خوردنی تیل میں خودکفالت کے ذریعے سالانہ ڈھائی ارب ڈالر کی بچت ممکن ہے‘قیام پاکستان کے بعد تیرہ سال تک ملک خوردنی تیل کے معاملہ میں خود کفیل تھا ‘کاشتکاروں کے استحصال نے خوردنی تیل کو پاکستان کی دوسری بڑی درآمد بنا دیا
پاکستان بزنس مین اینڈ انٹلیکچولز فورم کے صدر میاں زاہد حسین کا بیان
منگل 30 جون 2015 20:24
کراچی (اُردو پوائنٹ اخبار تازہ ترین۔ 30 جون۔2015ء) پاکستان بزنس مین اینڈ انٹلیکچولز فورم وآل کراچی انڈسٹریل الائنس کے صدراور سابق صوبائی وزیر میاں زاہد حسین نے کہا ہے کہ زرعی ملک ہونے کے باوجود پاکستان خوردنی تیل میں خودکفالت حاصل نہیں کر سکا ہے جسکے زریعے سالانہ ڈھائی ارب ڈالر کا زرمبادلہ بچایا جا سکتا ہے۔قیام پاکستان کے بعد تیرہ سال تک ملک خوردنی تیل کے معاملہ میں خود کفیل تھا جسکے بعد درآمد شروع ہوئی اور اب مقامی تیل کی پیداوار کھپت کا ایک تہائی ہے جس نے خوردنی تیل کو پٹرولیم مصنوعات کے بعددوسری بڑی امپورٹ بنا دیا ہے جس میں سے نوے فیصد حصہ پام آئل کا ہے۔
روغنی بیج کے کاشتکار آڑھتیوں کے رحم و کرم پر ہیں جبکہ بین الاقوامی مارکیٹ میں قیمتیں گرنے سے ان کا استحصال کیا جاتا ہے جس وجہ سے انکی دلچسپی کم ہو رہی ہے۔(جاری ہے)
ملک کو خوردنی تیل کی پیداوار میں خود کفیل بنانے کیلئے زیر کاشت رقبہ میں ترغیبات کے زریعے اضافہ کیا جا سکتا ہے جسکے لئے سندھ اور بلوچستان کی ساحلی پٹی سب سے مناسب ہے۔اسکے علاوہ معیاری بیجوں اور دیگر مداخل کی بروقت فراہمی اور انکی پیداوار کی مناسب قیمت میں فروخت، اس شعبہ میں ریسرچ،جدید ٹیکنالوجی کا استعمال، سویا بین اور پام آئل پر امپورٹ ڈیوٹی میں اضافہ، آئل ملز کی استعداد بہتر بناناشامل ہیں۔
آئل ملز میں پسائی کے پرانے طریقوں کے استعمال سے سالانہ دو لاکھ ٹن بنولے کا تیل ضائع ہو جاتا ہے۔چاول کے بھوسہ میں پندرہ فیصد تیل ہوتا ہے۔دولاکھ ٹن چاول کے چوکر سے سالانہ تیس ہزار ٹن تیل کشید کیا جا سکتا ہے جبکہ آئل سیڈ ڈویلپمنٹ بورڈ کو با اختیار بنانے، امدادی قیمت کا تعین کرنے اور کاشتکاروں کو بلا سود قرضے دینے سے اس شعبہ کی ترقی یقینی ہو جائے گی۔پاکستان میں اس وقت ملکی ضرورت کاایک تہائی خوردنی تیل پیدا ہوتا ہے جبکہ باقی درآمد کرنا پڑتا ہے۔ پاکستان میں ہر فرد سالانہ12 تا 13 لیٹر خوردنی تیل استعمال کرتا ہے جسکی کھپت میں سالانہ3فیصد کی شرح سے اضافہ ہو رہا ہے جس پر توجہ نہیں دی گئی تو سالانہ درآمدسوا دو ملین ٹن اور ڈیمانڈ سوا تین ملین ٹن سے بڑھ جائیگی جس سے امپورٹ بل مزید بڑھ جائے گا۔ سورج مکھی سے 40 سے48 فیصد تیل نکالا جا سکتا ہے جبکہ سرسوں سے 32 فیصداور کپاس کے بیج سے 10 سے 12 فیصدتیل کشید کیا جا سکتا ہے۔ اس ضمن میں نئی اور جدید ریفائنریاں لگانے کی ضرورت ہے جس سے پراسسنگ کی استعداد، کوکنگ آئل کی کوالٹی، حکومتی آمدنی اور روزگار میں بھی اضافہ ہو گااور ایک تخمینے کے مطا بق اس کا روبا ر سے وا بستہ افرا د کی تعداد میں 10لا کھ تک اضا فہ ممکن ہو گا۔جس سے ایک طر ف زر مبادلہ کی بچت ہو گی تو دو سری طر ف روز گا ر میں اضا فہ سے ملک میں خو شحا لی آئے گی۔ اور حکو مت پر نو کر یا ں فر ا ہم کر نے کے حو الے سے دبا ؤ میں کمی ممکن ہوگی۔مزید اہم خبریں
-
یکم مئی سے پٹرولیم مصنوعات کی قیمتوں میں کمی کا امکان
-
عدت نکاح کیس، خاور مانیکا نے اپیل سننے والے جج پر عدم اعتماد کا اظہار کردیا
-
بھارت اور پاکستان ایک دن آزاد ہوئے آج وہ سپرپاور بننے کے خواب دیکھ رہا ہے اور ہم دیوالیہ پن کا شکار ہیں
-
گرمیوں میں سردی والا موسم، کئی سیاحتی مقامات پر برفباری سے سردی لوٹ آئی
-
خیبرپختونخواہ میں بلدیاتی ضمنی الیکشن، تحریک انصاف کلین سوئپ کرنے میں کامیاب
-
مرغی کے گوشت کی قیمت 1200 روپے کی ہوشربا سطح تک پہنچ گئی
-
نوازشریف کے پارٹی صدر بننے کا مطلب مزاحمتی بیانیہ نہیں ہے
-
موبائل ایپ پاک حج سے تمام انتظامات پیپر لیس کر دیے ، رہنمائی اور شکایات مکمل آٹومیٹ ہونگی
-
آرمی چیف سے ترک کمانڈر جنرل کی ملاقات، دفاعی تعلقات مضبوط بنانے کا عزم
-
آرمی چیف جنرل سید عاصم منیر سے ترک بری افواج کے کمانڈر جنرل سیلکوک بیریکتر اوغلو کی ملاقا ت، باہمی دلچسپی کے امور اور دوطرفہ دفاعی تعاون کو مزید بڑھانے کے اقدامات پر تبادلہ خیال
-
آرامکو نے گو پٹرولیم کے 40 فیصد حصص کا حصول کر لیا
-
صدر آصف علی زرداری نی ترک بری افواج کے کمانڈر ،جنرل سیلکوک بایراکتار اوغلو کو نشان پاکستان (ملٹری) سے نوازا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.