کسی کو شریف لوگوں کی پگڑیاں اچھالنے اور پاکستان کا رخ تباہی کے راستے کی طرف موڑنے کی اجازت نہیں دیں گے٬عابد شیر علی
اسلام آباد ہی اسلام کا قلعہ ہے٬کوئی مائی کا لعل اسلام آباد بند نہیں کرسکتا٬ میڈیا سے گفتگو
جمعہ 28 اکتوبر 2016 20:47
(جاری ہے)
ان خیالات کا اظہار انہوں نے جمعہ کو لال حویلی کے جلسے کے حوالے سے میڈیا سے گفتگو کرتے ہوئے کیا٬انہوں نے کہا کہ دم دباکر بھاگنا شیخ رشید کی پرانی عادت ہے٬میں راولپنڈی کے عوام کو سلام پیش کرتا ہوں جنہوں نے آج شیخ رشید کے ساتھ کھڑے نہ ہوکر اسے اس کی اوقات یاد دلادی٬انہوں نے کہا کہ شیخ برادری بھی شیخ رشید کا ساتھ دین پسند نہیں کرتی صرف شیخ برادری ہی کمیٹی چوک پہنچ جاتی تو مری روڈ جام ہوجاتا لیکن ایسا بھی نہیں ہوا مجبورا شیخ رشید کو اپنے فتح جنگ فارم ہائوس کے چار ملازمین کو ساتھ لانا پڑا ٬انہوں نے کہا کہ جھوٹ کی بھی کوئی حد ہوتی ہے شیخ رشید نے اب تک جھوٹ بولنا نہیں چھوڑا٬اگر راولپنڈی کے غریب لوگوں کو دودھ اور پانی نہیں مل رہا تھا تو وہ آتے ہی 10 ڈالر کا سگار سلگاکر کیاان غریب لوگوں کا مذاق نہیں اڑارہے تھے٬چوہدری عابد شیر علی نے کہا کہ بوہڑ بازار سے متصل دو تین سڑکوں کے علاوہ پورا راولپنڈی کھلا تھا ٬ٹریفک ہر طرف رواں دواں تھی اور کھانے پینے کی ہر چیز لوگوں کو دستیاب تھی لہٰذا یہ کہنا کہ لوگوں کو دودھ اور پانی نہیں ملا اور اسی طرح شیخ رشید کا اپنی بہن کے گھر چھاپے سمیت لال حویلی کو سیل کرنے کے دعوے من گھڑت اور جھوٹ کے پلندے ہیں٬شیخ رشیدمانگے تانگے کی سواریاں بھی نہیں لاسکا٬ کمیٹی چوک میں خطاب کیلئے انہیں 10 یا 12 کیمرے ہی میسرآ سکے٬ایک سوال کے جواب میںچوہدری عابد شیر علی نے کہا کہ حکومت نے شیخ رشید کی گرفتاری کا کوئی حکم جاری نہیں کیا تھا وہ بوکھلاہٹ میں دھمکیوں کے ذریعے اور بالواسطہ طریقوں سے گرفتاری کی پوری کوشش کرتے رہے یہاں تک کہ بھاگنے کا ڈرامہ بھی رچایا لیکن پولیس پھر بھی حرکت میں نہ آئی٬انہوں نے کہا کہ شیخ رشید کوئی چھلاوہ نہیں ہے کہ پولیس کی نظروں سے اوجھل ہوتا رہے اور موٹر سائیکل پر دندناتا پھرے٬اگر لال حویلی سیل ہوتی اور پولیس نے شیخ رشید کو گرفتار کرنا ہوتا تو بتایا جائے کہ وہ کمیٹی چوک سے لال حویلی کیسے پہنچے٬ چوہدری عابد شیر علی نے کہا کہ میں نے پہلے ہی کہا تھا کہ شیخ رشید آئندہ الیکشن میں شکست کے بعد سیاست چھوڑ کرکمیٹی چوک پر ریڑھی لگائیں گے آج کچھ ایسا ہی لگ رہا تھا٬چوہدری عابد شیر علی نے مذید کہا کہ تحریک انصاف کے کارکنوں نے بنی گالہ میں جس طرح پولیس اہلکاروں کو ڈنڈے مارے ہیں اور راولپنڈی میں جس طرح پولیس پرپتھرائو کرایا گیا ہے یہ لوگ اسی طرح کا احتجاج کرنا چاہتے ہیں ٬حکومت کسی شرپسند جماعت یا گروہ کو قانون ہاتھ میں لینے کی قطعا اجازت نہیں دے گی۔
مزید قومی خبریں
-
منشیات فروشوں کے خلاف کریک ڈائون کر رہے ہیں، اسلحہ کی نمائش کی اجازت نہیں ہوگی ، شرجیل انعام میمن
-
راولپنڈی،پتریاٹہ پولیس کی کارروائی ،ناجائز اسلحہ پرملزم گرفتار
-
وزیراعلیٰ سندھ کی زیر صدارت ایپکس کمیٹی کا اجلاس
-
صوبائی وزیر صحت خواجہ عمران نذیر کی جناح ہسپتال آمد ،یورالوجی ٹرانسپلانٹ سنٹر کا دورہ کیا
-
گھریلو کنکشن کیلئے ایل این جی کی بنیاد پر ڈیمانڈ نوٹسز کی فیس مقرر
-
پنجاب کو مکمل طورپرپولیو فری بنانا ہمارا عزم، ویکسی نیشن مہم کی ذاتی طور پر مانیٹرنگ کررہی ہوں،مریم نواز
-
سید ناصرحسین شاہ کی کراچی یونین آف جرنلسٹس کے نومنتخب عہدیداروں کو مبارکباد
-
پیپلزپارٹی آزاد و خودمختار پریس کی حمایت کرتی ہے، جس کا جمہوری عمل کے فروغ میں کلیدی کردار ہے،بلاول بھٹو زرداری
-
گورنر سندھ کامران ٹیسوری کے ہمراہ وفاقی وزیر داخلہ محسن نقوی کا آئی ٹی مارکی کا دورہ
-
وفاقی وزیرداخلہ محسن نقوی کی کراچی میں چینی قونصلیٹ آمد،چین کے قونصل جنرل سے ملاقات
-
مجرموں کی سرپرستی یا سہولتکاری کرنے والا کوئی بھی ہو اس کے ساتھ کوئی بھی رعایت نہیں برتی جائے گی، شرجیل میمن
-
وزیراعلی سندھ سید مراد علی شاہ کی زیر صدارت 31 ویں ایپکس کمیٹی اجلاس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.