پاکستان اور قازقستان کا مشترکہ کمیشن اور فضائی سروس شروع کرنے پر اتفاق
بدھ 26 اگست 2015 15:42
آستانہ((اُردو پوائنٹ اخبار تازہ ترین۔ 26 اگست۔2015ء) پاکستان اور قازقستان نے مشترکہ وزارتی کمیشن ،تجارت اور اقتصادی تعاون سمیت فضائی سروس شروع کرنے پر اتفاق کیا ہے ،بدھ کے روز وزیر اعظم نواز شریف قازقستان کے صدر نور سلطان نذر بایوف ملاقات کیلئے صدارتی محل پہنچے تو پرتپاک استقبال کیا گیا ،اس موقع پر دونوں ممالک کے قومی ترانے بھی بھجوائے گئے،قازقستان کی مسلح افواج کے چاق و چوبند دستے نے نوازشریف کو سلامی دی،وزیراعظم اور قازقستان کے درمیان ون آن ون ملاقات ہوئی جس میں پاک قازقستان تعلقات سمیت اقتصادی اور تجارتی تعاون پر تبادلہ خیال کیا گیا،وزیر اعظم نواز شریف نے کہا کہ قازقستان اسلامی ملک میرا دوسرا گھر ہے، پاکستان قازقستان کے ساتھ تعلقات کو اہمیت دیتا ہے،پاکستان قازقستان کے ساتھ مضبوط اقتصادی اور تجارتی تعاون چاہتا ہے،قازقستان کی قیادت کے ویژن کو سراہتے ہیں، اس موقع پر صدر نور سلطان نذر بایوف نے اس موقع پر کہا کہ دونوں ممالک تاریخی اور ثقافتی رشتے میں بندھے ہوئے ہیں ، آزادی حاصل کرنے کے بعد پاکستان واحد ملک تھا جس نے سب سے پہلے ہمیں تسلیم کیا ہے ،پاکستان میں معاشی اصلاحات قابل تعریف ہیں ،نواز شریف ملک کو ترقی کی جانب لیکر جارہے ہیں،پاکستان کے ساتھ دوستی کی قدر کرتے ہیں۔
(جاری ہے)
وزیر اعظم نواز شریف نے قازقستان کے صدر کے ہمراہ مشترکہ پریس کانفرنس کرتے ہوئے کہا کہ شاندار استقبال اور میزبانی پر قازقستان کی قیادت اور عوام کا شکر گزار ہیں،میں یہاں پاکستانی عوام کی طرف سے قازقستان کی عوام کیلئے محبت بھرا پیغام لایا ہوں،امن اور ترقی کیلئے قازقستان کا کردار قابل تعریف ہے جبکہ یہاں کا سیاسی استحکام اور سیاست بھی قابل تقلید ہے،تمنا ہے کہ برادر اسلامی ملک مزید ترقی کرے،وزیر اعظم نے کہا کہ پاکستان اور قازقستان نے تجارت،معیشت اورفضائی رابطوں کو بڑھانے پر اتفاق ہوا ہے،ٹکسٹائل ،زراعت اور ادویہ سازی کے منصوبوں میں دونوں ملک مشترکہ تعاون کریں گے،وزیر اعظم نے کہا کہ اقتصادی راہداری منصوبے پاکستان کا ایک انقلاب منصوبہ ہے، قازقستان کو منصوبے میں شمولیت کیلئے دعوت دی ہے،وزیر اعظم نے کہا کہ قازقستان پاکستان میں گیس اور پٹرولیم کی درآمد کرے ہم ان کو خوش آمدید کہیں گے،اس موقع پر قازقستان کے صدر نے خطاب کرتے ہوئے کہا کہ وزیر اعظم نواز شریف کی جانب سے دی گئی دورہ پاکستان کی دعوت قبول کر لی ہے،ہم پاکستان کی عوام کے شکر گزار ہیں جنہوں نے ہمیں آزادی کے وقت سب سے پہلے مبارکباد دی ہے اور ہمارے ساتھ بھر پور تعاون کیا تھا،پاکستان دہشت گردی کے خاتمے کیلئے اہم کردار ادا کررہا ہے خطے میں امن کی کوششوں میں پاکستان کا کردار قابل تحسین ہے،انہوں نے کہا کہ پاکستان کے ساتھ قریبی تعلقات کو مزید بڑھانا چاہتے تھے اورمختلف منصوبوں میں مشترکہ تعاون کی ضرورت ہے۔
متعلقہ عنوان :
مزید اہم خبریں
-
پناہ گزینوں پر مشتمل ٹیم پیرس اولمپکس میں امید کا پیغام لے کر پہنچے گی
-
2 آٹو کمپنیوں نے گاڑیوں کی قیمتوں میں 15 لاکھ روپے تک کمی کر دی
-
یورپ سے پناہ کے متلاشی بچوں کو قید نہ کرنے کا مطالبہ
-
گندم یا چینی اسکینڈلز کی انکوائری کمیٹیوں میں ویسٹرن انٹرسٹ بیٹھا ہوا ہے
-
جنگ نے غزہ کی معیشت کو دو دہائیاں پیچھے دھکیل دیا، یو این ادارے
-
فیصل آباد میں کاوباری حالات سے تنگ شخص نے بیوی بچوں کو قتل کر ڈالا
-
پرویز الٰہی کی درخواست ضمانت منتقلی کیلئے فائل چیف جسٹس کو ارسال
-
چیف منسٹر پنک گیمز2024 کے انعامات ڈبل، انعام 50لاکھ سے بڑھا کرایک کروڑ روپے کرنے کا اعلان
-
حکومت کا ملک کو برآمدی مرکز میں تبدیل کرنے کا وسیع تر وژن ہے، وزیر مملکت برائے آئی ٹی شزہ فاطمہ سے گوگل فار ایجوکیشن ٹیم کی مقامی پارٹنر ٹیک ویلی پاکستان کے ہمراہ ملاقات
-
نیلم جہلم ہائیڈرو پاور پلانٹ سے بجلی کی پیداوار مکمل طور پر بند کر دی گئی
-
سپیکر قومی اسمبلی سردار ایاز صادق کا شیخ طہنون محمد بن النہیان کے انتقال پر اظہار تعزیت
-
صوبائی حکومتیں پٹرولیم مصنوعات کی قیمتوں میں کمی اور اشیائے خورد و نوش کے سرکاری نرخوں پر عملدرآمد یقینی بنانے کے لئے اقدامات کریں، وزیراعظم شہبازشریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.