نیشنل پارٹی نے ہمیشہ جمہوری اصولوں کے تحت جدوجہد کی ہے ،طاہر بزنجو
بابائے بلوچستان میرغوث بخش بزنجو پاکستان کے سیاسی افق پر قومی جمہوری و طبقاتی حقوق کی جدوجہد کے سرخیل تھے ،مرکزی نائب صدر نیشنل پارٹی
پیر 10 اگست 2015 23:15
کوئٹہ(اُردو پوائنٹ اخبار تازہ ترین۔ 10 اگست۔2015ء) نیشنل پارٹی کے مرکزی نائب صدر طاہر بزنجو نے کہا ہے کہ نیشنل پارٹی ہمیشہ جمہوری اصولوں کے تحت جدوجہد کی ہے اور بابائے بلوچستان میرغوث بخش بزنجو پاکستان کی سیاسی افق پر قومی جمہوری و طبقاتی حقوق کی جدوجہد کے سرخیل تھے انہوں نے ہر قسم کے استحصال و جبر کے خاتمے کیلئے جمہوری جدوجہد کی ہے وہ آج بھی محنت کش طبقات کیلئے مشعل راہ ہیں ان خیالات کا اظہار انہوں نے بولان میڈیکل کالج میں پیرامیڈیکل اسٹاف یونین کے زیراہتمام منعقدہ کانفرنس سے خطاب کرتے ہوئے کیا انہوں نے میرغوث بخش بزنجو کی یاد میں ہونیوالی کانفرنس کے انعقاد کو شعوری سیاست کے فروغ سے تعبیر کیا ہے اور کہا کہ بابائے بزنجو نے عمر بھر ملک میں قوموں کی جمہوری سیاسی معاشی حقوق کی جدوجہد کومحنت کش طبقات کے مسائل اور پس منظر کے ساتھ مربوط رکھتے ہوئے یہاں مختلف اقوام کی مشترکہ و متحدہ جدوجہد کی راہیں متعین کیں پاکستان میں جاری بحرانی کیفیت اور بداعتمادی و مایوسی کی بنیادی وجہ یہی ہے کہ ملک میں مسلط پالیسیوں کا قبلہ ‘ ملک کے عوام کی امنگوں کے برعکس بنایا گیا بے روزگاری جہالت غربت و استحصال کے سائے نہ صرف بگڑے ہوئے بلکہ سیاسی قیادت و بصیرت کے فقدان کے احساس نے عوام میں برائی تک بیگانگی اور مایوسی پیدا کی انہوں نے کہا کہ درپیش حالات و واقعات میں اگر بابائے بزنجو کی بصیرت امروز سیاسی زندگی سے رہنمائی لی جائے تو سب سے پہلے مایوسی کے خاتمے کیلئے وطن دوست انسانیت نواز ترقی پسند ‘ سیاسی اجتماعات کو پروان چڑھانا ہوگا تاکہ لوگوں کو اپنے آبائی علاقوں میں روزگار اور تحفظ ملے اور وہ ہجرت پر مجبور نہ ہوں انہوں نے کہا کہ افغان مہاجرین کی باعزت اپنے وطن واپسی کی راہ میں اگر کوئی رکاوٹ ڈالے گا تو درحقیقت ایسا طرزعمل افغان عوام کو اپنے وطن کی خوشحالی ترقی آزادی و خودمختیاری سے علیحدہ رکھنے کا باعث ہوگا اس موقع پر مرکزی کمیٹی کے رکن اسلم بلوچ ‘ کوئٹہ کے ضلعی صدر حاجی نیاز بلوچ ‘ صوبائی لیبر سیکرٹری عبیداللہ لاشاری ‘ وائس پرنسپل بی ایم ایس ڈاکٹر رؤف شاہ حاجی عزیز اللہ ‘ ورکرز فیڈریشن کے صدر عبدالغفار صافی ‘ صحافی اکرم بنگلزئی ‘مارکیٹ کمیٹی کے چیئرمین عبدالصمد بلوچ ‘ موسیٰ جان خلجی ‘ محمد رفیق لہڑی ‘ سید عبدالکریم شاہ ‘ کونسلرحاجی یاسین بنگلزئی سمیت دیگر نے بھی خطاب کیا ۔
مزید قومی خبریں
-
منشیات فروشوں کے خلاف کریک ڈائون کر رہے ہیں، اسلحہ کی نمائش کی اجازت نہیں ہوگی ، شرجیل انعام میمن
-
راولپنڈی،پتریاٹہ پولیس کی کارروائی ،ناجائز اسلحہ پرملزم گرفتار
-
وزیراعلیٰ سندھ کی زیر صدارت ایپکس کمیٹی کا اجلاس
-
صوبائی وزیر صحت خواجہ عمران نذیر کی جناح ہسپتال آمد ،یورالوجی ٹرانسپلانٹ سنٹر کا دورہ کیا
-
گھریلو کنکشن کیلئے ایل این جی کی بنیاد پر ڈیمانڈ نوٹسز کی فیس مقرر
-
پنجاب کو مکمل طورپرپولیو فری بنانا ہمارا عزم، ویکسی نیشن مہم کی ذاتی طور پر مانیٹرنگ کررہی ہوں،مریم نواز
-
سید ناصرحسین شاہ کی کراچی یونین آف جرنلسٹس کے نومنتخب عہدیداروں کو مبارکباد
-
پیپلزپارٹی آزاد و خودمختار پریس کی حمایت کرتی ہے، جس کا جمہوری عمل کے فروغ میں کلیدی کردار ہے،بلاول بھٹو زرداری
-
گورنر سندھ کامران ٹیسوری کے ہمراہ وفاقی وزیر داخلہ محسن نقوی کا آئی ٹی مارکی کا دورہ
-
وفاقی وزیرداخلہ محسن نقوی کی کراچی میں چینی قونصلیٹ آمد،چین کے قونصل جنرل سے ملاقات
-
مجرموں کی سرپرستی یا سہولتکاری کرنے والا کوئی بھی ہو اس کے ساتھ کوئی بھی رعایت نہیں برتی جائے گی، شرجیل میمن
-
وزیراعلی سندھ سید مراد علی شاہ کی زیر صدارت 31 ویں ایپکس کمیٹی اجلاس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.