قبائل پاکستان کی شہ رگ ہیں، مولانا حمید الحق
شمالی وزیر ستان میں آپریشن اور قبائلیوں کو بے گھر کرنا امریکہ کو خوش کرنے کیلئے پاکستان کی حفاظتی دیورایں توڑنے کی کوشش تھی ،مرکزی نائب امیر جے یو آئی (س)
جمعرات 7 اپریل 2016 22:15
بنوں (اُردو پوائنٹ اخبارتازہ ترین - آن لائن۔07 اپریل۔2016ء ) جمعیت علماء اسلام (س) کے مرکزی نائب امیر سابق ایم این اے مولانا حمید الحق نے کہا ہے کہ قبائل پاکستان کی شہ رگ ہیں شمالی وزیر ستان میں آپریشن کرانا اور قبائلیوں کو گھروں سے بے گھر کرنا امریکہ کو خوش کرنے کیلئے پاکستان کے حفاظتی دیواروں کو توڑنے کی کوشش تھی۔
(جاری ہے)
ان کے دلوں سے پیغمبر اسلام کی محبت و دین اسلام کو نکالنے کیلئے مختلف خربے استعمال کئے جا رہے ہیں دہشت گردی صرف وزیر ستان میں نہیں بلکہ پورے پاکستان میں ہیں تو آخر کار ا ن قبائلیوں کو ہی نشانہ کیوں بناکر مظالم کئے گئے جس کی وجہ سے قوم کی مائیں ،بہنیں اور بیٹیاں خیموں میں زندگی گزارنے پر مجبور ہیں لاکھوں تاجروں کا اربوں روپے کا نقصان ہواانکے املاک و اموال لوٹ لئے گئے قبائلی لوگ پاکستان کے حصار ہیں ان کو دنیا کی کوئی طاقت ختم نہیں کر سکتی ان خیالات کا اظہار انہوں نے اڈیٹوریم ہال بنوں میں شمالی و زیر ستان کے مشران جرگہ سے خطاب کرتے ہوئے کیا اس موقع پر جے یو آئی ( س) کے مرکزی جنرل سیکرٹری مولانا عبدالروف فاروقی ،صوبائی آمیر مولانا سید یوسف شاہ ،صوبائی جنرل سیکرٹری مولانا اسرائیل ،شمالی وزیر ستان کے آمیر مولانا عبدالحئی حقانی ،ملک شہزادہ خان اور ملک اورنگزیب خان نے بھی خطاب کیا انہوں نے کہا کہ جب امریکہ پاکستان میں ڈرون حملوں کے ذریعے دہشت گردی کر رہا تھا تو پاکستان کے حکمرانوں نے کہا کہ یہ بین القوامی فیصلہ ہے ہمیں یہ روکنے کا اختیار نہیں لیکن آج تواختیار میں ہو کر بھی اپنے ہی ہاتھوں سے ان قبائلیوں کے گھر اجاڑ دیئے گئے انہوں نے کہا کہ شمالی وزیر ستان کے قبائلیوں نے پاک فوج کی ایک کال پر امن کے قیام کیلئے ملک وقوم کی خاطر قربانی دی اور بے سر و سامانی کی حالت میں گھروں کو چھوڑ کر خیموں میں آباد ہو گئے طرح طرح کی آفتوں او ر مصیبتوں کا سامنا کیا لیکن ان کی قربانیوں کا آج یہ صلہ دیا جا رہا ہے کہ وہاں ان کے گھروں ،مارکیٹوں ،دکانوں کو مسمار کر دیا گیا ان کے گھروں دکانوں میں پڑے اربوں روپے کا سامان لوٹ کر کباڑ کی صورت میں فروخت کیا جانے لگا ہے اب قبائلیوں کی بحالی کے کھوکھلے دعوے کئے جا رہے ہیں لیکن حقیقت میں حکومت کا قبائلیوں کی بحالی کیلئے کوئی منصوبہ نہیں چند خاندانوں کو زندہ لاشوں کی شکل میں شمالی وزیر ستان بھیجا جا رہا ہے جہاں رہنے کیلئے ان کے پاس گھر ہیں نہ کھانے پینے کی سہولیات موجود ہیں یہ موجودہ حکومت کی نا اہلی ہے انہوں نے کہا کہ جمعیت علماء