پنجاب ورکرز ویلفیئر بورڈ اورانٹرنیسنل بیوریجز کمپنی کے درمیان حفظان صحت و غذائیت بارے آگہی پروگرام کیلئے ایم او یو پر دستخط
جمعرات 13 اگست 2015 12:58
لاہور( اُردو پوائنٹ اخبار تازہ ترین۔ 13 اگست۔2015ء)صوبائی وزیر محنت و انسانی وسائل راجہ اشفاق سرور نے کہا ہے کہ حکومت پنجاب مزدوروں کے بچوں میں حفظان صحت اور غذائیت سے آگاہی بار ے ملٹی نیشنل اداروں اور غیر سرکاری تنظیموں کے فلاحی پروگراموں کی بھر پور سر پرستی کرے گی ،پنجاب ورکرز ویلفیئر بورڈکے 63سکولوں میں زیر تعلیم بچوں اور بچیوں کو غذائیت بارے آگاہی فراہم کرنے کے حوالے سے انٹرنیشنل بیوریجز کمپنی کے پروگرام ” ہیلتھی کڈز “ کے دوراس اثرات مرتب ہوں گے ۔
انہوں نے یہ بات پنجاب ورکرز ویلفیئر بورڈ اور کمپنی کے درمیان اس پروگرام کے حوالے سے ایم او یو پر دستخط کرنے کی تقریب کے موقع پر شرکاء سے گفتگو کرتے ہوئے کہی۔ایم او یو پر ورکرز ویلفیئر بورڈ کی طرف سے سیکرٹری شاہد زمان لک جبکہ کمپنی کی طرف سے سی ایس وی مینجر علی اشعر نے دستخط کئے۔(جاری ہے)
ایڈیشنل سیکرٹری لیبر سید مبشر حسین ،وائس کمشنر سوشل سکیورٹی خالد سلیم ،ڈائریکٹر ایجوکیشن ڈاکٹر ارشد ،ڈاکٹر جاوید گل ،میڈیا مینجر عاطقہ میر خان ،پبلک اینڈ گورنمنٹ ریلیشنز مینجرز منصور نو ر اور محکمہ لیبر کے متعلقہ افسران نے تقریب میں شرکت کی ۔
سیکرٹری ورکرز ویلفیئر بورڈ شاہد زمان لک نے بریفنگ دیتے ہوئے کہا کہ پنجاب ورکرز ویلفیئر بورڈ کے تمام سکولوں میں کلاس اول سے میٹرک تک زیر تعلیم طلبا و طالبات کو صفائی کی اہمیت اور غذائیت بارے آگاہی دینے کے لئے کلاس ٹیچرز کو کمپنی کے غذائی ماہرین تربیت فراہم کریں گے جبکہ تربیت حاصل کرنیو الی ماسٹر ٹرینرز ٹیچرز اپنی ساتھی اساتذہ کو مزید تربیت دیں گی ۔کمپنی بچو ں کوصفائی کی آگہی بارے آکسفورڈ یونیورسٹی پریس کی شائع شدہ مفت کتابیں اور ورک بکس فراہم کرے گا ۔وزیر محنت راجہ اشفاق سرور نے پروگرام کو سراہتے ہوئے امید ظاہر کی کہ بیوریجز کمپنی اپنے اس نان پروموشنل اور نان مارکیٹنگ پروگرام کو مزید آگے بڑھاتے ہوئے مزدور وں کے بچوں کی تربیت اور انہیں غذائیت کے حوالے سے تخلیقی سرگرمیوں سے آگاہ رکھنے کے لئے مستقبل میں بھی ایسے فلاحی پروگرام جاری رکھے گا ۔سی ایس وی مینجر علی اشعر نے اس موقع پر بتایا کہ کمپنی 80سے زائد ممالک میں بچوں کو غذائیت کے حوالے سے ٹریننگ پروگرامز کا انعقاد کر رہی ہے اور ابتک 70ہزار سے زائد بچوں کو اس حوالے سے آگاہی فراہم کی جا چکی ہے ۔انہوں نے بتایا کہ آگا ہی پروگرامز کے تحت آئندہ بچوں کے لئے واٹر ایجوکیشن پراجیکٹ کا بھی آغاز کررہا ہے جس سے بچوں میں صاف پانی کی اہمیت بارے شعور اجاگر کرنے میں مدد ملے گی ۔مزید تجارتی خبریں
-
مرکزی بینک نے شرح سود برقراررکھ کرکاروباری برادری کومایوس کیا ہے،میاں زاہد حسین
-
برائلر گوشت کی قیمت میں15روپے کلو کمی
-
ایل پی جی کی فی کلو قیمت میں 11روپے 88پیسے کی کمی
-
انٹربینک میں روپے کے مقابلے ڈالر کی قدر بڑھ گئی جبکہ اوپن مارکیٹ میں ڈالر سستا
-
سونے کی قیمتوں میں کمی کا رجحان
-
ایس ای سی پی اوربلوچستان کے سکول ایجوکیشن ڈیپارٹمنٹ کے درمیان مفاہمت کی یادداشت پر دستخط
-
ایل پی جی کی فی کلو قیمت میں 11 روپے 88 پیسے کی کمی
-
اسٹیٹ بینک کو آئی ایم ایف سے 828ملین ایس ڈی آر( 1.1ارب ڈالر)موصول
-
کراچی میں اسٹریٹ کرائمز کے خاتمے کے لیئے ہنگامی بنیادوں پر کام کر نا ہوگا، ایازمیمن
-
پاکستان سٹاک ایکسچینج میں تیزی،100 انڈیکس 298 پوائنٹ اضافے کے ساتھ 71 ہزار993پوائنٹ کی نفسیاتی حد عبور کرگیا
-
برائلر گوشت کی قیمت میں17روپے کلو کمی
-
پاکستان میں موبائل فون کی درآمد میں بڑا اضافہ ہوگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.