سابق صدر آصف زرداری اور چوہدری شجاعت کی ملاقات کی اندرونی کہانی سامنے آگئی

چوہدری شجاعت کی تجویز پر آصف علی زرداری نے آئندہ ماہ سے اسلام آباد میں ڈیرے لگانے اور اپوزیشن جماعتوں کی قیادت سے ملاقاتوں کا فیصلہ کر لیا

اتوار 25 دسمبر 2016 22:40

سابق صدر آصف زرداری اور چوہدری شجاعت کی ملاقات کی اندرونی کہانی سامنے ..

کراچی(اُردو پوائنٹ اخبارتازہ ترین - آئی این پی۔ 25 دسمبر2016ء) پیپلزپارٹی کے شریک چیئرمین سابق صدر آصف علی زرداری اور مسلم لیگ (ق) کے سربراہ چوہدری شجاعت حسین کی ملاقات کی اندرونی کہانی سامنے آگئی،چوہدری شجاعت کی تجویز پر آصف علی زرداری نے آئندہ ماہ سے اسلام آباد میں ڈیرے لگانے اور اپوزیشن جماعتوں کی قیادت سے ملاقاتوں کا فیصلہ کر لیا ۔

تفصیلات کے مطابق اتوار کو بلاول ہائوس کراچی میں ہونے والی سابق صدر آصف علی زرداری اور مسلم لیگ (ق) کے سربراہ چوہدری شجاعت حسین کی ملاقات کی اندرونی کہانی سامنے آگئی۔

(جاری ہے)

چوہدری شجاعت حسین نے کہا کہ آپ نے پہلے بھی سیاسی قیادت کو احترام دیا ، اپوزیشن رہنمائوں سے ملاقاتوں سے سیاسی روابط مضبوط ہوں گے ،انہوں نے مشورہ دیا کہ آپ کا اسلام آباد بیٹھنا ضروری ہے جس پر سابق صدر آصف زداری نے یقین دہانی کروائی کہ جنوری سے اسلام آباد میں سیاسی ڈیرے لگائیں گے ، اپوزیشن مل کر چلے تو ملکی معاملات میں بہتر کردار ادا کر سکے گی ۔

ذرائع کے مطابق ملاقات میں آصف علی زرداری کی اپوزیشن جماعتوں کی قیادت سے ملاقاتوں پر اتفاق کیا گیا ، سابق صدر تمام اہم اپوزیشن رہنمائوں سے ملاقاتیں کریں گے