بلدیاتی انتخابات کے شفاف اور پرامن انعقاد میں تمام امیدوار انتظامیہ کیساتھ تعاون کریں،ڈی پی او صوابی
ضابطہ اخلاق کی پاسداری کرکے کسی بھی ناگوار مرحلے میں صبر وبرداشت کا دامن ہاتھ سے نہ چھوڑا جائے ،سجاد خان
منگل 26 مئی 2015 22:24
چھوٹا لاہور(اُردو پوائنٹ اخبار تازہ ترین۔ 26 مئی۔2015ء) بلدیاتی انتخابات کے شفاف اور پرامن انعقاد میں تمام امیدوار انتظامیہ کیساتھ تعاون کریں ضابطہ اخلاق کی پاسداری کرتے ہوئے کسی بھی ناگوار مرحلے میں صبر وبرداشت کا دامن ہاتھ سے چھوٹ نہ جانے دیا جائے دو چار کلاشنکوفوں سے مسلح گن مینوں کو لیکر ووٹ مانگنا انتہائی بُرا لُک دیتا ہے اس سے اجتناب کرتے ہوئے ہمیں ایک مہذب قوم ہونے کا ثبوت پیش کرنا چاہیے الیکشن کے روز کسی بھی اسلحہ کی نمائش پر مکمل پابندی عائد ہے اسکی پاسداری کرتے ہوئے قانون کو اپنے خلاف حرکت میں لانے پر مجبور نہ کیا جائے ان خیالات کا اظہار ڈی پی او صوابی سجاد خان اور اے سی صوابی نے ضلع بھر کے ضلعی وتحصیل امیدواروں کیساتھ اپنے آفس میں منعقدہ میٹنگ کے دوران انہیں بریفنگ اور بعد آزاں پاکستان گروپ آف جرنلسٹس ڈسٹرکٹ صوابی اورتحصیل لاہور پریس کلب کے صحافیوں سے بات چیت کرتے ہوئے کیا ہے انہوں نے کہا ہے کہ 30 مئی کے بلدیاتی انتخابات کیلئے ایک منظم اور موٴثر سیکورٹی پلان تیار کرلیا ہے جسمیں آن ڈیوٹی پولیس فورس کے علاوہ رضاکاروں،سابق پولیس اوسابق ایف سی اہلکاروں پر مشتمل چار ہزار سیکورٹی اہلکاروں کی خدمات حاصل کی جائینگی ضلع بھر میں 156 پولنگ سٹیشن حساس ترین،295 حساس اور 306 نارمل قرار دئیے گئے ہیں اپنی بیک اپ کیلئے آرمی فورس کی بھی بڑی تعداد طلب کی گئی ہے جبکہ پولیس اور آرمی فورس کے ضلع بھر میں کوئیک ریسپانس فورس کے طور پر الگ الگ سرکل بھی قائم کئے جائیں گے صوابی کی تقریباً سولہ لاکھ آبادی کیلئے ہمارے پاس صرف چودہ سو پولیس اہلکار جبکہ صرف دس بارہ کی تعداد میں لیڈی پولیس اہلکار موجود ہے خواتین کی پولنگ سٹیشنوں میں ضلع بھر میں موجود تقریباً چھ سو لیڈی ہیلتھ ورکرزسے بطور سیکورٹی فورس خدمات لی جائیں گی کسی بھی پولنگ سٹیشن سے 150 میٹر فاصلہ پرالیکشن کیمپ لگانے کی اجازت ہوگی ہر پولنگ سٹیشن پرسیکورٹی زون کے تحت پولیس ناکے لگوائیں گے جس سے کسی بھی اجنبی،مشکوک یا مسلح شخص کو گزرنے نہیں دیا جائیگا کسی بھی شہری کو مشکوک سمجھ کر اسکی باڈی سرچ کا برا مت منانا چائیے کیونکہ ووٹر کی سیکورٹی پولیس کی اولین ذمہ داری ہے انکامزید کہنا تھا کہ جیت کی صورت میں کسی امیدوار اور اسکے حامیوں کو جذبات کنٹرول رکھتے ہوئے ضبط کا مظاہرہ اور اس خوشی میں ہوائی فائرنگ سے اجتناب کرنا ہوگا بصورت دیگر انکے خلاف قانون حرکت میں آنے پر مجبور ہوگا۔
متعلقہ عنوان :
مزید قومی خبریں
-
قائد ن لیگ کے دیرینہ ساتھی ،سابق ایم این اے میاں افضل حسین تارڑدل کا دورہ پڑنے سے انتقال کرگئے
-
رواں سال مسلسل چوتھے مہینے میں بھی مختلف موبائل فونز کی قیمتوں میں کمی
-
ق*نصف درجن شادیاں کرنے والی دلہن گروہ سمیت گرفتار ۔ عدالت نے مقدمہ ڈسچارج کردیا
-
نیشنل ہائی ویز اینڈ موٹروے پولیس میں ملازمتوں کی تاریخ میں توسیع کردی گئی ہے، ترجمان
-
نادرا کا سائبر سیکیورٹی سسٹم مزید مضبوط کرنے کا فیصلہ
-
طاقت کی دھمکیوں سے نہ کسی کو فائدہ ہوا اور نہ ہوگا،اعظم نذیر تارڑ
-
ْاسٹیبلشمنٹ سے مذاکرات کی خواہش نے پی ٹی آئی کا اصل چہرہ بے نقاب کر دیا،رانا تنویر حسین
-
ووٹ کو عزت ملی ہوتی تو 8 فروری کو نتائج مختلف ہوتے، جاوید لطیف
-
پی ٹی آئی فوج کے بعد حکومت سے بھی مذاکرات کریگی، فیصل واوڈا
-
پاکستان ڈیجیٹل کرنسی کی جانب جانے کا سوچ رہا ہے، وزیر خزانہ
-
p تحریک انصاف کا 3مئی کو فیصل آباد میں جلسہ عام کا اعلان
-
پاکستان کو نمایاں مشکلات کا سامنا ہے،ایم ڈی آئی ایم ایف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.