قومی اثاثے ویادگار وزیر مینشن کی نئے سرے سے تزین وآرائش کی جائے، رہنما پاک سرزمین
قائداعظم محمدعلی جناح کی جائے پیدائش کے سامنے کچرے کے ڈھیرومنشیات کی کھلے عام فروخت پرشدید تشویش کا اظہار حکومت سندھ قومی اثاثے کے اطراف سے نشے کے عادی لوگوں کو ہٹانے وگندگی کے ڈھیروں کی صفائی کا انتظام کرے، مطالبہ
جمعرات 21 جولائی 2016 23:01
کراچی (اُردو پوائنٹ اخبارتازہ ترین - این این آئی۔21 جولائی ۔2016ء) پاک سر زمین پارٹی کے رہنماوٴں سیف یار خان اور ساجد رشید نے بانی پاکستان قائداعظم محمدعلی جناح کی جائے پیدائش وزیرمینشن کے سامنے کچرے کے ڈھیراور اطراف میں منشیات کی کھلے عام فروخت پر اپنی شدید تشویش کا اظہار کرتے ہوئے کہا ہے کہ حکومت سندھ وزیر مینشن کے اطراف میں نشے کے عادی لوگوں کو ہٹانے اور گندگی کے ڈھیروں کی صفائی کا انتظام کرے ،ان خیالات کا اظہا ر انہوں نے کھارادرسے آئے ہوئے علا قہ مکینوں سے بات چیت کرتے ہوئے کیا ،ملاقا ت میں علا قہ مکینوں نے غم و غصے کا اظہار کرتے ہوئے بتایا کہ حکومت وقت بانی پاکستان قائداعظم محمدعلی جناح کی جائے پیدائش وزیر مینشن پر کوئی توجہ نہیں دے رہی جس کی وجہ سے اطراف کی گلیاں بھی کچرا کنڈی کا منظر پیش کر رہی ہیں اور صبح سے رات گئے تک علاقے کی گلیاں منشیات فروشوں کا مرکز بنی رہتی ہیں اور نشے کے عادی افراد یہاں سے گزرنے والی خواتین اوربچوں کوان کی قیمتی اشیاء سے محروم کر دیتے ہیں ،علاقہ مکینوں نے اس بات کی نشاندہی بھی کی کہ اس تاریخی عمارت کی تزئین وآرائش سے قبل نشے کے عادی افراداس عمارت میں گھس کر نشہ کرتے تھے اس بات کی بارہا نشاندہی کے بعدحکومت نے اس یاد گار جگہ کی دیکھ بھال کے لیئے چند ملازمین تعینات کئے لیکن وہ بھی اپنی ڈیوٹی سے غیر حاضر رہتے ہیں جس کی وجہ سے غیر ملکی سیاح جو بانی پاکستان قائداعظم محمدعلی جناح کی جائے پیدائش وزیرمینشن کو دیکھنے کے لیے آتے تھے ان کی آمد کا سلسلہ ان حالات کی وجہ سے کئی برسوں سے رک گیاہے ،رہنماوٴں نے کہا کہ پاک سر زمین پارٹی بانی پاکستان قائداعظم محمدعلی جناح کی جائے پیدائش کے تقدس اور اہمیت کو سمجھتی ہے اورحکومت وقت سے یہ مطالبہ کرتی ہے کہ اس قیمتی قومی اثاثے ویادگارکی نئے سرے سے تزین وآرائش کے ساتھ سیکیورٹی کا انتظام کیا جائے تاکہ اس اہم قومی اثاثے کی تاریخی حیثیت برقرار رہے ۔
متعلقہ عنوان :
مزید اہم خبریں
-
پناہ گزینوں پر مشتمل ٹیم پیرس اولمپکس میں امید کا پیغام لے کر پہنچے گی
-
2 آٹو کمپنیوں نے گاڑیوں کی قیمتوں میں 15 لاکھ روپے تک کمی کر دی
-
یورپ سے پناہ کے متلاشی بچوں کو قید نہ کرنے کا مطالبہ
-
گندم یا چینی اسکینڈلز کی انکوائری کمیٹیوں میں ویسٹرن انٹرسٹ بیٹھا ہوا ہے
-
جنگ نے غزہ کی معیشت کو دو دہائیاں پیچھے دھکیل دیا، یو این ادارے
-
فیصل آباد میں کاوباری حالات سے تنگ شخص نے بیوی بچوں کو قتل کر ڈالا
-
پرویز الٰہی کی درخواست ضمانت منتقلی کیلئے فائل چیف جسٹس کو ارسال
-
چیف منسٹر پنک گیمز2024 کے انعامات ڈبل، انعام 50لاکھ سے بڑھا کرایک کروڑ روپے کرنے کا اعلان
-
حکومت کا ملک کو برآمدی مرکز میں تبدیل کرنے کا وسیع تر وژن ہے، وزیر مملکت برائے آئی ٹی شزہ فاطمہ سے گوگل فار ایجوکیشن ٹیم کی مقامی پارٹنر ٹیک ویلی پاکستان کے ہمراہ ملاقات
-
نیلم جہلم ہائیڈرو پاور پلانٹ سے بجلی کی پیداوار مکمل طور پر بند کر دی گئی
-
سپیکر قومی اسمبلی سردار ایاز صادق کا شیخ طہنون محمد بن النہیان کے انتقال پر اظہار تعزیت
-
صوبائی حکومتیں پٹرولیم مصنوعات کی قیمتوں میں کمی اور اشیائے خورد و نوش کے سرکاری نرخوں پر عملدرآمد یقینی بنانے کے لئے اقدامات کریں، وزیراعظم شہبازشریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.