مجلس وحدت مسلمین پاکستان کے زیراہتمام ’’تحفظ مزارات اولیاء اللہ کا نفرنس‘‘آج ملتان میں ہوگی

ہفتہ 25 مارچ 2017 22:37

ملتان(اُردو پوائنٹ اخبارتازہ ترین - آئی این پی۔ 25 مارچ2017ء) مجلس وحدت مسلمین پاکستان کے زیراہتمام ’’تحفظ مزارات اولیاء اللہ کا نفرنس‘‘آج دربار حضرت شاہ شمس ملتان میں منعقد ہوگا، مجلس وحدت مسلمین کے مرکزی رہنما ملتان پہنچ گئے، تیاریاں مکمل،کانفرنس کے آخر میں مشترکہ اعلامیہ جاری کیا جائے گا۔

(جاری ہے)

ایم ڈبلیو ایم کے ترجمان ثقلین نقوی کے مطابق مجلس وحدت مسلمین کے زیراہتمام منعقد ہونے والی’’تحفظ مزارات اولیاء اللہ کا نفرنس‘‘ کی تیاریاں مکمل ہوگئیں، گزشتہ رات علامہ اقتدار حسین نقوی نے صوبائی کابینہ کے ہمراہ دربار کا دورہ کیا۔

اس موقع پرمحمد عباس صدیقی، مہر سخاوت علی،وسیم عباس زیدی،سید ندیم عباس کاظمی، ثقلین نقوی اور دیگر موجود تھے۔ ثقلین نقوی کے مطابق ایم ڈبلیو ایم کے ڈپٹی سیکرٹری جنرل علامہ احمد اقبال رضوی، سید ناصر عباس شیرازی اور سیکرٹری سیاسیات سید اسد عباس نقوی ملتان پہنچ گئے ہیں، دربار شاہ شمس پر کانفرنس کی تیاریاں مکمل کرلی گئیں ہیں، کانفرنس میں جنوبی پنجاب بھر کے مزارات کے سجادہ نشین حضرات شرکت کریں گے، کانفرنس کے آخر میں مشترکہ اعلامیہ جاری کیا جائے گا۔