صوبے کے تمام بڑے شہروں کی حالتِ زار دیکھ کر ایسا لگتا ہے کہ شہریوں کا کوئی بھی وارث نہیں ہے
نومنتخب چیئرمین سندھ تاجر اتحاد شیخ حبیب کا اجلاس سے خطاب
منگل 5 مئی 2015 19:45
کراچی(اُردو پوائنٹ اخبار تازہ ترین۔ 05 مئی۔2015ء) حکومتِ سندھ کراچی سمیت سندھ کے تمام شہروں میں تجاوزات، ٹریفک، پارکنگ، صفائی، انفرا اسٹرکچر آتشزدگی کے خطرات اور سیکوریٹی کے مسائل کے حل پر توجہ دے، سیاسی جماعتوں کے مابین عدمِ مفاہمت نے سندھ کے تاجروں کو سخت مشکلات سے دوچار کردیا ہے، ترقیاتی کاموں کی رفتار تھم چکی حکومتی ادارے بدعنوانی کا شکار ہیں، صوبے کے تمام بڑے شہروں کی حالتِ زار دیکھ کر ایسا لگتا ہے کہ شہریوں کا کوئی بھی وارث نہیں ہے، ان خیالات کا اظہارمنگل کو سندھ تاجر اتحاد کے نومنتخب چیئرمین شیخ حبیب کی زیرِصدارت منعقد کیئے گئے پہلے جنرل باڈی اجلاس سے خطاب کرتے ہوئے کیا اس موقع پر اتحاد کے دیگر عہدیداران حسین قریشی، جاوید حاجی عبداﷲ،احمد قادری، محمد ناصر،راشد علی شاہ، محمد اسحاق اور دیگر بھی موجود تھے، شیخ حبیب نے حکومتِ سندھ کو لاپتہ اور سرکاری اداروں کی کارکردگی کو صفر قرار دیتے ہوئے کہا کہ تاجروں اور شہریوں کی مدد اور داد رسی کیلئے کوئی دروازہ نہیں، تاجر برادری بدترین حالات میں کاروبار کرنے پر مجبور ہے، سرمایہ کار حوصلہ شکنی اور معیشت زوال پذیر ہے، انھوں نے کہا کہ معیشت کا حب کراچی لاقانونیت کا گڑھ، مسائل کا دلدل اور شہرنما جنگل بن چکا ہے، سرکاری اداروں کے ذمے داران فنڈز، وسائل اور عملے کی کمی کو جواز بناکر اپنی ذمے داریوں سے راہِ فرار اختیار کررہے ہیں، سڑکوں پر گھنٹوں ٹریفک جام، پھیلتی ہوئی تجاوزات، بے ہنگم اور بے قاعدہ پارکنگ،جا بجا پھیلے ہوئے کوڑے اور کچرے کے ڈھیر، رستے ہوئی گٹر، شکستہ سڑکیں، لاقانونیت اور آتشزدگی سے بچاؤ کا غیر مؤثر نظام کراچی کی بربادی کی داستان سنارہے ہیں، انھوں نے حکومتِ سندھ کو ملک کی بدترین صوبائی حکومت قرار دیتے ہوئے کہا کہ حکمرانوں کی غفلت اور بے حسی کا بھرپور فائدہ اٹھاتے ہوئے حکومت کے ماتحت ادارے بدعنوانی کا شکار ہوگئے ہیں، شہریوں اور تاجروں کے جائز ترین کام بھی رشوت کے بغیر ممکن نہیں رہے،تفتیشی اداروں کے بدعنوان اہلکار و افسران تاجروں کے خلاف سرگرم ہیں، انھوں نے صوبائی حکومت سے پُر زور مطالبہ کیا کہ پولیس کی تنخواہوں میں اضافے کے مثبت اقدام کے بعد اب ادارے کو مؤثر، فعال اور کارآمد بھی بنایا جائے، اجلاس میں شریک تاجر نمائیندگان نے لوٹ مار اور چوریوں کے بڑھتے ہوئے واقعات کو شہر کے معاشی، کاروباری اور معاشرتی مستقبل کیلئے ہولناک قرار دیتے ہوئے کہا کہ ہر دوسرے دن کسی نہ کسی دکان کے تالے توڑ کر سامان لوٹنے کے واقعات میں تشوایشناک اضافہ ہوگیا ہے، تاجروں نے بلدیاتی اداروں کی کارکردگی کو بدترین قرار دیتے ہوئے کہا کہ صفائی کا فقدان شہر کااہم مسئلہ بن گیا ہے، مارکیٹوں کے اطراف جا بجا پھیلی ہوئی گندگی، کچرا، بہتے گٹر، کیچڑ، ملبہ، غلاظت کے ڈھیر عروس البلاد شہر کی سماجی اور ثقافتی پہچان کو متاثر کررہے ہیں۔
متعلقہ عنوان :
مزید اہم خبریں
-
پناہ گزینوں پر مشتمل ٹیم پیرس اولمپکس میں امید کا پیغام لے کر پہنچے گی
-
2 آٹو کمپنیوں نے گاڑیوں کی قیمتوں میں 15 لاکھ روپے تک کمی کر دی
-
یورپ سے پناہ کے متلاشی بچوں کو قید نہ کرنے کا مطالبہ
-
گندم یا چینی اسکینڈلز کی انکوائری کمیٹیوں میں ویسٹرن انٹرسٹ بیٹھا ہوا ہے
-
جنگ نے غزہ کی معیشت کو دو دہائیاں پیچھے دھکیل دیا، یو این ادارے
-
فیصل آباد میں کاوباری حالات سے تنگ شخص نے بیوی بچوں کو قتل کر ڈالا
-
پرویز الٰہی کی درخواست ضمانت منتقلی کیلئے فائل چیف جسٹس کو ارسال
-
چیف منسٹر پنک گیمز2024 کے انعامات ڈبل، انعام 50لاکھ سے بڑھا کرایک کروڑ روپے کرنے کا اعلان
-
حکومت کا ملک کو برآمدی مرکز میں تبدیل کرنے کا وسیع تر وژن ہے، وزیر مملکت برائے آئی ٹی شزہ فاطمہ سے گوگل فار ایجوکیشن ٹیم کی مقامی پارٹنر ٹیک ویلی پاکستان کے ہمراہ ملاقات
-
نیلم جہلم ہائیڈرو پاور پلانٹ سے بجلی کی پیداوار مکمل طور پر بند کر دی گئی
-
سپیکر قومی اسمبلی سردار ایاز صادق کا شیخ طہنون محمد بن النہیان کے انتقال پر اظہار تعزیت
-
صوبائی حکومتیں پٹرولیم مصنوعات کی قیمتوں میں کمی اور اشیائے خورد و نوش کے سرکاری نرخوں پر عملدرآمد یقینی بنانے کے لئے اقدامات کریں، وزیراعظم شہبازشریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.