عوامی تحر یک کے سنٹرل کور کمیٹی کے اجلاس میں لوڈ شیڈنگ اور مہنگائی میں اضافہ کے خلاف قرارددیں منظور کی گئیں
جدہ کی سٹیل مل کامیابی سے چلانیوالے پاکستان کی ہر مل دیوالیہ کرنے کے ذمہ دار ہیں‘ حکمران خاندان پانامہ لیکس کی روشنی میں خود کو احتساب کیلئے پیش کرے‘وزیر اعظم احتساب سے بچنے کیلئے شہر شہر گھوم رہے ہیں ، 30 سال سے خوشحالی کے دعوے کئے جا رہے ہیں ‘،ڈاکٹر طاہر القادری
جمعہ 6 مئی 2016 22:57
لاہور ( اُردو پوائنٹ اخبارتازہ ترین - آئی این پی۔06 مئی۔2016ء ) پاکستان عوامی تحریک کے قائد ڈاکٹر محمد طاہر القادری نے کہا ہے کہ وزیر اعظم اپنی تقریروں میں ہر بات کرتے ہیں مگر پانامہ لیکس کے انکشافات کا جواب نہیں دیتے ، حکمرانوں کی خدمات غیر ملکی بنک بھرنا اور مشکوک دولت سے کھربوں کی جائیدادیں بنانا ہے،جدہ کی سٹیل مل کو کامیابی سے چلانے والے پاکستان کی ہر مل کو دیوالیہ کرنے کے ذمہ دار ہیں ۔
30سال پہلے پاکستان کو ایشیاء کا ٹائیگر بنانے کے دعوے کرنیوالے آج بھی وہی دعوے دھرا رہے ہیں ،غریب کو موٹر وے کے لالی پاپ نہیں بجلی،روزگار اورانصاف چاہیے ۔ 3سال قبل بھی مئی کے مہینے میں لوڈ شیڈنگ کا دورانیہ 16گھنٹے تھا آج بھی اتنا ہی ہے ، وزیر اعظم اپنے اور خاندان کے احتساب سے بچنے کیلئے شہر شہر بھاگ رہے ہیں۔(جاری ہے)
ظالم نظام اور نا اہل حکمرانوں کی وجہ سے ایبٹ آباد جیسے انسانیت سوز واقعات جنم لے رہے ہیں ۔
عنبرین کو زندہ جلانے والے ظالموں کو سخت ترین سزا دینے کا مطالبہ کرتے ہیں۔وہ مرکزی سیکرٹریٹ میں پاکستان عوامی تحریک کی سنٹرل ایگزیکٹو کونسل کے اجلاس سے ٹیلی فونک خطاب کر رہے تھے ۔اجلاس میں چیئرمین سپریم کونسل ڈاکٹر حسن محی الدین ،خرم نواز گنڈا پور،بشارت جسپال،فیاض وڑائچ، نور اللہ صدیقی ،ساجد بھٹی ،احمد نواز انجم ،قاضی فیض الاسلام و دیگر رہنماء موجود تھے،سنٹرل کور کمیٹی کے اجلاس میں ایک قرارداد کے ذریعے لوڈشیڈنگ اور اشیائے خوردو نوش کی قیمتوں میں اضافے کی مذمت کی گئی اور مطالبہ کیا گیا کہ حکمران خاندان پانامہ لیکس کے انکشافات کی روشنی میں خود کو احتساب کیلئے پیش کرے ۔ڈاکٹر طاہر القادری نے کہا کہ 21ویں صدی میں ایسے ظلم کا تصور بھی نہیں کیا جا سکتا ،لیکن غربت ،جہالت، پسماندگی ،دہشتگردی اور قوم پر مسلط نااہل حکمرانوں کی وجہ سے اس دور جدید میں بھی ایسے دل دہلا دینے والے واقعات سامنے آ رہے ہیں ۔متعلقہ عنوان :
مزید قومی خبریں
-
گورنر سندھ کامران خان ٹیسوری کی چاند پر پاکستانی سیٹلائٹ آئی کیوب قمر بھیجے جانے پر قوم کو مبارکباد
-
سٹی ٹریفک پولیس نے ای چالان ادا نہ کرنے والی متعدد گاڑیاں پکڑلیں، ای چالان نادہندہ گاڑیوں کے مالکان پولیس سروسز حاصل نہیں کرسکیں گے، ترجمان
-
وزیر اعلٰی بلوچستان میر سرفراز بگٹی کی زیر صدارت محکمہ خوراک کا اعلٰی سطحی جائزہ اجلاس، گندم خریداری پالیسی اینڈ پلان 2024 کا جائزہ لیا گیا
-
نجی بینک میں 5کروڑ روپے سے زائد جعلی کرنسی جمع کروانے والے 3ملازمین گرفتار
-
وزیر نجکاری عبد العلیم خان سے آذر بائیجان کے سفیر کی ملاقات ،ملکی و علاقائی صورتحال پر تبادلہ خیال
-
بس مجھے قتل کرنا رہ گیا ہے ،میں موت سے نہیں ڈرتا، عمران خان
-
تربت و گردونواح میں زلزلے کے جھٹکے ،کوئی جانی نقصان نہیں ہوا
-
انصاف پسند معاشرے کے لیے آزاد صحافت ضروری ہے، بیرسٹر مرتضی وہاب
-
چیئرمین پیپلزپارٹی بلاول بھٹو کی وزیراعظم ہاوس آمد ، وزیراعظم نے استقبال کیا اورحکومت میں شامل ہونے ایک بارپھردعوت
-
حریت فکر کا علم بلند کرنے والے ہر صحافی کو سلام: مریم نواز شریف
-
وزیراعلیٰ پنجاب مریم نوازکی خضدار بم دھماکے کی مذمت
-
پاسپورٹ دفاترمیں ایجنٹوں کیخلاف کریک ڈائون جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.