اقبال ہمارے قومی افق پر طلوع ہونے والا وہ روشن ستارہ ہے جس نے ایک ایسے وقت میںہمیں راستہ دکھایا جب غلامی کے اندھیروں میں ہم اپنی منزل کا نشان کھو چکے تھے،اقبال نے اپنی شاعری کے ذریعے ہم میں وہ قوتِ عمل پیدا کی جس کے سہارے نہ صرف ہم نے مایوسی کو شکست دی بلکہ اپنی منزل تک بھی پہنچے،پاکستان علامہ اقبال کا فیضان ہے،انہوں نے نہ صرف پاکستان کا خواب دیکھا بلکہ یہ بھی بتا یا کہ یہ خواب جب تعبیر آشنا ہوگا تو اسے کس طرح کے فکری اور عملی مسائل کا سامنا ہوگا،فرقہ واریت، نظریاتی انتہا پسندی اور نئے اجتماعی اداروں کی تشکیل جیسے معاملات پر اقبال کاوژن ،آج بھی ہمارے لیے مشعلِ راہ ہے،وزیراعظم نوازشریف کا یومِ اقبال پرپیغا م
منگل 8 نومبر 2016 22:40
اسلام آباد(اُردو پوائنٹ اخبارتازہ ترین - آئی این پی۔ 08 نومبر2016ء) وزیراعظم نوازشریف نے کہا ہے کہ اقبال ہمارے قومی افق پر طلوع ہونے والا وہ روشن ستارہ ہے جس نے ایک ایسے وقت میںہمیں راستہ دکھایا جب غلامی کے اندھیروں میں ہم اپنی منزل کا نشان کھو چکے تھے،اقبال نے اپنی شاعری کے ذریعے ہم میں وہ قوتِ عمل پیدا کی جس کے سہارے نہ صرف ہم نے مایوسی کو شکست دی بلکہ اپنی منزل تک بھی پہنچے،یہ اقبال ہی تھے جنہوں نے جنوبی ا یشیا کے مسلمانوںکوقائد اعظم جیسی عظیم قیادت دی جنہوں نے ناممکن کو ممکن بنایا،پاکستان علامہ اقبال کا فیضان ہے،انہوں نے نہ صرف پاکستان کا خواب دیکھا بلکہ یہ بھی بتا یا کہ یہ خواب جب تعبیر آشنا ہوگا تو اسے کس طرح کے فکری اور عملی مسائل کا سامنا ہوگا۔
یومِ اقبال پر وزیراعظم نوازشریف نے اپنے پیغا م میں کہا کہ علامہ اقبال نے خطبہ الٰہ آباد میں جنوبی ایشیا میں مسلمانوں کے محفوظ مستقبل کا نقشہ پیش کیا اور اپنے علمی خطبات میں ان فکری اورعملی مسائل کی نشاندہی کی جو ایک نئی مملکت کو درپیش ہو سکتے ہیں۔(جاری ہے)
یہ اُس دانائے راز کی نگاہ دوربین تھی کہ انہوں نے برسوں پہلے ہی ان مسائل کی پیش گوئی کی جن کاہمیں آج بھی سامنا ہے۔
فرقہ واریت، نظریاتی انتہا پسندی اور نئے اجتماعی اداروں کی تشکیل جیسے معاملات پر اقبال کاوژن ،آج بھی ہمارے لیے مشعلِ راہ ہے۔اقبال نے پارلیمنٹ کو دورِ جدید میں اجماع کا متبادل قرار دیا اور مسلمانوں کو یہ تلقین کی کہ وہ اجتماعی دانش کی بنیاد پر اداروں کی تشکیل کریں۔اقبال اس بات کے قائل تھے کہ ریاستی امور میں ایک عام آ دمی کی بصیرت سے فائدہ اٹھانا چاہیے۔اس لیے ایک جمہوری ریاست کا قیام ہی دورِ حاضر میں فکرِ اقبال کا تقاضا ہے۔آج اقبال کی فکر سے وابستگی کا یہ تقاضا ہے کہ ہم پاکستان کو حقیقی معنوں میں جمہوری فلاحی مملکت بنائیں جو اجتہاد کی اسلامی روایت کی رو شنی میں نئے مسائل کا حل تلاش کرے۔ہم اپنے سیاسی،سماجی اور معاشی اداروں کی تشکیلِ نو کریں۔علامہ اقبال نے قائد اعظم کے نام اپنے خط میں مسلمانوں کو درپیش معاشی مسائل کو اولیت دی تھی۔آج ضروری ہے کہ ہم فکرِ اقبال کی روشنی میں ان معاشی مسائل کو حل کریں اور پاکستان کو دورِ جدید کی اسلامی جمہوری فلاحی ریاست بنائیں۔یہ حکومت اور عوام کی اجتماعی ذمہ داری ہے کہ وہ فکرِ اقبال سے راہنمائی لیتے ہوئے،تعمیرِ ملت میں اپنا کردار اداکریں۔ اقبال کے نزدیک تقسیمِ ہند پُرامن بر صغیرکی ضمانت تھی اسی لئے پاکستان کا قیام ہمارے لئے بڑی نعمت ہے جو ہمیںتہذیبی اورسیاسی تصادم سے بچنے کا راستہ دکھاتا ہے۔اگر جنوبی ایشیا کی سطح پر،ہم فکرِ اقبال سے راہنمائی حاصل کریں تو اسے علاقائی امن کی بنیاد بنایا جا سکتا ہے۔متعلقہ عنوان :
مزید قومی خبریں
-
پاکستان اور برطانیہ کے درمیان تعلیم کے شعبے میں زیادہ سے زیادہ ایکسچینج پروگرامز شروع کرنے چاہئیں‘بلیغ الرحمن
-
موٹرسائیکل سواراورگدھا گاڑی میں تصادم باپ بیٹی جاں بحق ہو گئے
-
مرتضی وہاب کے الیکٹرک بلوں کے ذریعے ٹیکس وصولی کی عجیب منطق سامنے لے آئے
-
معاشی بگاڑ بہت بڑا ہے مگر مایوس نہیں ہوں گے،نئی نسل کو مستحکم پاکستان دینا ہی:خواجہ سعد رفیق
-
خصوصی سرمایہ کار ی سہولت کونسل :آئی ٹی کی برآمدات 3.5 بلین ڈالر تک بڑھنے کا امکان
-
جمہوری اداروں کی مضبوطی کے لیے پیپلز پارٹی نے قربانیاں دی ہیں، مراد علی شاہ
-
30 مئی کو جماعت اسلامی کسانوں کے مطالبات کی منظوری کیلئے دھرنا دے گی:امیر العظیم
-
الیکشن کمیشن نے پنجاب میں بلدیاتی انتخابات کے لئے کمر کس لی
-
کراچی سے چھینے جانے والا قیمتی فون افغانستان پہنچ گیا
-
تھرکول بلاک ون منصوبے کی تکمیل سے پہلے فیز میں 1320 میگاواٹ بجلی نیشنل گرڈ میں شامل کی جائی گی ناصرحسین شاہ
-
احاطہ کا تنازعہ ، ٹھیکہ کی رنجش ۔ دو زمینداروں کو چھریاں گولیاں مار دی گئیں
-
ٹنڈو محمد خان پولیس نے شراب کی بھٹی میں کارروائی کرکے کچی شرا ب برآمد کرلی ،ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.