پی آئی اے کے اثاثے کوڑیوں کے مول فروخت کرنے کی کوشش ناکام بنائیں گے ۔ سردار حسین بابک
اگر پی آئی اے کے اثاثوں کی نجکاری ضروری ہے تو اس کا آغاز پنجاب سے کیا جائے۔۔عوامی نیشنل پارٹی کے صوبائی جنرل سیکرٹری و پارلیمانی لیڈرکابیان
جمعرات 14 جنوری 2016 19:20
پشاور(اُردو پوائنٹ اخبارتازہ ترین - این این آئی۔14 جنوری۔2016ء) عوامی نیشنل پارٹی کے صوبائی جنرل سیکرٹری و پارلیمانی لیڈر سردار حسین بابک نے پی آئی کی ممکنہ نجکاری کی صورت میں خیبر پختونخوا میں پی آئی اے کی اراضی اور اثاثے کوڑیوں کے مول فروخت کئے جانے کے انکشاف پر تشویش کا اظہار کرتے ہوئے معاملے کی تحقیقات کا مطالبہ کیا ہے ،اے این پی سیکرٹریٹ سے جاری بیان میں سردار حسین بابک نے کہا کہ پشاور میں پی آئی اے کی اراضی کی قیمت اربوں روپے ہے جبکہ اسے صرف چند کروڑ روپے میں فروخت کرنے کی تیاری کر لی گئی ہے جو قوم کی دولت لوٹنے کا ایک نیا حربہ ہے ، انہوں نے کہا کہ وفاقی حکومت خیبر پختونخوا کے عوام کو لوٹنے کا کوئی موقع ہاتھ سے نہیں جانے دے رہی تاہم اے این پی اس قسم کی کسی بھی کوشش کے خلاف مزاحمت کرے گی ، سردار حسین بابک نے کہا کہ وفاقی حکومت خیبر پختونخوا میں پی آئی اے کی اراضی صوبائی حکومت کو فروخت کرے اور صوبائی حکومت اس کی موجودہ مارکیٹ ریٹ کے مطابق قیمت وصول کرے ، انہوں نے اس امر پر بھی تشویش کا اظہار کیا کہ 1988میں پشاور اور صوبے کے دیگر اضلاع میں پی آئی اے کی اراضی کا جو تخمینہ لگایا گیا وہ آج بھی وہی ظاہر کیا جا رہا ہے حالانکہ ان اثاثو ں کی مالیت اربوں روپے تک پہنچ چکی ہے ، انہوں نے کہ وفاقی حکومت قومی خزانہ دونوں ہاتھوں سے لوٹ رہی ہے جس کا واضح ثبوت آئی ایم ایف کی جانب سے گزشتہ روز آنے والی رپورٹ ہے جس میں کہا گیا ہے کہ حکومتی قرضوں کے باعث بجٹ خسارہ انتہا کو پہنچ چکا ہے،انہوں نے کہا کہ پی آئی کے اثاثوں کی نجکاری کا عمل پنجاب سے شروع کیا جائے اور خیبر پختونخوا میں ادارے کی اراضی کی فروخت کی ذمہ داری صوبائی حکومت کے حوالے کی جائے۔
مزید اہم خبریں
-
چین میں پاکستان کیلئے تیار ہونے والی پہلی ہنگور کلاس آبدوز کا افتتاح
-
غیر قانونی بھرتیاں کیس، پرویزالٰہی کی درخواست ضمانت 2مئی کو سماعت کیلئے مقرر
-
نوجوانوں کیلئے متعین کوٹے پر عملدرآمد یقینی بنایا جائے ،وزیراعلیٰ گلگت بلتستان کا وزیراعظم شہباز شریف کو خط
-
جب تک پنجاب حکومت گندم نہیں خریدے گی مسئلہ حل نہیں ہوسکتا
-
چیف جسٹس قاضی فائزعیسیٰ کی مزارقائد پرحاضری ، فاتحہ خوانی ،تاثرات قلمبند کئے
-
چیف جسٹس کی سربراہی میں 3 رکنی بینچ نے 5 دن میں 46 کیسز نمٹا دیے
-
ساڑھے 7 ہزار پیف پارٹنر سکولز بند ہونے کا خدشہ
-
وزیرستان میں تعینات سیشن جج شاکر اللہ مروت کو نامعلوم افراد نے اغواء کرلیا
-
اسٹیبلیشمنٹ سے بات ہو گی تو صرف اس لیے کہ اسٹیبلیشمنٹ اپنے آئینی کردار سے باہر نہ نکلے
-
سیاسی مذاکرات کا دروازہ بند کرکے سِول ملٹری اسٹیبلشمنٹ کو طاقتور بنایا جارہا ہے
-
امریکہ کے بعد فرانسیسی یونیورسٹی میں بھی فلسطینیوں کی حمایت میں احتجاج
-
غزہ میں امداد پہنچانے کے لیے برطانوی فوج خدمات فراہم کر سکتی ہے، رپورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.