شاہ رخ خان نے عامر اور سلمان کو پیچھے چھوڑ دیا
فہد شبیر منگل 31 مارچ 2015 21:47
نئی دہلی(اُردو پوائنٹ اخبارتازہ ترین۔31مارچ۔2015ء) بالی وڈ کے تینوں خانز سلمان، شاہ رخ اور عامر خان میں نمبر ایک کون ہے؟ اس کے متعلق عوام اور میڈیا میں ہمیشہ بحث جاری رہتی ہے اور خود ان اداکاروں میں ایک قسم کی پیشہ ورانہ مسابقت بھی نظر آتی ہے۔ باکس آفس ہو کہ اشتہارات یا پھر سوشل میڈیا تینوں خانوں کی ٹکر ہو ہی جاتی ہے۔ تازہ معاملہ ٹوئٹر کا ہے جہاں شاہ رخ خان کے فالوورز کی تعداد باقی دونوں خان یعنی سلمان خان اور عامر خان سے زیادہ ہو گئی ہے۔
ٹوئٹر پر شاہ رخ خان کے فالوورز کی تعداد 12 ملین (ایک کروڑ 20 لاکھ) ہے وہیں سلمان خان کے 11.2 ملین (ایک کروڑ 12 لاکھ) اور عامر خان کے 11.9 ملین (ایک کروڑ 19 لاکھ) فالوورز ہیں۔ شاہ رخ کے چاہنے والے اس برتری کا جشن بھی منارہے ہیں اور اس ری ٹوئیٹ بھی کر رہے ہیں۔(جاری ہے)
ٹوئٹر پر SRK12Million# ہیش ٹيگ ٹرینڈ کر رہا ہے۔ایس آر کے واریئرز نام کے ایک ٹوئٹر ہینڈل سے یہ لکھا گیا کہ ’اب جب کہ ایس آر کے کے فالوروز کی تعداد 12 ملین ہو گئی ہے اور اگر ان کے فالوورز ایک ملک بنانا چاہیں تو یہ آبادی کے لحاظ سے دنیا کا 74 واں سب سے بڑا ملک ہوگا۔
‘ لیکن شاہ رخ خان ٹوئٹر پر نمبر ایک فلمی ہستی نہیں وہ ایک فلمی ستارے سے ابھی بھی پیچھے ہیں، وہ ہیں سپر اسٹار امیتابھ بچن۔ امیتابھ بچن کے ٹوئٹر پر ان کے فالوورز کی تعداد 14 ملین (ایک کروڑ 40 لاکھ) ہے۔ شاہ رخ خان ٹوئٹر پر اپنی ذاتی زندگی سے منسلک خبریں پوسٹ کرتے ہیں۔ گذشتہ سال عید کے موقعے پر انھوں نے اپنے تیسرے بیٹے، ابرام کی تصویر سب سے پہلے ٹوئٹر پر ہی پوسٹ کی تھی۔متعلقہ عنوان :
مزید فن و فنکار کی خبریں
-
نامور مزاحیہ اداکار منور ظریف کی برسی منائی گئی
-
مہک ملک 3 مئی کو تماثیل تھیٹر میں جلوہ گر ہونگی
-
سٹیج و ریڈیو فنکاروں کی بنیادی تربیت گاہ ہوتی ہے، مصطفی قریشی
-
تقریب کے دوران صحافی نے یشما گل کو زخمی کردیا
-
اداکاراربازخان نے ملائیکہ اروڑا کو تذبذب کا شکار قراردے دیا
-
اربازخان نے فائرنگ کے بعد گلیکسی اپارٹمنٹ سے جانے کی خبروں پرخاموشی توڑدی
-
امرسنگھ چمکیلا کے لیے بھاری قیمت چکانا پڑی، پرینیتی چوپڑا
-
گنیزورلڈ ریکارڈزکی سینچری کرنے پرصرف 5 لاکھ کا چیک، عرفان محسود نے واپس کردیا
-
صنم سعید ڈراموں میں کام کیوں نہیں کررہیں وجہ سامنے آگئی
-
عاصم اظہر نے اپنی تمام انسٹاگرام پوسٹس ڈیلیٹ کرنے کی وجہ بتا دی
-
جب میں جہازکے سفرپرہوں تو لوگ دیکھ کرسبحان اللہ یا استغفراللہ پڑھتے ہیں: متھیرا
-
کپل شرما کا شو نیٹ فلیکس پرناکام ہوگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.