چیئرمین پی پی بلاول بھٹو زرداری کا سکھر کا دورہ

فہد شبیر اتوار 9 اگست 2015 21:57

سکھر(اُردو پوائنٹ اخبارتازہ ترین۔9اگست۔2015ء) پاکستان پیپلزپارٹی کے چیرمین بلاول بھٹو زرداری سیلابی صورتحال کا جائزہ لینےسکھر پہنچے توان کی آمد سے قبل سکھر بیراج کے آس پاس سیکورٹی ہائی الرٹ کرکے کئی سڑکیں سیل کردی گئیں، سڑکوں کی صفائی ستھرائی پر شہری بھی حیران نظرآئے۔بلاول بھٹو کے دورے کے اعلان پر آج صبح سے ہی سکھر شہر میں سیکورٹی ہائی الرٹ تھی۔

جگہ جگہ پولیس اہلکارپوزیشنز سنبھالے اپنے فرائض بخوبی انجام دیتے نظرآئے۔

(جاری ہے)

سکھر ائیرپورٹ سےبیراج تک کے راستوں پر پٹرول پمپ بندکرادیئے گئے اورسڑکوں کو بھی سیل کردیاگیا۔پولیس اہلکارہوں یا افسرہرکوئی اپنی ڈیوٹی پر چاق وچوبند نظرآیا۔ایسے میں صفائی ستھرائی ایسی تھی کہ شہری خود حیران نظرآئے، جس کے بعد انتظارکی گھڑیاں ختم ہوئیں اوربلاول بھٹو نے سکھر شہر میں اپنے قدم رکھ ہی دیئے۔ائیرپورٹ آمد کے بعد انہیں سخت سیکورٹی حصار میں بیراج پہنچایاگیا جہاں محکمہ آب پاشی نے انہیں بریفنگ دی جس کے بعد وہ سیلاب زدہ علاقوں کا دورہ کرنے خیرپورروانہ ہوگئے۔

Facebook Twitter Google + Share on Whatsapp

چیئرمین پی پی بلاول بھٹو زرداری کا سکھر کا دورہ

متعلقہ عنوان :

مزید اہم خبریں