امریکی ریاست ٹیکساس میں شدید بارشوں و سیلاب سے ہلاکتیں7 تک پہنچ گئیں

بدھ 1 جون 2016 14:01

ٹیکساس(اُردو پوائنٹ اخبارتازہ ترین - آئی این پی۔یکم جون۔2016ء ) امریکی ریاست ٹیکساس میں شدید بارشوں اور سیلاب سے ہلاک افراد کی تعداد 7ہوگئی، سیلابی صورتحال کے پیش نظر سیکڑوں افراد نقل مکانی پر مجبور ہیں۔غیر ملکی میڈیاکے مطابق امریکی ریاست ٹیکساس میں گزشتہ ہفتے سے جاری بارشوں اور سیلاب نے تباہی مچا دی ہے۔

(جاری ہے)

ہیوسٹن شہر سمیت مختلف علاقوں میں سیلابی صورتحال کے باعث نظام زندگی مفلوج ہے۔

کئی علاقے اب بھی پانی میں ڈوبے ہوئے ہیں، انسان تو انسان جانور بھی پریشان اور پناہ کی تلاش میں ہیں۔ واشنگٹن کاونٹی میں مختلف علاقوں میں حالیہ سیلاب کے دوران حادثات میں ہلاک افراد ہلاک 7ہو گئی ہے۔حکام نے 100سالہ تاریخ کے ممکنہ بدترین سیلاب کے پیش نظر دریائے برازوس کے قریبی علاقوں کے مکینوں کو گھر خالی کرنے کی ہدایت کردی ہے۔