معطل ایس ایس پی ملیر راؤ انوار نے عہدے سے مستعفی ہونے کی دھمکی دیدی
جمعہ 16 ستمبر 2016 22:31
کراچی(اُردو پوائنٹ اخبارتازہ ترین - آئی این پی۔16ستمبر ۔2016ء) معطل ایس ایس پی ملیر راؤ انوار نے عہدے سے مستعفیٰ ہونے کی دھمکی دیتے ہوئے کہا ہے کہ اگر کام میرے کام میں رکاؤٹ ڈالی گئی تو وہ اپنی ملازمت کو مزید جاری نہیں رکھ سکوں گا،خواجہ اظہار الحسن کی گرفتاری قانون کے مطابق کی گئی ہے ،اس سلسلے میں اسپیکر سے اجازت لینا ضروری نہیں ،بلکہ اسپیکر کو گرفتاری کے بارے میں معطلع کیا جاتا ہے،خواجہ اظہار الحسن ٹارگٹ کلر کے چیف ہیں اور ان کی گرفتاری دو سے تین درج کئیے گئے مقدمات میں عمل میں لائی گئی ہے،وہ جمعہ کو اپنے دفتر کے باہر معطلی کے احکامات ملنے کے بعد میڈیا سے گفتگو کررہے تھے،راؤانوار نے کہا کہ پولیس کے محکمے میں گروپ بندی ہیں اور بعض افسران ان سے خوش نہیں ہیں،ایک سوال پر انہوں نے کہا کہ جتنے بھی بڑے لوگ جرائم میں ملوث ہیں ڈاکٹر فاروق ستار سمیت انہیں گرفتار ہونا چاہئیے ،انہوں نے کہا کہ خواجہ اظہار الحسن نے پاکستان اور پاک فوج کے خلاف نعرے بازی کی ہے،جسے نظر انداز نہیں کیا جاسکتا ،راؤ انوار نے الزام عائد کیا کہ لندن میں بیٹھے ندیم نصرت اور واسع جلیل اور ساؤتھ افریقہ میں بیٹھے دہشتگردوں کو ہدایت دیتے ہیں کہ کراچی میں بد امنی کی جائے،انہوں نے کہا کہ میری معطلی کے بارے میں جلد بازی کی گئی ہے میں نے خواجہ اظہار الحسن کو قانون کے مطابق گرفتار کیا ہے ان پر بسیں جلانے والے دہشتگردوں کو اکسانے کا بھی الزام ہے ،ایک سوال پر انہوں نے کہا کہ خواجہ اظہار الحسن کی رہائی عدالتی حکم پر عمل میں آسکتی ہے ان پر انسداد دہشتگردی کی دفعات کے تحت دفعات درج ہیں اور یہ مقدمات عدالت ہی ختم کرسکتی ہے اور اس سلسلے میں محکمہ داخلہ کی مشاورت ضروری ہے ،انہوں نے کہا کہ ایم کیو ایم کے لوگ چائنہ کٹنگ اور ذمینوں کے قبضوں میں ملوث ہیں،انہوں نے کہا کہ میری معطلی کے غلط نتائج نکلیں گے اور محکمہ پولیس کو ایک منفی پیغام جائے گا،راؤ انوار نے کہا کہ مجھ پر حملے ہوچکے ہیں ،لیکن یہ میرا ایمان ہے کہ اﷲ تعالیٰ نے جتنی زندگی لکھی ہے اتنے عرصے تک ذندہ رہوں گا اﷲ کی مرضی کے بغیر کوئی مجھے نہیں مارا سکتا ،انہوں نے کہا کہ فاروق ستار اور خواجہ اظہار الحسن ابھی بھی لندن سے رابطے میں ہیں اور وہی سے ہدایت لیتے ہیں،راؤ انوار نے کہا کہ اگر خواجہ اظہار الحسن کی گرفتاری سے حکومت سندھ ناراض ہے تو مجھے اس کی پرواہ نہیں ہے میں نے جو بھی کچھ کیا ہے ،ایک ذمہ دار پولیس افسر سے اپنی ذمہ داری پوری کی ہے،انہوں نے کہا کہ اگر میرے آصف علی زرداری سے رابطے ہوتے تو آج میں معطل نہیں ہوتا۔
متعلقہ عنوان :
مزید اہم خبریں
-
بھارت اور پاکستان ایک دن آزاد ہوئے آج وہ سپرپاور بننے کے خواب دیکھ رہا ہے اور ہم دیوالیہ پن کا شکار ہیں
-
گرمیوں میں سردی والا موسم، کئی سیاحتی مقامات پر برفباری سے سردی لوٹ آئی
-
خیبرپختونخواہ میں بلدیاتی ضمنی الیکشن، تحریک انصاف کلین سوئپ کرنے میں کامیاب
-
مرغی کے گوشت کی قیمت 1200 روپے کی ہوشربا سطح تک پہنچ گئی
-
نوازشریف کے پارٹی صدر بننے کا مطلب مزاحمتی بیانیہ نہیں ہے
-
موبائل ایپ پاک حج سے تمام انتظامات پیپر لیس کر دیے ، رہنمائی اور شکایات مکمل آٹومیٹ ہونگی
-
آرمی چیف سے ترک کمانڈر جنرل کی ملاقات، دفاعی تعلقات مضبوط بنانے کا عزم
-
آرمی چیف جنرل سید عاصم منیر سے ترک بری افواج کے کمانڈر جنرل سیلکوک بیریکتر اوغلو کی ملاقا ت، باہمی دلچسپی کے امور اور دوطرفہ دفاعی تعاون کو مزید بڑھانے کے اقدامات پر تبادلہ خیال
-
آرامکو نے گو پٹرولیم کے 40 فیصد حصص کا حصول کر لیا
-
صدر آصف علی زرداری نی ترک بری افواج کے کمانڈر ،جنرل سیلکوک بایراکتار اوغلو کو نشان پاکستان (ملٹری) سے نوازا
-
غزہ میں مستقل امن قائم کیے بغیر دنیا میں امن قائم نہیں ہو سکتا ، شہبازشریف
-
آئی ایم ایف نے پاکستان کیلئے 1.1 ارب ڈالر قسط کی منظوری دے دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.