دھان کی کٹائی کے بعد جلد پھنڈائی کر لینی چاہیے،فصل کو کھیت میں پڑا نہ رہنے دیں، ڈاکٹر محمد اختر
کٹائی اور پھنڈائی کے درمیان جتنا زیادہ وقفہ ہو گا کل حاصل کردہ چاول کی ریکوری اتنی ہی کم ہوتی جائے گی،ڈائریکٹر رائس ریسرچ انسٹی ٹیوٹ
بدھ 16 ستمبر 2015 18:09
فیصل آباد (اُردو پوائنٹ اخبار تازہ ترین۔ 16 ستمبر۔2015ء) دھان کی کٹائی کے بعد جلد از جلد پھنڈائی کر لینی چاہیے اور فصل کو کھیت میں پڑا نہ رہنے دیں۔ کٹائی اور پھنڈائی کے درمیان جتنا زیادہ وقفہ ہو گا کل حاصل کردہ چاول کی ریکوری اتنی ہی کم ہوتی جائے گی۔ان خیالات کا اظہار ڈائریکٹر رائس ریسرچ انسٹی ٹیوٹ ڈاکٹر محمد اختر نے ایوب زرعی تحقیقاتی ادارہ فیصل آبادمیں کاشت کاروں کے ایک وفد سے ملاقات کے دوران کیا ۔
انہوں نے کہا کہ چاول کی کٹائی کے موسم میں عموماً دن قدرے گرم ہوتے ہیں جبکہ راتیں ٹھنڈی ہوتی ہیں اور کافی مقدار میں اوس بھی پڑتی ہے جس سے کھیت میں پڑی ہوئی فصل اوس سے بھیگ جاتی ہے اور دن کی دھوپ سے سوکھ جاتی ہے۔ اس طرح متواتر خشک اور تر ہونے سے دانوں میں چوڑی پڑ جاتی ہے اور چھڑائی متاثر ہوتی ہے۔(جاری ہے)
جب دانوں میں نمی کی مقدار 20 تا 22 فیصد رہ جائے تو دھان کی فصل کٹائی کے قابل ہو جاتی ہے۔
دوسرا طریقہ یہ ہے کہ جب مونجر کے اوپر والے دانے اچھی طرح پک جائیں مگر سب سے نچلے دو تین دانے اچھی طرح بھر چکے ہوں لیکن ابھی سبزی مائل ہوں تو فصل کی کٹائی کر لیں۔ اس وقت سٹے کے اوپر والے دانے صاف، شفاف، مضبوط اور 90 تا 95 فیصد دانے خشک پرالی کے رنگ کی طرح کے ہو چکے ہوں گے۔ اس وقت کٹائی کرنے سے زیادہ پیداوار حاصل ہوتی ہے اور عمدہ چھڑائی کے علاوہ جو صفات اچھے چاول میں پائی جانی چاہئیں وہ بھی موجود ہوتی ہیں۔ کٹائی کے بعد جتنی جلدی پھنڈائی کر لی جائے چھڑائی میں اتنا ہی ثابت چاول زیادہ اور ٹوٹا کم حاصل ہو گا۔رات کے وقت دانوں کو ترپال یا پرالی سے ڈھانپ دیں تاکہ اوس کی نمی سے محفوظ رہیں۔ بے احتیاطی یا لاپرواہی سے پھنڈائی کرنے پر بہت سے دانے ضائع ہو جاتے ہیں۔ دھان کی کٹائی کیلئے مشینیں بھی استعمال کی جا سکتی ہیں اور تقریباً 80 فیصد رقبہ ان کی مدد سے کاٹا جاتا ہے۔ مشینیں کھیت میں کھڑے ہر قسم کے پودوں کو کاٹ لیتی ہیں اور اس طرح ملاوٹ کا باعث بن سکتی ہیں۔ گندم کاٹنے والی مشینیں عموماً سبز، کمزور اور خالی دانے جھاڑنے کے ساتھ ساتھ پودے کے سبز حصے بھی کاٹ لیتی ہیں جو مونجی میں زیادہ نمی کا باعث بنتے ہیں۔ یہ مشینیں اکثر دانوں سے چھلکا اتاد دیتی ہیں اور چند دانے ٹوٹ بھی جاتے ہیں۔ چونکہ مشین سے کاٹی ہوئی فصل میں نمی زیادہ ہوتی ہے اس لئے ایسی فصل کو ذخیرہ کرنا دشوار ہوتا ہے۔ مشینی کٹائی سے ایک اندازے کے مطابق 4سے 6 فیصد تک ثابت چاول کل حاصل کردہ چاول کا کم ہو جاتا ہے۔ یہ نقصانات چاول کاٹنے والی مشین سے کم ہوتے ہیںمزید اہم خبریں
-
لاہور میں پولیس اہلکار نے گولی مارکرخودکشی کرلی
-
ملکی معیشت کو صحیح سمت پر لیجانے کیلئے کڑوی گولیاں نگلنی پڑیں گی‘ احسن اقبال
-
آئین کی بالادستی سے ہی ملک آگے بڑھے گا، عوام کو اپنے نمائندے منتخب کرنے کا اختیار ہونا چاہیے، چیئرمین سینیٹ
-
وزیراعظم اور امیر کویت کے درمیان ملاقات
-
پاکستان میں غیر معیاری ادویات کا مسئلہ
-
ہمارے مسالے مضر صحت نہیں، بھارتی کمپنی ایم ڈی ایچ
-
کیا انتظامی عہدے کیلئے حکمران خاندان سے ہونا ہی واحد شرط ہے؟
-
غزہ میں جنگ بندی کی کوششوں میں تیزی
-
مولانا فضل الرحمان نے آئندہ لائحہ عمل کے اعلان کی تاریخ دیدی
-
وزیراعظم محمد شہبازشریف سے آئی ایم ایف کی منیجنگ ڈائریکٹر کرسٹالینا جارجیوا کی ملاقات ، گزشتہ سال اسٹینڈ بائے ارینجمینٹ کے حوالے سے وزیراعظم کے قائدانہ کردار کی تعریف
-
وزیراعظم کی سعودی حکام سے ملاقاتوں میں پاکستان میں مزید سرمایہ کاری پر اتفاق
-
دبئی ایئر پورٹ کا اگلے دس سال میں المکتوم ایئرپورٹ منتقلی کا منصوبہ تیار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.