سید صلاح الدین احمد کی بطور ایڈمنسٹریٹر بلدیہ شرقی تعیناتی کے بعد صفائی مہم کا دائرہ کارچھوٹے علاقوں تک پہنچ گیا ہے،عرفان اللہ مروت
بدھ 8 اپریل 2015 18:26
کراچی (اُردو پوائنٹ اخبار تازہ ترین۔08 اپریل۔2015ء)مسلم لیگ (ن) کے رہنما عرفان اللہ مروت نے کہا ہے کہ سید صلاح الدین احمد کی بطور ایڈمنسٹریٹر بلدیہ شرقی تعیناتی کے بعد صفائی مہم کا دائرہ کارچھوٹے علاقوں تک پہنچ گیا ہے جو کہ قابل تعریف امر ہے صفائی کی صورتحال بہتر ہوجائے تو علاقوں سے بیماریوں کا خاتمہ ممکن بنایا جا سکتا ے ان خیالات کا اظہار انھوں نے ایڈمنسٹریٹر بلدیہ شرقی سید صلاح الدین احمد و SEبلدیہ شرقی فضل محمود گل کے ہمراہ مروت پارک اعظم بستی یو سی 3 میں کلین ، گرین پر امن سندھ مہم کا آغازاور علاقہ مکینوں کے مسائل سننے کے بعد کیا انھوں نے مزید کہا کہ موثر حکمت عملی کے تحت اعظم بستی کو صاف ستھرا کیا جا سکتا ہے جبکہ نالوں و سیوریج سسٹم کی درستگی کی بھی ضرورت ہے اس موقع پر ایڈمنسٹریٹر بلدیہ شرقی سید صلاح الدین احمد نے کہا کہ ترجیحی بنیادوں پرصفائی کی درستگی کے لئے اقدامات کئے جارہے ہیں اس سلسلے میں بلدیہ شرقی میں کوئیک رسپانس سسٹم متعارف کروادیا گیا ہے یو سی 3 کے تمام کچرے کے ڈھیروں کی نشان دہی ہو چکی ہے25 ڈمپر اور 2 لوڈر ز کی مدد سے اعظم بستی یوسی 3 میں 220 ٹن کچرے کے ڈھیر آج اٹھائے جائیں گے 4 دن میں یوسی3 کوگاربیج فری کردیا جائے گا پہلے شب و روز کام کر کے مین روڈز، دوسرے مرحلے میں گلی محلوں کی صفائی اور تیسرے مرحلے میں نالوں کی صفائی عمل میں لائی جائے گی، مون سون کی آمد سے قبل نالوں کی صفائی کو ممکن بنا دیا جائے گا انھوں نے کہا کہ مستقل بنیادوں پر ڈائریکٹرسالڈ ویسٹ اقبال احمد کو جمشید زون میں تعینات کردیا گیاہے اور انشا اللہ 15 دن میں علاقہ مکینوں کو صفائی ستھرائی کے معاملات میں بہتری نظر آئے گی انھوں نے کہا کہ جن مسائل کی نشان دہی کی گئی ہے ان مسائل کو دور کرنے کے لئے ہر ممکن اقدامات بروئے کار لائے جائیں گے انھوں نے زور دیا کہ علاقہ مکین ادھر ادھر کچرا پھینکے سے گریز کریں کچرا مقررہ جگہوں پر ہی پھینکا جائے اور ایک دوسرے کو اس سلسلے میں تلقین بھی کی جائے تاکہ آگاہی کے اس عمل کے فوائد ہر ایک تک پہنچیں اس موقع پر ان کے ہمراہ فوکل پرسن جمشید زون شاہد اشرف چوہدری، ڈائریکٹر سالڈ ویسٹ اقبال احمد ،ڈائریکٹر پارکس رضا قائم خانی، ڈائریکٹر ایڈمنسٹریشن قاسم شمس و جمشید زون بلدیہ شرقی کے تمام محکمہ جات کے افسران بھی موجود تھے ۔
مزید اہم خبریں
-
سعودی عرب کی پاکستان کو مزید سرمایہ کاری کی یقین دہانی
-
ایلون مسک بھارت کا دورہ منسوخ کر کے چین پہنچ گئے
-
نائب وزیراعظم اوروزیرخارجہ محمد اسحاق ڈار کی ملائیشیا کے وزیر خارجہ سے ملاقات
-
’پاکستان کا نام شریفستان رکھ دیں‘
-
گندم کے معاملے پر دھرنے کا اعلان کرنے والے کسان بورڈ پنجاب کے سربراہ گرفتار
-
وزیراعلیٰ پنجاب کا چلڈرن ہسپتال لاہور میں نیا آئی سی یو یونٹ بنانے کا اعلان
-
وزیراعظم کی سعودی ولی عہد سے ملاقات، اہم امور پر تبادلہ خیال
-
سکیورٹی فورسز کا ٹانک میں آپریشن، 4 دہشت گرد مارے گئے ، آئی ایس پی آر
-
آڈیو لیکس کیس میں اہم پیشرفت
-
آڈیو لیکس کیس، اسلام آباد ہائیکورٹ کا ڈی جی ایف آئی اے کیخلاف توہین عدالت کی کارروائی کا عندیہ
-
سٹاک مارکیٹ ایک اور تاریخ رقم کرکے نئی بلندیوں کو چھو گئی
-
ٹانک میں سکیورٹی فورسزکے آپریشن میں 4 دہشت گرد ہلاک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.