معروف مذہبی اسکالر مولانا محمد اسحق بھٹی 91 برس کی عمر میں لاہور میں انتقال کرگئے
منگل 22 دسمبر 2015 21:44
لاہور (اُردو پوائنٹ تازہ ترین ۔22 دسمبر۔2015ء ) معروف مذہبی اسکالر مولانا محمد اسحق بھٹی مختصر علالت کے باعث 91 برس کی عمر میں لاہور میں انتقال کرگئے۔ ا ن کی نماز جنازہ ناصر باغ لاہور میں پروفیسرڈاکٹر محمد حماد لکھو ی کی اقتدا میں اداکی گئی ،جس میں تمام مکاتب فکر اورسیاسی ومذہبی جماعتوں کے راہنماؤں سمیت ہزاروں لوگوں نے شرکت کی۔انہیں انکے آبائی گاؤں53 گ ب منصور پور جڑانوالہ میں سپردخاک کردیا گیا۔
انہوں نے لواحقین میں دوبیٹیوں کو سوگوار چھوڑا۔ وہ برصغیر کے معروف راہنماؤں مولانا ابوالکلام آزاد، مولانا داود غزنوی، مولانا ابوالاعلی مودودی ،مولانا اسماعیل سلفی ،مولانا معین الدین لکھوی کے معاصرین میں سے تھے۔ہندوستان کے سابق صدر گیانی ذیل سنگھ کے ذاتی دوست بھی تھے۔(جاری ہے)
انہوں نے دینی اورتاریخی موضوعات کے علاوہ مختلف شخصیات کے بارے میں 40 کے قریب کتابیں لکھیں۔
انکی شہرہ آفاق تصنیف’ سات جلدوں پر مشتمل ’ تاریخ فقہائے ہند“ ہے۔ مولانا اسحق بھٹی15 مارچ1925 ء کو کوٹ کپورہ فریدکورٹ میں پیدا ہو ئے۔1947 میں وہ ہندوستان سے ہجرت کرکے پاکستان آگئے۔وہ تحریک آزادی کے دوران1939 میں فیروز پور جیل میں قید بھی رہے۔ ان کی نماز جنازہ میں لیاقت بلوچ،حافظ عبدالغفار روپڑی، رانا شفیق پسروری، ڈاکٹر عبدالغفور راشد، ڈا کٹر عظیم الدین لکھوی، حافظ صلاح الدین یوسف، حافظ احمد شاکر، مولانا عبدالرشید راشد ہزاروی، سید جیند غزنوی، قاری یعقوب شیخ، میاں محمد جمیل،ڈاکٹر تنویرقاسم حافظ طلحہ سعید، رانا نصراللہ خاں، مولانا مبشر مدنی، حافظ اسرائیل فاروقی ،ابوبکر قدوسی،سمیت اہم شخصیات نے شرکت کی۔دریں اثناء مرکزی جمعیت اہل حدیث پاکستان کے امیر پروفیسر ساجد میر، ناظم اعلی ڈاکٹر حافظ عبدالکریم، جماعة الدعوة کے امیر پروفیسر حافظ محمد سعید، مرکزی جمعیت اہل حدیث برطانیہ کے سیکرٹری حافظ حبیب الرحمن، مرکزی جمعیت اہل حدیث ہندوستان کے راہنماؤں نے مولانا بھٹی کی وفات پر گہرے دکھ اور افسوس کا اظہار کیا ہےمتعلقہ عنوان :
مزید قومی خبریں
-
گورنرسندھ کامران خان ٹیسوری سے انڈونیشیا کے قونصل جنرل کی ملاقات
-
گورنرسندھ کامران خان ٹیسوری سے وفاقی وزیر داخلہ محسن نقوی کی ملاقات
-
گورنر پنجاپ سے پاکستان یوتھ پارلیمنٹ کی25رکنی وفد کی ملاقات
-
وزیراعلیٰ مریم نوازشریف کی تونسہ کے نواحی جھنگی چیک پوسٹ پر دہشتگردوں کے حملے کی شدید مذمت،حملہ ناکام بنانے پر پولیس کو شاباش
-
ظلم کے خلاف اور عادلانہ نظام کے لیے جدوجہد جھاد ہے،سراج الحق
-
گورنرسندھ کامران خان ٹیسوری سے انڈونیشیا کے قونصل جنرل کی ملاقات
-
کوئی بات ہوگی تو سب کے سامنے ہوگی ،کسی سے چھپ کر نہیں ،علی امین گنڈا پور
-
وزیراعلیٰ سندھ سید مراد علی شاہ سے چیئرمین ایس آر بی واصف میمن کی ملاقات
-
ملک میں استحصالی طبقہ متحد، مزدور، کسان اور عوام تقسیم ہیں،حافظ نعیم الرحمن
-
چوہدری محمد سرور سیاسی منظر نامے سے غائب ہو گئے
-
سعدیہ سہیل رانا نے استحکام پاکستان پارٹی کو خیر باد کہہ دیا
-
وزیراعلیٰ مریم نوازکی (کل )افضل تارڑ مرحوم کی رہائشگاہ آمد متوقع
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.