مقبوضہ کشمیر میں قابض بھارتی فوج کی حراست میں کالج کے پروفیسر شہید جبکہ 25نوجوان زخمی ہوگئے-دن کے ساتھ ساتھ رات کا کرفیو بھی نافذ کر دیا گیا۔پیٹرول اور ڈیزل کی سپلائی روک دی گئی ،دودھ، سبزیاں اور دیگر غذائی اجناس لے جانے والی گاڑیوں کو شہروں اور قصبوں میں داخل ہونے کی اجازت نہیں دی جا رہی
میاں محمد ندیم جمعرات 18 اگست 2016 15:31
سری نگر(اردو پوائنٹ اخبارتازہ ترین-انٹرنیشنل پریس ایجنسی۔18اگست۔2016ء) مقبوضہ کشمیر میں قابض بھارتی فوج کی حراست میں کالج کے پروفیسر شہید جبکہ 25نوجوان زخمی ہوگئے ہیں۔ علاقہ مکینوں نے بتایا کہ رات گئے بھارتی فوجیوں نے ضلع پلوامہ کے گاﺅں کھریو میں چھاپہ مارا اور کالج پروفیسر شبیر احمد سمیت درجنوں نوجوانوں کو اپنے ساتھ لے گئے۔گاﺅں والوں نے بتایا کہ صبح قابض فوج نے شبیر احمد کی لاش گھر والوں کے حوالے کی۔
پولیس نے شبیر احمد کی شہادت کی تصدیق کی ہے تاہم اس کا کہنا ہے کہ فوج نے علاقے میں ہندوستان مخالف مظاہروں کے خلاف کارروائی کی۔پولیس کے مطابق شبیر احمد کے بھائی سمیت دیگر 25 افراد معمولی زخمی ہوئے ہیں۔بھارتی فوج کے ترجمان کرنل نتین این جوشی کا کہنا ہے کہ دوران حراست شبیر احمد کی موت کی وجوہات کی تحقیقات کی جارہی ہیں۔(جاری ہے)
بھارتی جریدے کی رپورٹ کے مطابق 18 کشمیری نوجوانوں کو طبی امداد دینے کیلئے ہسپتال بھی منتقل کیا گیا ہے۔
مقامی افراد کا کہنا ہے کہ رات گئے بھارتی فوج نے گھر گھر تلاشی لینا شروع کی اور درجنوں نوجوانوں کو حراست میں لے لیا۔واضح رہے کہ 8 جولائی کو حزب المجاہدین کے کمانڈر برہان وانی کی شہادت کے بعد سے قابض بھارتی فوج کا نشانہ بننے والے نہتے کشمیریوں کی تعداد 70 سے زائد ہوگئی ہے۔مقبوضہ کشمیر کے کئی علاقوں میں 8 جولائی کے بعد سے کرفیو نافذ ہے اور گھروں سے نکلنے پر پابندی کی وجہ سے معمولات زندگی تاحال مفلوج ہے۔پولیس حکام دعویٰ کرتے ہیں کہ مختلف علاقوں میں کرفیو اور گھروں سے نکلنے پر پابندی کا مقصد حریت پسند تنظیموں کے احتجاج کو روکنا ہے۔حریت پسند تنظیموں کے احتجاج کی وجہ سے سکول، کالج، نجی دفاتر اور پبلک ٹرانسپورٹ بند ہے جبکہ سرکاری دفاتر میں ملازمین کی حاضری بھی بہت کم ہوتی ہے، کشمیر میں انٹرنیٹ اور موبائل سروس بھی مسلسل معطل ہے۔کشمیر میں کئی ہفتوں سے جاری ہند مخالف احتجاجی تحریک ہر نئی ہلاکت کے ساتھ شدید تر ہوتی جا رہی ہے۔مظاہروں کا زور توڑنے کے لیے پہلے ہی مسلسل کرفیو، فون اور انٹرنیٹ رابطوں پر قدغن اور رات کے دوران بستیوں کو ہراساں کرنے کی کاروائیاں جاری ہیں لیکن اب دن کے ساتھ ساتھ رات کا کرفیو بھی نافذ کر دیا گیا ہے۔