قرآن کو پڑھنا سننا اورسمجھنا اﷲ کے نزدیک افضل ترین عبادت ہے ، قرآن کریم کی اشاعت و تجوید کے لئے سعودی عرب کی کوششیں قابل ستائش ہیں ،برادر اسلامی ملک کی پاکستان کے استحکام کیلئے کوششوں کو ہمیشہ قدر و منزلت سے دیکھا جاتا ہے
معروف سیاسی و سماجی شخصیت ڈاکٹر جمال ناصر کا تیرہویں سالانہ آل پاکستان مقابلہ حفاظ قرآن کی افتتاحی تقریب سے خطاب
منگل 3 مئی 2016 18:08
اسلام آباد(اُردو پوائنٹ اخبارتازہ ترین - آئی این پی۔03 مئی۔2016ء) معروف سیاسی و سماجی شخصیت ڈاکٹر جمال ناصر نے کہاہے کہ قرآن کو پڑھنا سننا اورسمجھنا اﷲ کے نزدیک افضل ترین عبادت ہے اور وہ لوگ جو اﷲ تعالیٰ کے اس تحفے کو حفظ کر لیتے ہیں وہ خدا کے پسندیدہ بندے بن جاتے ہیں ، قرآن کریم کی اشاعت و تجوید کے لئے سعودی عرب کی کوششیں قابل ستائش ہیں اور برادر اسلامی ملک کی پاکستان کے استحکام کیلئے کوششوں کو بھی ہمیشہ قدر و منزلت کی نگاہ سے دیکھا جاتا ہے ۔
وہ منگل کو یہاں فیصل مسجد میں سعودی عرب کی ذیلی تنظیم انٹر نیشنل آرگنائزیشن برائے تحفیظ قرآن کریم کے زیر اہتمام تیرویں سالانہ آل پاکستان مقابلہ حفاظ قرآن کی افتتاحی تقریب کے شرکاء سے بطور مہمان خصوصی خطاب کررہے تھے ۔(جاری ہے)
انہوں نے کہا کہ سعودی عرب پاکستان میں فلاحی خدمات رنگ و نسل اور مذہب سے بالاتر ہوکرصرف خدمت انسانیت کے پیش نظر جاری رکھے ہوئے ہے ۔
رابطہ عالم اسلامی اور انٹر نیشنل آرگنائزیشن برائے تحفیظ قرآن کریم قرآن کی اشاعت وتجوید میں بھرپور معاونت کر رہے ہیں ۔ انہوں نے مزید کہا کہ سعودی عرب اور پاکستان کے مابین گہرے برادرانہ اور دوستانہ تعلقات کی تمام اہل پاکستان دل سے قدر کرتے ہیں اور پاکستان کی ترقی کے لئے سعودی عرب کی خدمات کو بے حد سراہتے ہیں۔ اس مو قع پر ڈائریکٹر جنرل رابطہ عالم اسلامی ڈاکٹر عبدہ محمد بن عتین نے خطاب کرتے ہوئے کہا کہ رابطہ عالم اسلامی دُنیا بھر میں اسلام کی اشاعت و ترویج کے لئے بھرپور خدمات سر انجام دے رہا ہے ۔پاکستان میں ہر سال پچاس سے زائد حفاظ القرآن بچوں کو تعریفی اسناد اور انعامات سے نوازنے کے علاوہ ان بچوں کو عمرہ کے لئے سعودی عرب بجھوایا جاتا ہے ۔جس سے ان میں اسلامی تعلیمات کو مزید سیکھنے کا جوش و جذبہ بڑھتا ہے۔تقریب میں محمد جاوید بٹ ڈپٹی ڈائریکٹر،قاری محمد اخلاق مدنی امام فیصل مسجد، قاری محمد یوسف چئیرمین امتحان کمیٹی و انچارج حلقات قرآنیہ پاکستان ، قاری عبد الغفور، قاری محمد بشیر، قاری عبدالصمد بھی موجود تھے۔مزید اہم خبریں
-
لاہور میں فوڈ رائیڈر جلد ڈیلیوری کے چکر میں 28 ای چالان کروا بیٹھا
-
کسانوں نے گندم کی خریداری میں تاخیر پر احتجاج کا دائرہ کار بڑھا دیا
-
ججز خط کیس؛ عدلیہ میں مبینہ مداخلت پر حکومت اور ایجنسیوں سے تفصیلی جواب طلب
-
امریکہ نے سعودی عرب کے ساتھ دفاعی معاہدے کو اسرائیل کے ساتھ تعلقات سے مشروط کردیا
-
وزیراعظم شہبازشریف عالمی اقتصادی فورم کے خصوصی اجلاس میں شرکت کے بعد وطن واپس روانہ
-
ہمیں ایک ہائی سکیورٹی رسک ملک و قوم کا منفی تاثر زائل کرنا ہوگا، احسن اقبال
-
پاکستان تحریک انصاف کے انٹرا پارٹی الیکشن پر اعتراض ‘الیکشن کمیشن نے اعتراضات پر جواب جمع کروانے کی ہدایت کردی
-
ویوو Y100 کی برانڈ ایمبیسیڈر کے طور پر دُرفشاں سلیم کو متعارف کردیا گیا
-
امریکہ: فائرنگ میں تین پولیس افسران ہلاک، پانچ زخمی
-
غزہ: فائر بندی اور یرغمالیوں کی رہائی کے لیے مذاکرات
-
خیبرپختونخوا میں ’پاکستان ڈیجیٹل سٹی‘ کے قیام کے معاہدے پر دستخط
-
اگر میرے کام میں مداخلت ہو اور میں روک نہ سکوں تو مجھے گھر چلے جانا چاہیے.جسٹس قاضی فیض عیسی‘سب کو معلوم ہے کہ سچ کیا ہے لیکن بولنے کی ہمت کوئی نہیں کررہا.جسٹس اطہر من اللہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.