اسلام (س) ملک میں خدمت کی سیاست کر رہی ہے جب سے قبائلی لوگ گھروں سے بے سر و سامانی کی حالت میں نکلے پہلے روز سے ہی جے یو آئی (س) ان کے ساتھ کھڑی ہے اور ان کے ہر دکھ درد میں شریک رہی ملک کے تمام سیاسی پارٹیوں نے فوٹو سیشن کرکے ان لوگوں کو مصیبت کے وقت میں اکیلا چھوڑ دیا اگر سیاسی جماعتیں چاہے کہ شمالی وزیر ستان آئی ڈی پیز کے مسائل حل اور وہ باعزت طور پر واپس ہو کر بحال ہو جائیں تو سارے ایک جگہ بیٹھ کر ایک روز میں ان کے مسائل حل کر سکتے ہیں لیکن وہ ایسا نہیں چاہتے انہوں نے مطالبہ کیا کہ قبائلی لوگ محب وطن ہیں انہوں نے ہر دور میں ملک و قوم کیلئے قربانیاں دی ہیں ان کو ان کا حق دیا جائے جلد ازجلد باعزت طور پر واپسی یقینی بناکر بحال کیا جائے اور ان کے اربوں روپے کے نقصانات کا ازالہ کیا جائے کہیں ایسا نہ ہو کہ ان لوگوں کے صبر کا پیمانہ لبریز ہوجائے اور حق نہ ملنے پر حق چھیننے پر اُ تر آئیں اور واشنگٹن سے مسلط کئے گئے فیصلوں کے خلاف بغاوت نہ کر لیں جے یو آئی (س) کے مرکزی و صوبائی قائدین نے شمالی وزیر ستان کے مشران کو یقین دلایا کہ جب تک وہ مکمل طور پر بحال نہیں ہو جاتے جے یو آئی (س) ہر میدان پر ان کے ساتھ کھڑی رہے گی اور ان کے حقوق کی آواز بلند کرے گی
مزید قومی خبریں
-
یوم مزدور منانے کا مقصد شکاگو کے محنت کشوں کی جدوجہد کو یاد کرنا ، ملکی معیشت میں اس طبقے کا کردار ریڈھ کی ہڈی کی حیثیت رکھتا ہے، نواب ثنااللہ زہری
-
نائب وزیر اعظم اور وزیر خارجہ اسحاق ڈار او آئی سی کے 15 ویں سربراہی اجلاس میں شرکت کے لئے گیمبیا پہنچ گئے
-
حکومت محنت کشوں کی فلاح پر توجہ مرکز کیے ہوئے ہے‘ چودھری شافع حسین
-
پشاور میں آٹے کی قیمت مزید کم ہوگئی
-
محنت کش طبقے کی عزت و وقار اور حقوق کے تحفظ کے بغیر ترقی و خوشحالی کا خواب شرمندہ تعبیر نہیں ہو سکتا، وزیراعلیٰ خیبر پختونخوا علی امین گنڈا پور
-
ہمارا مذہب مزدور اور محنت کش طبقے کے حقوق کے تحفظ کا ضامن، ملکی تعمیر و ترقی انہی کی انتھک محنت کی مرہون منت ہے،سپیکر قومی اسمبلی سردار ایاز صادق کا پیغام
-
سندھ حکومت صنعتی و زرعی مزدوروں، خواتین ورکرز اور ہاریوں کی ترقی کے لئے پروگرام شروع کر رہی ہے،وزیراعلی ٰ سید مراد علی شاہ
-
پی ٹی آئی اور مولانا اکٹھے ہوگئے تو حکومت تین سے چار ماہ سے زیادہ نہیں چلے گی،فواد چودھری
-
اسٹیبلشمنٹ سے مذاکرات سب کے سامنے ہوں گے، کوئی پوشیدہ بات نہیں ہوگی، علی امین گنڈاپور
-
مرضی کے فیصلوں کیلئے ججوں پر دبائو بڑھایا جارہا ہے، شعیب شاہین
-
نارنگ منڈی، جہیز میں گاڑی نہ لانے کا رنج ، شوہر نے فائرنگ کر کے بیوی کو قتل کر دیا
-
وزیر اعلیٰ مریم نواز (کل )30 سے زائد فیلڈ ہسپتالوں کا افتتاح کریں گی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.