پنگریو ‘ آتشزدگی سے بھیل برادری سے تعلق رکھنے والے9محنت کشوں کے کچے گھر جل کر راکھ کا ڈھیر بن گئے
بدھ 25 مارچ 2015 13:12
پنگریو ( اُردو پوائنٹ اخبار تازہ ترین۔25مارچ۔2015ء) پنگریو کے نواحی گاؤں وسیم گجر میں ہو نے والے آتشزدگی کے واقع میں بھیل برادری سے تعلق رکھنے والے9محنت کشوں کے کچے گھر جل کر راکھ کا ڈھیر بن گئے جس کی وجہ سے گھروں میں موجود تمام سامان خاکستر ہو گیا آتشزدگی کے واقع کے بعد چھوٹے بچے، خواتین اور عمر رسیدہ افراد سمیت تمام متاثرین کھلے آسمان تلے بے یارو مددگار بیٹھے ہوئے ہیں اور کسی نے بھی ان متاثرین کی مدد نہیں کی تفصیلات کے مطابق پنگریو کے قریب گاؤں وسیم گجر میں پیش آنے والے آتشزدگی کے واقع میں بھیل برادری سے تعلق رکھنے والے9محنت کشوں کے گھر جل کر راکھ کا ڈھیر بن گئے ہیں بتایا جاتا ہے کہ گھروں کے مکین جن میں مرد اور خواتین شامل ہیں محنت مزدوری کے لئے زمینوں پر گئے ہوئے تھے اور گھروں میں صرف بچے موجود تھے کہ اچانک آگ بھڑک اٹھی جو کہ دیکھتے ہی دیکھتے آسمان سے باتیں کر نے لگی آگ بھڑکنے کے بعد گھروں میں موجود بچوں کی چیخ وپکار پر قریبی گھروں کے مکین وہاں پہنچ گئے اور انہوں نے بڑی مشکل کے بعد بچوں کو گھروں سے باہر نکالا اور آگ بجھانے کی کوشش کی تاہم آگ کی شدت اتنی تیز تھی کہ وہ آگ کے قریب بھی نہیں جاسکے اور تمام گھر جل گئے گھروں میں آگ لگنے کی اطلاع ملنے پر گھروں کے مکین روتے پیٹتے جب اپنے گاؤں واپس پہنچے تو ان کے گھر راکھ میں تبدیل ہوچکے تھے جس پر ان مکینوں خاص طور پر خواتین کی حالت غیر ہو گئی اور متعدد خواتین صدمے سے بے ہوش ہو گئیں علاقہ مکینوں نے آتشزدگی کے واقع کے بعد فائر بریگیڈ ٹنڈو باگو کو مطلع کیا تاہم فائر بریگیڈ گاڑی اس وقت وہاں پہنچی جب تمام گھر جل چکے تھے آتشزدگی کے اس واقع میں سومجی بھیل، واگجی بھیل، بھوجو، لیلو، ہرجی، نرسنگ، ہیمن، ارجن اور چیتن بھیل کے گھر جل گئے ہیں اور گھروں میں موجود تمام سامان جس میں نقدی، زیورات، اناج، بسترے، چارپائیاں، چاندی،لڑکیوں کا جہیز شامل ہے خاکستر ہو گیاہے آتشزدگی کے واقع کے بعد تمام متاثرین جن میں بچے، خواتین اور مرد شامل ہیں کھلے آسمان تلے بے یارومدد گار بیٹھے ہوئے ہیں اور ان کی کسی نے مدد نہیں کی آتشزدگی کی وجہ معلوم نہیں ہو سکی جبکہ آتشزدگی کے واقع کے بعد کوئی بھی سرکاری یا سیاسی شخصیت متاثرین کے پاس نہیں پہنچی متاثرین نے پنگریو کے صحافیوں کو بتایاکہ ان کے گھروں میں کوئی چیز باقی نہیں بچی اب وہ بھوکے پیاسے اپنے جلے ہوئے گھروں کے سامنے بیٹھے ہو ئے ہیں متاثرین نے وزیر اعلیٰ سندھ اور دیگر حکام سے اپیل کی ہے کہ ان کی بحالی کے لئے فوری قدم اٹھایا جائے-
متعلقہ عنوان :
مزید اہم خبریں
-
پناہ گزینوں پر مشتمل ٹیم پیرس اولمپکس میں امید کا پیغام لے کر پہنچے گی
-
2 آٹو کمپنیوں نے گاڑیوں کی قیمتوں میں 15 لاکھ روپے تک کمی کر دی
-
یورپ سے پناہ کے متلاشی بچوں کو قید نہ کرنے کا مطالبہ
-
گندم یا چینی اسکینڈلز کی انکوائری کمیٹیوں میں ویسٹرن انٹرسٹ بیٹھا ہوا ہے
-
جنگ نے غزہ کی معیشت کو دو دہائیاں پیچھے دھکیل دیا، یو این ادارے
-
فیصل آباد میں کاوباری حالات سے تنگ شخص نے بیوی بچوں کو قتل کر ڈالا
-
پرویز الٰہی کی درخواست ضمانت منتقلی کیلئے فائل چیف جسٹس کو ارسال
-
چیف منسٹر پنک گیمز2024 کے انعامات ڈبل، انعام 50لاکھ سے بڑھا کرایک کروڑ روپے کرنے کا اعلان
-
حکومت کا ملک کو برآمدی مرکز میں تبدیل کرنے کا وسیع تر وژن ہے، وزیر مملکت برائے آئی ٹی شزہ فاطمہ سے گوگل فار ایجوکیشن ٹیم کی مقامی پارٹنر ٹیک ویلی پاکستان کے ہمراہ ملاقات
-
نیلم جہلم ہائیڈرو پاور پلانٹ سے بجلی کی پیداوار مکمل طور پر بند کر دی گئی
-
سپیکر قومی اسمبلی سردار ایاز صادق کا شیخ طہنون محمد بن النہیان کے انتقال پر اظہار تعزیت
-
صوبائی حکومتیں پٹرولیم مصنوعات کی قیمتوں میں کمی اور اشیائے خورد و نوش کے سرکاری نرخوں پر عملدرآمد یقینی بنانے کے لئے اقدامات کریں، وزیراعظم شہبازشریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.