نواز مودی ملاقا ت کو صرف فوٹو سیشن ہی نہیں ،بامقصد بھی ہونا چاہیے ‘ عمران خان نے اپنے اراکین کی تنخواہیں واپس کر کے ناقدین کے منہ بند کر دئیے
چیئرمین تحریک انصاف کے پولیٹیکل ایڈوائزر عبدالعلیم خان کی وفد سے گفتگو
جمعہ 10 جولائی 2015 20:08
لاہور (اُردو پوائنٹ اخبار تازہ ترین۔ 10 جولائی۔2015ء) چیئرمین تحریک انصاف کے پولیٹیکل ایڈوائزر عبدالعلیم خان نے کہا ہے کہ خطے کے حالات کا تقاضا ہے کہ نواز مودی ملاقا ت کو صرف فوٹو سیشن تک ہی محدود نہ رکھا جائے بلکہ اسے پاکستان کے قومی تقاضوں کے مطابق بامقصد بھی بنایا جائے ، وزیر اعظم نواز شریف ماضی کی روایت کو ترک کر کے دوٹوک اور ملکی دفاع کے مطابق موقف اختیار کریں اور کارگل یا کسی اورتناظر میں بھارتی ہمدردی کے بہکاوے میں نہ آئیں ۔
عبدالعلیم خان نے این اے 122کے مختلف حلقو ں سے بلدیاتی امیدواران سے گفتگو کرتے ہوئے کرتے ہوئے کہا کہ دنیا جانتی ہے کہ مودی کے دل میں کھوٹ ہے اور سفارتی محاذ پر بھارت کی طرف سے ہمیشہ ایسی بساط بچھائی جاتی ہے جس کا مقصد پاکستان کو ’’ٹریپ ‘‘کرنا اور ہمارے عسکری اداروں کو نیچا دکھانے کی کوشش کرنا ہوتا ہے ۔(جاری ہے)
انہوں نے کہا کہ اب یہ سیاسی قیادت کا فرض ہے کہ اس افواج پاکستان کو اعتماد میں لے کر آگے بڑھے جس کی طرف سے ملکی دفاع اورسا لمیت کیلئے جانوں کے نذرانے پیش کئے جا رہے ہیں ،عبدالعلیم خان نے کہا کہ حالات کا تقاضا ہے کہ پھونک پھونک کر قدم اٹھائیں اور نواز شریف محض تجارتی تعلقات کے شوق میں تیزیاں نہ دکھائیں وگرنہ بھارت کوئی نئی چال چل دے گا ۔
عبدالعلیم خان نے کہا کہ عمران خان نے پی ٹی آئی کے اراکین اسمبلی کی طرف سے تنخواہوں کی واپسی کا اعلان کر کے ناقدین کے منہ بند کر دئیے ہیں ایک مرتبہ پھر ثابت ہوگیا ہے کہ پی ٹی آئی اصولوں پر سمجھوتہ نہیں کرے گی ،انہوں نے کہا کہ تحریک انصاف کی پالیسیوں سے متاثر ہو کر ہی ملک بھر سے سیاسی رہنماؤں کی عمران خان کی قیادت میں پی ٹی آئی شامل ہونے کا سلسلہ جاری ہے اور انشاء اﷲ آئندہ عام انتخابات میں پی ٹی آئی ملک کی واحد اکثریتی جماعت ثابت ہو گی ۔عبدالعلیم خان نے کہا کہ بلدیاتی الیکشن کیلئے ہماری تیاریاں جاری ہیں اور ہم حکومت کو بھاگنے کا موقع نہیں دیں گے ۔متعلقہ عنوان :
مزید اہم خبریں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.