وفاقی دارالحکومت میں پھولوں اور پرندوں کو محفوظ بنانے کیلئے خصوصی انتظامات کئے گئے ہیں،چیئرمین سی ڈی اے
پیر 21 مارچ 2016 22:49
اسلام آباد ۔ 21 مارچ (اُردو پوائنٹ اخبارتازہ ترین - اے پی پی۔21 مارچ۔2016ء) اسلام آباد کی قدرتی خوبصورتی کو بڑھانے اور اس کے تحفظ کیلئے موثر نگرانی اور دیکھ بھال سے نئے لگائے جانے والے پودوں کی بقاء کو یقینی بنایا جا سکے گا اور قدرتی ماحول پر توجہ کے ذریعے خصوصاً مارگلہ ہلز نیشنل پارک کے قدرتی ماحول کو محفوظ بنایا جا سکتا ہے۔ اس ضمن میں دارالحکومت میں پھولوں اور پرندوں کو محفوظ بنانے اور تحفظ فراہم کرنے کیلئے بھی خصوصی انتظامات کئے گئے ہیں۔
ان خیالات کا اظہار چیئرمین سی ڈی اے معروف افضل نے بین الاقوامی جنگلات کے دن کے موقع پر کیا۔ چیئرمین سی ڈی اے معروف افضل نے اپنے پیغام میں اس بات پر زور دیا ہے کہ موسمیاتی تبدیلیوں کے پیش نظر نہ صرف زمین کی موجودہ سر سبزی اور شادابی کو بچایا جانا مقصود ہے بلکہ مستقبل میں اس کو بڑھانا بھی ضروری ہے۔(جاری ہے)
انہوں نے کہا کہ جنگلات کے تحفظ کیلئے مشترکہ کوششیں درکار ہیں۔
انسانی اور دیگر وذرائع سے پیدا ہونے والی کاربن ڈائی آکسائیڈ کووسیع جنگلات کے ذریعے ہی فضاء میں یکسانیت لائی جا سکتی ہے۔ انہوں نے کہا کہ بہتر اور بڑے جنگلات سے ہی قدرتی طوفانوں و تباہیوں پر قابو پایا جا سکتا ہے۔ انہوں نے کہا کہ حال ہی میں شروع کی جانے والی شجر کاری میں تقریباً3 لاکھ پودے اسلام آباد شہر کے مختلف علاقوں میں لگائے جائیں گے اور بین الاقوامی ضرورت کے پیشِ نظر تقریباً 4 لاکھ 50 ہزار پودے مختلف تنظیموں اور شراکت داروں کے ساتھ مل کر لگائے جا نے کا انتظام کیا جا رہا ہے۔ اس سلسلے میں انہوں نے کہا کہ مختلف طبقوں سے خصوصاً مختلف تعلیمی اداروں سے طالبعلموں کو شامل کر کے شجر کاری مہم کے دوران شہریوں کو معلومات فراہم کی جا رہی ہیں۔ انہوں نے کہا کہ مارگلہ ہلز کے حیات اور نباتات کی حفاظت کے لیے خصوصی کوششیں کی جا رہی ہیں۔ جنگلات کے عالمی دن کے حوالے سے سی ڈی اے نے مختلف اداروں کے ساتھ مل کر آگاہی واکس اور دیگر تقریبات کا اہتمام کیا۔متعلقہ عنوان :
مزید اہم خبریں
-
بھارت اور پاکستان ایک دن آزاد ہوئے آج وہ سپرپاور بننے کے خواب دیکھ رہا ہے اور ہم دیوالیہ پن کا شکار ہیں
-
گرمیوں میں سردی والا موسم، کئی سیاحتی مقامات پر برفباری سے سردی لوٹ آئی
-
خیبرپختونخواہ میں بلدیاتی ضمنی الیکشن، تحریک انصاف کلین سوئپ کرنے میں کامیاب
-
مرغی کے گوشت کی قیمت 1200 روپے کی ہوشربا سطح تک پہنچ گئی
-
نوازشریف کے پارٹی صدر بننے کا مطلب مزاحمتی بیانیہ نہیں ہے
-
موبائل ایپ پاک حج سے تمام انتظامات پیپر لیس کر دیے ، رہنمائی اور شکایات مکمل آٹومیٹ ہونگی
-
آرمی چیف سے ترک کمانڈر جنرل کی ملاقات، دفاعی تعلقات مضبوط بنانے کا عزم
-
آرمی چیف جنرل سید عاصم منیر سے ترک بری افواج کے کمانڈر جنرل سیلکوک بیریکتر اوغلو کی ملاقا ت، باہمی دلچسپی کے امور اور دوطرفہ دفاعی تعاون کو مزید بڑھانے کے اقدامات پر تبادلہ خیال
-
آرامکو نے گو پٹرولیم کے 40 فیصد حصص کا حصول کر لیا
-
صدر آصف علی زرداری نی ترک بری افواج کے کمانڈر ،جنرل سیلکوک بایراکتار اوغلو کو نشان پاکستان (ملٹری) سے نوازا
-
غزہ میں مستقل امن قائم کیے بغیر دنیا میں امن قائم نہیں ہو سکتا ، شہبازشریف
-
آئی ایم ایف نے پاکستان کیلئے 1.1 ارب ڈالر قسط کی منظوری دے دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.