پیٹرول اور ڈیزل کی سپلائی روک دی گئی ہے جب کہ دودھ، سبزیاں اور دیگر غذائی اجناس لے جانے والی گاڑیوں کو شہروں اور قصبوں میں داخل ہونے کی اجازت بھی نہیں دی جا رہی ہے۔ مقبوضہ کشمیر میں تحریک آزادی کو دبانے کے لیے بھارتی حکومت نے مزید دس ہزار اضافی افواج کو تعینات کردیا ہے۔مقبوضہ کشمیر میں 41 روزبھارتی فوج نے مقبوضہ وادی کی ناکہ بندی کررکھی ہے اور کشمیری عوام غذائی قلت کا شکار ہورہے ہیں-اطلاعات کے مطابق بھارتی حکومت نے کھانے پینے کی اشیاءاور ادویات کی سپلائی بند کررکھی ہے-اور فوجی قوت کے ذریعے کشمیریوں کودبانے کے لیے کوشیش مزید تیز کر دی گئی ہیں۔ہندووں کی سالانہ امرناتھ یاترا کے اختتام کے ساتھ ہی یاترا کی حفاظت پر مامور دس ہزار فورسز اہلکاروں کی اضافی فورس کو وادی کے مختلف مقامات پر تعینات کیا جا رہا ہے۔دوسری جانب پاکستان کا کہنا ہے کہ ا س نے اقوام متحدہ سمیت عالمی اداروں کے سامنے کشمیر کا مسئلہ ا±ٹھایا ہے۔جمعرات کو پاکستانی دفترِ خارجہ کے ترجمان نفیس ذکریا نے کہا کہ وزیراعظم کشمیر کے مسئلے کو آئندہ ماہ اقوام متحدہ کی جنرل اسمبلی میں ا±ٹھائیں گے۔مزید اہم خبریں
-
مغربی بنگال کے گورنر پر جنسی ہراسانی کا الزام، ایک نیا سیاسی تنازعہ
-
نیول چیف ایڈمرل نوید اشرف کا چین کے نیوی ہیڈ کوارٹرز کا دورہ، بحریہ کے کمانڈر ایڈمرل سے ملاقات ، دوطرفہ بحری تعاون پر گفتگو
-
سوشل میڈیا کو ریگولیٹ کرنے کیلئے کوئی نا کوئی طریقہ کار ہونا چاہیے،عطاءتارڑ
-
نیب نے بہت سارے لوگوں کی زندگیاں تباہ کیں اس کا جوابدہ کون ہوگا،شاہد خاقان عباسی
-
آئین میں آزادی اظہار رائے ،آزادی صحافت کی ضمانت شہید بھٹو کی لیگیسی ہے‘ بلاول بھٹو
-
محسن نقوی ،خو اجہ محمد آصف کاعلامہ اقبال ائیر پورٹ کا 2 گھنٹے طویل دورہ سہولتوں پرعدم اطمینان کا اظہار
-
لاہور ہائیکورٹ نے سکول ٹیچر سے زیادتی کرنے والے ملزم کی 14 سال سزا کو کالعدم قراردیدی
-
گندم خریداری سکینڈل، سیکرٹری انچارج نیشنل فوڈ سیکورٹی کیپٹن (ر) محمد آصف کو عہدے سے ہٹا دیاگیا
-
فیض آباد دھرنا کیس سماعت کیلئے مقرر،6مئی کو سماعت ہوگی
-
نااہل جعلی حکومت نے کسانوں کو 300 ارب روپے کا نقصان پہنچایا،بیرسٹر سیف
-
پی آئی اے کی نجکاری میں 15 دن کی توسیع کا فیصلہ کیا گیا ہے،عبدالعلیم خان
-
حکومت نے آئی ایم ایف کی بجلی گیس مہنگی اور پنشنرز پر ٹیکس لگانے کی تجویزپر غور شروع کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.