وزارت قومی صحت اور نادرا مابین وزیراعظم نیشنل ہیلتھ پروگرام کے سینٹرل مینجمنٹ اطلاعاتی نظام کی دیکھ بھال کے معاہدہ پر دستخط
جمعرات 28 جنوری 2016 22:02
اسلام آباد(اُردو پوائنٹ اخبارتازہ ترین - آئی این پی۔29 جنوری۔2016ء) وزیرمملکت نیشنل ہیلتھ سروسز،ریگولیشنز اینڈکوارڈینیشن سائرہ افضل تارڑنے کہاہے کہ وزیراعظم کے نیشنل ہیلتھ پروگرام کے ذریعے پاکستان کے غریب عوام تک صحت کی درکارطبی نگہداشت کی سہولیات مرحلہ وارپروگرام کے تحت نقدی کے بغیر پہنچائی جارہی ہیں۔اس سکیم کے ذریعے غریبوں کو ثانوی علاج معالجہ کے لئے مفت طبی نگہداشت اورعلاج کی سہولتیں فراہم کی جائیں گی اورکسی قسم کی مالی رقوم دیئے بغیرصرف ہسپتالوں میں داخلہ دیااورعلاج کیاجائے گا۔
پروگرام سے استعفادہ کرنے والوں میں پاکستان کے ایسے غریب گھرانے شامل ہیں جن کی روزانہ آمدن200روپے سے بھی کم ہے۔وزیراعظم کا نیشنل ہیلتھ پروگرام2016ء کے وسط تک کئی اضلاع تک پھیلادیا جائے گا۔(جاری ہے)
اس پروگرام کی مجموعی حکمت عملی کے تحت استعفادہ کرنے والوں کا اندراج،سروسز کی فراہمی،رپورٹنگ مانیٹرنگ اورڈیٹا کی آڈیٹنگ وغیرہ جیسے عوامل شامل ہیں۔
اس نظام میں بے جادخل اندازی اورسرکاری شعبہ کے خزانے کے غلط استعمال روکنے کے لئے حقیقی اوربروقت ملنے والی اطلاعات کی روشنی میں فوری فیصلے کرنے کی ضرورت ہے۔آج وزارت نیشنل ہیلتھ سروسزریگولیشن اینڈکوارڈینیشن اورنیشنل ڈیٹابیس رجسٹریشن اتھارٹی نادرا کے مابین وزیراعظم کے نیشنل ہیلتھ پروگرام کے سینٹرل مینجمنٹ اطلاعاتی نظام کا بنانا اوردیکھ بھال کے لئے معاہدوں پر دستخط ہوئے ہیں۔اس معاہدے پر چیئرمین نادرہ عثمان یوسف مبین اورسیکرٹری وزارت نیشنل ہیلتھ سروسز ریگولیشن اینڈکوارڈینیشن محمد ایوب شیخ نے وزیرمملکت برائے نیشنل ہیلتھ سروسزسائرہ افضل تارڑ کی موجودگی میں دستخط کئے۔ اس معاہدہ کے ذریعے نادرا وزیراعظم کے نیشل ہیلتھ پروگرام کا اپنی نوعیت کا شاہکار مینجمنٹ اطلاعاتی نظام بنائے گا۔معاہدہ کے مطابق نادراپروگرام کاایک ڈیش بورڈ بھی بنائے گا جس کے ذریعے فیصلہ سازی کرنے والوں کو پروگرام کے تمام پہلوؤں کے بارے میں بروقت اطلاعات ملیں گی۔نادرااس معاہدہ کے ذریعے پروگرام کا آئی ٹی ڈھانچہ جاتی انفراسٹرکچر بنائے گا اور اس انفراسٹرکچر کی تین سال تک دیکھ بھال کرے گا اس موقع پر وزیرمملکت سائرہ افضل تارڑ نے مختصرطورپر بتایاکہ وزیراعظم پاکستان کے ویژن کے مطابق غریب ترین اورپاکستان کے پسے ہوئے عوام کو علاج معالجہ کی بہتر سہولیات فراہم کی جائیں گی۔انہوں نے آخر میں چیئرمین نادرا اوران کی ٹیم کو سراہا جس نے اس نظام کی تیاری کے لئے کئی دنوں تک کام کیامزید اہم خبریں
-
یواےای میں سفیر پاکستان فیصل نیاز ترمذی کی راس الخیمہ کے حکمران شیخ بن صقر القاسمی سے ملاقات
-
کسانوں کا آئندہ سال گندم کی فصل کاشت نہ کرنے کا عندیہ
-
حکومت کا پٹرولیم مصنوعات کی قیمتوں میں کمی کا اعلان
-
ججز خط پر عدالتی سماعت کے دوران چیف جسٹس سپیرم کورٹ کا طرزِعمل مایوس کن رہا
-
تحریک انصاف کا مولانا فضل الرحمان سے فوری رابطے کا فیصلہ
-
بشریٰ بی بی کو زہر دینے کے شواہد نہیں ملے، عدالت نے درخواست نمٹا دی
-
پی ٹی آئی نے اسٹیبلشمنٹ سے بات ہی کرنا تھی تو حملے کی کیا ضرورت تھی ‘ سپیکرملک احمد خان
-
اوگرا نے ایل پی جی کے 11.8 کلو گرام سلنڈر کی قیمت میں 140.88 روپے کمی کردی
-
مزدور اور محنت کش طبقہ ملک کی تعمیر و ترقی میں ریڑھ کی ہڈی کی حیثیت رکھتا ہے ، مزدور طبقے کے حقوق کا تحفظ ملک کی تعمیر و ترقی کے لئے ناگزیر ہے، سردارایازصادق
-
ہماری کمزوری ہے کہ فیض آباد دھرناکیس کے ذمہ داروں کو سزا نہیں دے سکے
-
بانی پی ٹی آئی اور شاہ محمود قریشی کی سائفر کیس میں اپیلوں پرایف آئی اے کے دلائل مکمل نہ ہو سکے
-
سینیٹرفیصل واوڈا نے آرٹیکل 19 اے کے تحت معلومات کی فراہمی کیلئے رجسٹرار اسلام آباد ہائیکورٹ کو درخواست دے دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.