کویت مذاکرات یمن کے بحران کے حل کا آخری موقع ہے!
فریقین ماہ صیام سے قبل 50 فی صد قیدیوں کی رہائی پر متفق ہوگئے،اسماعیل الشیخ کی پریس کانفرنس
پیر 16 مئی 2016 18:04
صنعاء(اُردو پوائنٹ اخبارتازہ ترین - این این آئی۔16 مئی۔2016ء) یمن کے لیے اقوام متحدہ کے خصوصی ایلچی اسماعیل ولد الشیخ احمد نے کہا ہے کہ یمن کے بحران کے حل کے لیے کویت کی میزبانی میں ہونے والی بات چیت آخری موقع ہے۔ اگر یہ موقع ہاتھ سے نکل گیا تو دوبارہ ایسا موقع نہیں مل سکے گا۔ میڈیارپورٹس کے مطابق پریس کانفرنس سے خطاب کرتے ہوئے انہوں نے متحارب فریقین پر زور دیا کہ وہ یمن کو بحران سے نکالنے کے لیے اپنے موقف میں نرمی پیدا کریں۔
والد الشیخ کا کہنا تھا کہ آنے والے دن یمن بحران کے حل کے حوالے سے فیصلہ کن ہوسکتے ہیں۔ امن عمل جرات مندانہ فیصلوں کا متقاضی ہے۔ تمام فریقین ملک کو بحران سے نکالنے کیلیے اپنے موقف میں لچک دکھائیں۔ کچھ چیزیں امید افزاء ہیں جب کہ کچھ امور پریشان کن بھی ہیں۔(جاری ہے)
بحران کے حل کے لیے ہر ایک کو اپنے موقف سے پیچھے ہٹنا پڑے گا۔ایک سوال کے جواب میں یواین مندوب کا کہنا تھا کہ ہم حکومت اور باغیوں کے درمیان بات چیت کے دوران دونوں کے موقف میں ہم آہنگی پیدا کرنے کی کوشش کررہے ہیں۔
یمنی قوم کویت مذاکرات کی ناکامی کی متحمل نہیں ہوسکتی۔ کویت میں ہونے والی بات چیت آخری موقع ہے۔ اگر یہ موقع بھی ہاتھ سے گیا تو پھر بحران مزید گھمبیر ہوسکتا ہے۔اقوام متحدہ کے مندوب کا کہنا تھا کہ حکومت اور باغیوں کی قائم کردہ کمیٹیوں نے ماہ رمضان سے قبل 50 فی صد قیدیوں کی رہائی سے اتفاق کیا ہے۔ انہوں نے کہا کہ مذاکراتی کمیٹیوں نے قیدیوں کی رہائی کے لیے فہرستوں کا تبادلہ کیا ہے۔ اب آخری گیند مذاکرات کاروں کی کورٹ میں ہے۔ دیکھنا یہ ہے کہ وہ کس قدر دانش مندی اور امن پسندی کا مظاہرہ کرتے ہیں۔مزید بین الاقوامی خبریں
-
بنگلادیش کو تاریخ کے شدید ترین ہیٹ ویو کا سامنا
-
طیارے کے ٹوائلٹ میں لڑکی کی ویڈیو بنانے پرفلائٹ اٹینڈنٹ برطرف
-
امریکہ میں الٹی چلنے والی گاڑی سوشل میڈیا پر وائرل
-
امریکا میں شرح پیدائش کم ترین سطح پرآگئی
-
تصویر کو شاعری میں بدلنے والا کیمرا ایجاد کرلیا گیا
-
بھارت،اسپتال میں بچے کی پیدائش کا بڑا بل، ماں نے بچہ فروخت کردیا
-
جاپان کے جزائر بونین میں 6.9 شدت کا زلزلہ
-
سید ندیم رضا سرور کو آسڑیلیا میں لانگ ٹائم سروس ایوارڈ دیا گیا
-
60 سالہ خاتون نے مس بیوٹی کوئین کا خطاب جیت لیا
-
غزہ میں 37 ملین ٹن ملبے کا اندازہ، صفائی میں 14 سال لگیں گے، اقوام متحدہ
-
بھارت ، خاتون کی ناک کی کیل کا پیچ ڈھیلا ہوکرپھیپھڑے میں چلا گیا
-
جنگ بندی تجاویز پر اسرائیلی ردعمل موصول ہوا ہے،حماس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.