جانے کا امکان ہے، اس مرحلے پر انسانی حقوق کے وزیر خلیل طاہر سندھو نے کہا کہ بصارت سے محروم لوگوں کو بصیرت سے محروم کچھ لوگ اشتعال دلا رہے ہیں، قائم مقام سپیکر نے ہدایت کی کہ مظاہرین کو کسی دوسری جگہ منتقل کیا جائے تو انسانی حقوق کے وزیر نے معذرت کا لفظ استعمال کیے بغیر معذرت کی اور کہا کہ یہ کام آپ (اسمبلی) کے سٹاف نے کرنا ہے۔
متعلقہ عنوان :
مزید اہم خبریں
-
یواےای میں سفیر پاکستان فیصل نیاز ترمذی کی راس الخیمہ کے حکمران شیخ بن صقر القاسمی سے ملاقات
-
کسانوں کا آئندہ سال گندم کی فصل کاشت نہ کرنے کا عندیہ
-
حکومت کا پٹرولیم مصنوعات کی قیمتوں میں کمی کا اعلان
-
کورکمیٹی پی ٹی آئی نے 9 مئی کے بعد علیحدگی اختیار کرنے والوں سے متعلق فیصلہ سنا دیا
-
ججز خط پر عدالتی سماعت کے دوران چیف جسٹس سپیرم کورٹ کا طرزِعمل مایوس کن رہا
-
تحریک انصاف کا مولانا فضل الرحمان سے فوری رابطے کا فیصلہ
-
بشریٰ بی بی کو زہر دینے کے شواہد نہیں ملے، عدالت نے درخواست نمٹا دی
-
پی ٹی آئی نے اسٹیبلشمنٹ سے بات ہی کرنا تھی تو حملے کی کیا ضرورت تھی ‘ سپیکرملک احمد خان
-
اوگرا نے ایل پی جی کے 11.8 کلو گرام سلنڈر کی قیمت میں 140.88 روپے کمی کردی
-
مزدور اور محنت کش طبقہ ملک کی تعمیر و ترقی میں ریڑھ کی ہڈی کی حیثیت رکھتا ہے ، مزدور طبقے کے حقوق کا تحفظ ملک کی تعمیر و ترقی کے لئے ناگزیر ہے، سردارایازصادق
-
ہماری کمزوری ہے کہ فیض آباد دھرناکیس کے ذمہ داروں کو سزا نہیں دے سکے
-
بانی پی ٹی آئی اور شاہ محمود قریشی کی سائفر کیس میں اپیلوں پرایف آئی اے کے دلائل مکمل نہ ہو سکے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.