اگر غیر مقامی آبادکاری کو روکا جائے تو ملک خاص طور پر سندھ دہشت گردی سے پاک ہو سکتی ہے،امیر بھنبھرو
عالمی قوتیں ملک کو کمزور اور توڑنے کی سازشیں کررہی ہیں، غیر مقامی لوگوں کو سندھ سے نیکالی دیکر دہشتگردی کے وجود کو مٹایا جائے، سربراہ سندھ نیشنل پارٹی
بدھ 25 مئی 2016 21:38
کراچی(اُردو پوائنٹ اخبارتازہ ترین - این این آئی۔25 مئی۔2016ء) اگر غیر مقامی آبادکاری کو روکا جائے تو ملک خاص طور پر سندھ دہشت گردی سے پاک ہو سکتی ہے ،عالمی قوتیں ملک کو کمزور اور توڑنے کی سازشیں کررہی ہیں، غیر مقامی لوگوں کو سندھ سے نیکالی دیکر دہشتگردی کے وجود کو مٹایا جائے، سندھ کوئی عالمی یتیم خانہ نہیں ہے جو جس کو چاہئے یہاں آباد ہو جائے، سندھ میں غیروں کی آبادکاری کرکے سندھیوں کو اقلیت میں تبدیل کرنے والی سازش کو ہرگز کامیاب ہونے نہیں دیں گے، ان خیالات کا اظہار سندھ نیشنل پارٹی کے سربراہ امیر بھنبھرو، وائیس چیئرمین رمضان بلیدی ، مرکزی جنرل سیکریٹری ڈاکٹر اصغر ڈاہری اور امیر قمبرانی نے اپنے ایک مشترکہ پریس بیان میں کیا، پارٹی کے مرکزی رہنماؤں نے مزید کہا کہ پاکستان بننے کے وقت ہندستان سے آنے والے تمام مہاجرین کو سندھ میں آباد کیا گیا، اس وقت بھی پنجاب نے مہاجرین کو قبول نہیں کیا، جب مہاجرین لاہور اور پنجاب کے کچھ حصوں میں پہنچے تو پنجابی قومپرستوں نے انہیں "پاکستان ابھی آگے ہے" کہ کر سندھ کی طرف روانا کردیا پھر سندھ کے لوگوں نے انسانی ہمدردی کے تحت انہیں اپنی دلوں میں جگہ دی، لیکن ان مہاجرین نے جو سندھ اور سندھیوں کے ساتھ سلوک رکھا وہ کسی سے بھی ڈھکا چھپا نہیں، سندھ نیشنل پارٹی کے مرکزی رہنماؤں نے مزید کہا کہ ضیا کی مارشلا کے وقت افغانیوں سے لیکر آج تک سندھ غیر ملکیوں کا بوجھ اٹھاتی رہی ہے، غیرملکیوں کی آمد کا سلسلہ اب بھی جاری ہے، سندھ میں غیر مقامی لوگوں کی آبادی کے باعث امن وامان کی صورتحال تباہ ہو گئی ہے، منشیات کا سرعام استعمال اور دیگرمعاشرتی خرابیوں میں اضافہ ہو ا ہے، دہشتگردی سمیت دیگر جرائم کی وارداتوں میں بھی غیر مقامی لوگوں کا آتھ ہے، ایس این پی کے مرکزی رہنماؤں نے مزید کہا کہ غیر مقامی لوگوں کی آبادی کے باعث سندھیوں کو اقلیت میں تبدیل کرنے والی سازش کو ناکام بنانا، غیر مقامی لوگوں کو مزید آباد ہونے سے روکنا اور 40 لاکھ سے زائد غیرملکی اور غیر مقامی باشندوں کو سندھ سے نیکالی دلوانے کیلئے سندھ کے عوام، سول سوسائٹی اور قومپرست فریقین کو مل کر جدوجہد کرنی ہوگی، سندھ نیشنل پارٹی کے مرکزی رہنماؤں نے نواز حکومت اور ریاستی اداروں سے مطالبہ کیا کہ سندھ میں آباد 40 لاکھ غیر مقامی لوگوں کو فوری طور پر سندھ سے نیکالی دیکر سندھ کی سرحدوں کو مزید مضبوط کیا جائے اور افغان، بنگالی، برمی ودیگر غیر ملکی مہاجرین کو ملک سے نیکالی دی جائے تاکہ ملک دہشتگردی سے پاک ہو سکے۔
متعلقہ عنوان :
مزید اہم خبریں
-
پناہ گزینوں پر مشتمل ٹیم پیرس اولمپکس میں امید کا پیغام لے کر پہنچے گی
-
2 آٹو کمپنیوں نے گاڑیوں کی قیمتوں میں 15 لاکھ روپے تک کمی کر دی
-
یورپ سے پناہ کے متلاشی بچوں کو قید نہ کرنے کا مطالبہ
-
گندم یا چینی اسکینڈلز کی انکوائری کمیٹیوں میں ویسٹرن انٹرسٹ بیٹھا ہوا ہے
-
جنگ نے غزہ کی معیشت کو دو دہائیاں پیچھے دھکیل دیا، یو این ادارے
-
فیصل آباد میں کاوباری حالات سے تنگ شخص نے بیوی بچوں کو قتل کر ڈالا
-
پرویز الٰہی کی درخواست ضمانت منتقلی کیلئے فائل چیف جسٹس کو ارسال
-
چیف منسٹر پنک گیمز2024 کے انعامات ڈبل، انعام 50لاکھ سے بڑھا کرایک کروڑ روپے کرنے کا اعلان
-
حکومت کا ملک کو برآمدی مرکز میں تبدیل کرنے کا وسیع تر وژن ہے، وزیر مملکت برائے آئی ٹی شزہ فاطمہ سے گوگل فار ایجوکیشن ٹیم کی مقامی پارٹنر ٹیک ویلی پاکستان کے ہمراہ ملاقات
-
نیلم جہلم ہائیڈرو پاور پلانٹ سے بجلی کی پیداوار مکمل طور پر بند کر دی گئی
-
سپیکر قومی اسمبلی سردار ایاز صادق کا شیخ طہنون محمد بن النہیان کے انتقال پر اظہار تعزیت
-
صوبائی حکومتیں پٹرولیم مصنوعات کی قیمتوں میں کمی اور اشیائے خورد و نوش کے سرکاری نرخوں پر عملدرآمد یقینی بنانے کے لئے اقدامات کریں، وزیراعظم شہبازشریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.